Hageo 2:17 - CHUYA QELLQA La Biblia en Quechua de Ayacucho 2012

¹⁷ Llamkasqaykichiktapas rupach-kaq wayrawan, qasawan, runtu para-wanmi tukuchirqani, ichaqa ma-nam ñoqaman kutirikamuwarqankichikchu. Tayta Diosmi chaynata nin.

Quechua Ayacucho Bible 1987

¹⁷ Ñoqaqa llamkasqaykichiktapas rupachkaq wayrawan kañaruspaymi qoqararachirqani, tukuchirqanitaqmi runtu parawanpas ichaqa chaywanpas manam ñoqamanqa kutirikamuwarqankichikchu. Chaynatam nini ñoqa Tayta Dios.

Chuya Qellqa 1992

¹⁷ Llamkasqaykichiktapas rupachkaq wayrawan, qasawan, runtu parawanmi tukuchirqani, ichaqa manam ñoqaman kutirikamuwarqankichikchu. Tayta Diosmi chaynata nin.

Hageo 2:17 Iomraidhean Croise

Génesis 42:23

Paykunaqa manam yacharqakuchu rimasqankuta José entiendesqanta, paykunata José rimapayaptin rimayninkuman huk runa tikrasqanrayku.

Génesis 42:27

Samasqankupiñam asnonman mikuchinanpaq costalninta hukkaqnin kichaykuspan qollqenta tarirurqa.

Génesis 42:6

Egipto nacionpim José munaychakuq karqa, paymi llapa runakunaman kawsayta rantikuq. Joseypa wawqenkunam chayaruspanku paypa ñawpaqninpi pampakama kumuykurqaku.

1~Reyes 8:37

Sichum nacionpi yarqaypas, peste onqoypas, sinchi rupaywan kawsay-kuna chakiptinpas, ismuptinpas, atu-paruptinpas, aqaruwaywan puyu tu-kuptinpas, nacionniykuta enemigo muyuruspa atacamuptinpas, huk rikchaq onqoykunapas otaq sasachakuykuna hamuptinpas,

2~Crónicas 28:22

Rey Acazqa chay ñakariypi kachkaspanpas aswanraqmi Tayta Diospa contranpi huchallikurqa.

2~Crónicas 6:28

Sichum kay nacionpi yarqayña, peste onqoyña karuptinpas, kawsaykuna rupaywan chakiptinpas, atupa onqoywan ismuptinpas, aqaruwaywan piki-piki tukuptinpas, nacionniykuta enemigo muyuruptinpas, onqoykunawan sasachakuykunaña hamuptinpas,

Jobwan Sutichasqa Libro 36:13

Iskay uya runakunaqa piñakuyninkutam sonqonkupi waqaychanku, castigasqa kachkaspankupas Diospa yanapakuynintaqa manam mañakunkuchu.

Isaías 28:2

Tayta Diosmi hatallichkan huk kallpasapa sinchi atiyniyuq runata. Chay runaqa, runtu para hina dañakuqmi, llumpay wayra-para hinaraqmi, loco para hinaraqmi, manchakuypaq repunti lloqlla hinaraqmi. Kallpawanmi pampaman wikapanqa,

Isaías 37:27

Chaymi runankunapa kallpankupas manchakuymanta chinkarirqaraq, paykunaqa rikurirunku manaraq wiñayta tukuchkaspa chakiruq qorakuna hinam.

Isaías 42:25

Chayraykum piñakuspa paykunata ñakarichirqa, lenwachkaq ninata hinam paykunaman mancharikuypaq guerrata kachaykamurqa, chaywanpas paykunaqa manam kasukurqakuchu; chay ninam paykunata ruparurqa, chaywanpas paykunaqa manam kaqpaqpas hapirqakuchu.

Isaías 62:8

Tayta Diosmi llumpay atiyninrayku juraspan kaynata nin: Trigoykitapas manañam enemigoykikunamanqa qosaqñachu, llamkaspa vino ruwasqaykitapas huklaw llaqtayuqkunaqa manañam tomanqakuchu.

Isaías 9:13

Chaywanpas paykunaqa manam castigaqninku Diosmanqa kutirikurqakuchu, Tukuy Atiyniyuq Tayta Diostapas manam maskarqakuchu.

Jeremías 3:24

Llapa idolokunata penqakuypaq yupaychasqaykuraykum, warmallaraq kachkaptiyku taytaykupa armasqan ovejaykupas, vacaykupas hinaspa wawa-churiykupas manaña kanñachu.

Jeremías 5:3

Dios Taytalláy, qamqa cheqap ruwaqtam maskanki. Castigoykipas manam paykunataqa nanarqachu, ñakarichiptikipas manam corregikuyta munarqakuchu; rumi hinaña rikuriruspankum mana wanakuyta munarqakuchu.

Amós 4:6

Ñoqam yarqayta pasachirqaykichik, llaqtaykichikkunapipas manam mikuy karqachu, chaywanpas qamkunaqa manam ñoqaman kutirikamurqankichikchu. Tayta Diosmi chaynata nin.

Hageo 1:11

Ñoqam kay pachaman usyayta kacharimuni: Chakrakunaman, orqokunapa hawanman chaynataq trigoman, uvas plantakunaman, aceitunas sachakunaman, allpapi tukuy ima wiñaqkunapa hawanman hinaspa runakunapa hawanman, animalkunapa hawanman chaynataq makinkuwan imaña ruwasqankupa hawanmanpas, nispa.

Hageo 1:6

Achkanpi tarpuspapas pisillatam cosechankichik, mikuspapas manam saksankichikchu, tomaspapas manam contentankichikchu, pachakuspapas manam qonirinkichikchu, llamkapakuqpas uchku wayqallamanmi pagonta chaskichkan, nispa.

Hageo 1:9

Qamkunaqa achkallataña maskaspapas asllatam tarinkichik, wasikichikpi taqesqaykichiktapas huk pukuyllawanmi chinkarachini. ¿Imanasqa? Temploy tuñisqa kachkaptin qamkunañataq wasikichikpi sapakama yachakusqaykichikrayku. Tukuy Atiyniyuq Tayta Diosmi chaynata nin.

Hageo 2:16

Manaraq kaykuna pasakuchkaptinqa, pipas iskay chunka costalta cosechasqanman rispam chunkallataña tarirqa; chaynallataqmi pichqa chunka puy-ñu vinota hurqonanpaq hamuqpas, iskay chunka puyñullataña hurqor-qa.

Malaquías 3:11

Kikiypunim kawsaynikichikta mikuq urukunatapas qarqorusaq, hinaptinmi chakraykichikpa ruruntapas mana mikupusunkichikchu, chakraykichikpi uvas plantaykichikpas mana pisiytam rurunqa. Tukuy Atiyniyuq Tayta Diosmi chay-nata nin.

Deuteronomio 28:22

Ka-chaykamunqataqmi tisis onqoytapas, ñakarichikuq calenturatapas, punkipakuytapas, sinchi rupaytapas, usyaytapas chaynataq tarpukuynikichikpaq onqoy-kunatapas; chaykunam kay pachamanta chinkanayki punchawkama kanqa.

Apocalipsis 2:21

Jezabelmanqa qorqanim tiempota huchankunamanta wanakunanpaq, ichaqa manam munanchu chuchumika kaynin saqeyta.