Hageo 2:23 - CHUYA QELLQA La Biblia en Quechua de Ayacucho 2012

²³ Tukuy Atiyniyuq Tayta Diosmi kaynata nin: Salatielpa churin serviqniy Zorobabel, chay punchawpim qamta akllasqayrayku sellona anillota hina ruwasqayki, nispa. Tukuy Atiyniyuq Tayta Diosmi chaynata nin.

Quechua Ayacucho Bible 1987

²³ Llapallan Kamachiq ñoqa Tayta Diosmi kaynata nini: Salatielpa churin serviqniy Zorobabel, chay punchawpiqa sello churana anillota hinachichkaq hinam rantiypiña gobiernanaykipaq churasqayki. Qamtaqariki ñoqam akllakurqayki. Chaynatam nini Llapallan Kamachiq ñoqa Tayta Dios.”

Chuya Qellqa 1992

²³ Tukuy Atiyniyuq Tayta Diosmi kaynata nin: Salatielpa churin serviqniy Zorobabel, chay punchawpim qamta akllasqayrayku sellona anillota hina ruwasqayki. Tukuy Atiyniyuq Tayta Diosmi chaynata nin.

Hageo 2:23 Iomraidhean Croise

Cantares 8:6

Sonqoykipiyá marcata hina churaykuway, brazoykipiyá marcata hina churaykuway; kuyakuyqa wañuy hina atiyniyuqmi, celoso kaypas wañuy hina nanakuqmi. Lenwachkaq nina hinam cheqap kuyakuyqa, Diospa kawsaq ninan hinam cheqap kuyakuyqa.

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Isaías 43:10

Tayta Diosmi kaynata nin: Qamkunam testigoykuna kankichik, serviwanaykichikpaq akllakusqaykunam kankichik, reqsiwaspaykichik ñoqapi hapipakunaykichikpaq, ñoqalla Dios kasqayta yachanaykichikpaq. Ñoqamanta huk diosqa manam haykapipas kanqachu.

Isaías 49:16

Sutikitapas maki pampaypi qellqasqatam apaykachani, perqaykikunatapas sapa punchawmi ñawpaqniypi kachkan.

Jeremías 22:24

Judá nacionpa reynin Joacimpa churin Jeconiastam Tayta Dios kaynata nin: Alleq makiypi anillo hinaña kaptikipas chaymanta hurqoruspaymi wikaparuykiman

Mateo 12:18

“Paymi serviqniyqa, paytam akllakurqani, payqa kuyasqaymi, payraykum kusisqa kachkani. Espirituytam payman huntaykusaq, Diosta mana reqsiq nacionkunamanmi allin kawsakuymanta willakunqa.

Juan 6:27

Amayá llamkaychikqa tukuruqlla mikuyraykuchu, aswanqa wiñay kawsay qokuq mikuypaqyá llamkaychikqa. Chay mikuytaqa runapa Churinmi qosunkichik, paytam Dios Tayta chaypaq akllarqa, nispa.

2~Timoteo 2:19

Diosmi ichaqa sellachkaq hina mana kuyuriq cimientota churarqa, chaypim kaynata nichkan: Señorqa paypa kaqkunataqa reqsinmi, chaynaqa Señorpa sutin qayakuqkunaqa mana allin ruwaykunamanta rakikuchunku, nispa.

1~Pedro 2:4

Señorninchikmanyá asuykuychik, payqa kawsaq rumim, paytam runakuna wischupakurqaku, Diospaqmi ichaqa akllasqa ancha valorniyuq sumaq kawsaq rumi.