Hageo 2:22 - CHUYA QELLQA La Biblia en Quechua de Ayacucho 2012

²² nacionku-napa atiynintam tuñichisaq, munay-chakuqkunatam puchukachisaq; gue-rrapaq carretakunatawan manejaq-ninkunatam wichichisaq, caballokunapas sillakuqninpiwanmi wañunqaku, kikinkupurallam espadankuwan wañuchinakunqaku.

Quechua Ayacucho Bible 1987

²² Ñoqaqa nacionkunapi gobiernokunatapas atiynintawanmi mana kaqmanña churarusaq. Urmarachisaqtaqmi guerrapaq carretakunatawan manejaqninkunatapas. Kikillankupura espadawan tuksinakuruptinkum wikapakurunqa caballokunapas sillakuqninkunapiwan.

Chuya Qellqa 1992

²² nacionkunapa atiynintam tuñichisaq, munaychakuqkunatam puchukachisaq; guerrapaq carretakunatawan manejaqninkunatam wichichisaq, caballokunapas sillakuqninpiwanmi wañunqaku, kikinkupurallam espadankuwan wañuchinakunqaku.

Hageo 2:22 Iomraidhean Croise

2~Crónicas 15:6

Huk nacionmi huk nacionta purmachiq, huk llaqtapas huk llaqtatam purmachiq, paykunata tukuy rikchaq sasachakuykunawan Dios manchachisqanrayku.

2~Crónicas 20:22

Kusikuywan takiyta qallariptinkum Judá nacionpa contranpi hamuq Amonpa soldadonkunata, Moabpa soldadonkunata chaynataq Seir orqomanta kaqkunatapas kikin Tayta Dios chaqwarachirqa, chaymi kikinkupura wañurachinakur-qaku.

2~Crónicas 20:23

Amonpa tropankunawan Moab-pa soldadonkunam, Seir orqopi ya-chaqkunata atacarurqaku, hinaspam lliwta wañurachirqaku, wañuchiyta tukuruspankuñataqmi kikinkupuraña wañuchinakuspa tukunakururqaku.

Éxodo 14:17

Ñoqam Egipto runakunapa sonqonta rumiyarachisaq qepaykichikta qatiykamusunaykichikpaq, chaynapim Faraonpi, lliw tropankunapi, carretankunapi hinaspa caballopi riqkunapi atiyniyta qawachikuspay hatunchasqa kasaq. Chayraqmi Egipto runakuna yachanqaku ñoqa Tayta Dios kasqayta.

Éxodo 14:28

Yakum maymi kasqanman kutiykuspan carretakunata hinaspa caballopi riqkunata pamparurqa. Israel runakunapa qepanta lamar qochaman qatiykuq Faraonpa tropankunaqa manam chullallapas lluptirqakuchu.

Éxodo 15:19

Faraonpa caballonkunawan, carretankuna hinaspa caballopi riqkuna lamar qochaman yaykuruptinmi, Tayta Dios paykunapa hawanman lamar qochata kutiykachirqa. Israelpa mirayninkunam ichaqa chaki allpallanta lamar qochapa chawpinta pasarqaku.

Éxodo 15:4

Faraonpa carretankunatawan tropankunatam lamar qochapi chinkarachirqa, akllasqa capitanninkunatam Puka lamar qochapi chinkarachirqa.

Isaías 19:2

Tayta Diosmi kaynata nin: Egipto runakunatam kikinkupurata reqsinakuqpurata, llaqtapurata hinaspa nacionpurata peleanachisaq.

Isaías 60:12

Mana servisuqniki nacionqa chinkachisqam kanqa, chayna nacionqa pasaypaq purmachisqam kanqa.

Isaías 9:19

Tukuy Atiyniyuq Tayta Dios piñakusqanraykum lliw nacionkuna rupachkan, runakunañataqmi ninapaq yanta hina kachkan. Runakunaqa runamasinta mana kuyapayarikuqñam kachkanku.

Ezequiel 21:27

Ñoqaqa imatañapas pasaypaqtam purmachisaq. Chaykunaqa pasakunqa kamachisqayman hina Babilonia nacionpa reynin chayamuptinmi, nispa.

Ezequiel 26:16

Hinaptinmi lamar qocha patanpi reykunapas trononkumanta uraykuspanku capankutawan bordasqa pachankuta hurqokunqaku; manchakuypa huntasqanmi pampapi tiyanqaku, tuñichisqa kasqaykita qawaykuspankum sapa kutilla manchakuymanta katkatatanqaku.

Ezequiel 38:21

Ñoqa Tayta Diosmi kaynata nini: Gogpa contranpim llapa orqokunapi guerrata hatarichisaq, soldadonkunam kikinkupura wañuchinakunqaku.

Ezequiel 39:20

Qamkunapaqmi caballokunapa, sillada tropakunapa, tropakunapa hinaspa guerrapi peleaqkunapa aychanwan huk convidota ruwapusqaykichik, hinaptinmi saksanaykichikkama mikunkichik. Ñoqa Tayta Diosmi chaynata nini.

Daniel 8:25

Sakrillaña kasqanraykum runakunata llumpayta engañanqa. Sonqonpi hatunchakuspanmi hawka kawsakuqkunatapas achkallataña wañuchinqa. Payqa kamachikuqkunapa kamachiqninpa contranpim hatarinqa, aswanqa vencesqam kanqa, ichaqa manam runakunapa atiyninwanchu.

Amós 2:15

Flechawan peleayta yachaqpas manam takyanqachu, maynataña kallpaq runapas manam lluptinqachu, caballopi ayqeqpas manam vidanta salvanqachu.

Miqueas 5:10

Tayta Diosmi kaynata nin: Chay punchawpim caballoykikunatapas wañurachisaq, guerrapaq carretaykikunatapas ñutuparusaq.

Miqueas 5:15

Mana kasuwaqniy nacionkunamantam sinchi piñakuywan vengakusaq, nispa.

Miqueas 5:8

Jacobpa mirayninkunamanta puchuqkunam, nacionkunapa llaqtakunapa chawpinpi, purun animalkunapa chawpinpi león hinaraq kanqaku, ovejakunapa chawpinpi uña león hinaraqmi kanqaku, payqa hapiruspanmi tisaparun, paymantaqa manam imapas lluptinmanchu.

Miqueas 5:9

Dios Taytalláy, enemigoykikunapa contranpi makikita hoqarispaykim, enemigoykikunata pasaypaqta puchukarachinki.

Miqueas 7:16

Atiynikita qawaykuspankum nacionkunapas atiyninkumanta penqakunqaku, manam rimaytapas nitaq uyariytapas atinqakuchu.

Sofonías 3:8

Chayraykum Tayta Dios kaynata nin: Contraykichikpi hatarispay juzganay punchawta suyaykuychik. Nacionkunata llaqtakunatam huñunarusaq, hinaspaymi hatun piñakuyniywan paykunata castigarusaq. Piñakuyniypa rupariynin kañaruptinmi kay allpa pacha puchukanqa.

Zacarías 10:11

Lamar qochapa olanta sayarachiptiymi, lamar qochapa chawpinta pasamunqaku. Nilo mayutam chakichisaq, Asiriapa hatun tukuynintam puchukachisaq, Egiptopa atiynintam tukurusaq.

Zacarías 10:5

Paykunaqa kanqaku mitupa hawanpi enemigonta sarupaq soldadokuna hinam; Tayta Diospa yanapakuyninwanmi paykunaqa peleanqaku. Sillada tropakunatapas paykunaqa penqaymanmi churanqaku.

Zacarías 12:9

Chay punchawpim Jerusalenpa contranpi hamuq nacionkunata puchukachisaq.

Zacarías 14:3

Chaymantam Tayta Dios, chay nacionkunawan peleanqa, hatun guerrapi peleasqanta hina.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Zacarías 9:10

Paymi Efrainpa carretankunatawan Jerusalenpa caballonkutapas chinkachinqa, guerrapaq arcokunatapas pakipanqam. Nacionkunapa hawkayaynintam rimarinqa, lamar qochapa kaylaw patanmanta waklaw patankamam munaychakunqa, Eufrates mayumanta qallaykuspam kay allpa pachapa patankama munaychakunqa.

Mateo 24:7

Huk nacionmi huk nacionwan peleanqa, huk munaychakuqmi huk munaychakuqwan peleanqa; muchuypas, terremotokunapas kaypi chaypim kanqa.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

Jueces 7:22

Israel castakunamanta kimsa pachak runakuna trompetankuta tocaptinkum, campamentopi kaq madianitakunata kikinkupurata Tayta Dios peleanarachirqa. Ayqespankuñataqmi Zerera lawman riq Bet-sita lawkama lluptirqaku, Tabat lawpa hichpanpi kaq Abel-mehola llaqtapa linderonkama.

1~Samuel 14:16

Saulmi Benjamín ayllupa allpan law Gabaa llaqtapi wateqaqkunata churarqa, paykunam rikururqaku Filistea tropakuna anchallataña kayman chayman kallpakachasqankuta.