Hageo 1:9 - CHUYA QELLQA La Biblia en Quechua de Ayacucho 2012

⁹ Qamkunaqa achkallataña maskaspapas asllatam tarinkichik, wasikichikpi taqesqaykichiktapas huk pukuyllawanmi chinkarachini. ¿Imanasqa? Temploy tuñisqa kachkaptin qamkunañataq wasikichikpi sapakama yachakusqaykichikrayku. Tukuy Atiyniyuq Tayta Diosmi chaynata nin.

Quechua Ayacucho Bible 1987

⁹ Qamkunaqa achkallataña tariruyta munaspapas asllatam tarirunkichik. Chaykunataqa wasimanña apaykuptikichikpas huk pukuyllawanmi chinkaypaq-chinkarachini. ¿Imanasqamá chaynataqa rurasaq? Chaynataqa rurasaq temploypas purmasqa kasqanraykum, qamkunam ichaqa wasillaykichikwan contentakunkichik. Chaynatam nini Llapallan Kamachiq ñoqa Tayta Dios.

Chuya Qellqa 1992

⁹ Qamkunaqa achkallataña maskaspapas asllatam tarinkichik, wasikichikpi taqesqaykichiktapas huk pukuyllawanmi chinkarachini. ¿Imanasqa? Temploy tuñisqa kachkaptin qamkunañataq wasikichikpi sapakama yachakusqaykichikrayku. Tukuy Atiyniyuq Tayta Diosmi chaynata nin.

Hageo 1:9 Iomraidhean Croise

2~Samuel 21:1

Davidpa tiempopim kimsa watan-tin muchuy karqa, chaymi David tapuptin Tayta Dios nirqa: Kay muchuyqa Saulwan runankuna Gabaón llaqtayuq runakunata wañu-chisqankumantam, nispa.

2~Samuel 22:16

Tayta Diospa qaqchakuyninwanmi lamar qochapa ukunkunapas rikurirqaraq, Tayta Diospa qapariyninwanmi kay pachapa cimientonkunapas rikukurqaraq.

2~Reyes 19:7

Kunanmi Asiria nacionpa reyninta llaki willakuywan hukmanyarachisaq, hinaptinmi nacionninman kutispan hukkaqninpa wañuchisqan kanqa”, nispa.

Jobwan Sutichasqa Libro 10:2

Diostam nisaq: Amayá mana allin ruwaqpaqqa hapillawaychu, aswanqa imapim pantarusqayta qawaykachillaway.

Proverbios 11:24

Imallantapas qokuykuq runaqa qosqanmantapas mastaraqmi chaskikun, maqlla runam ichaqa wakchayayman chayanqa.

Proverbios 27:20

Imaynam wañuywan sepultura mana haykapipas saksanchu, chaynam runaqa ima munasqanwanpas haykapipas mana contentakunchu.

Eclesiastés 1:8

Tukuy imam runata amichin, rimaytapas manaña munanakama. Ñawiqa manam qawasqanwan saksanchu, nitaqmi rinripas uyarisqanwan aminchu.

Isaías 40:7

Tayta Dios wayrachimuptinqa, qorapas qawirunmi, waytapas chakirunmi. Cheqaptapunipas runakunaqa qora hinallam.

Isaías 5:10

Chunka yugadayuq chakramantam huk urpu vinollataña hurqonqaku, chunka saco muhumantam chulla sacollataña cosechanqaku”, nispa.

Jeremías 12:13

Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Ezequiel 21:31

Qampa hawaykimanmi piñakuyniyta kachaykamusaq, hawaykipim piñakuyniyta ninata hinaraq ratarirachisaq; mana allinkuna ruwaq runakunapa makinmanmi qoykusqayki, chinkachikuq runakunapa makinmanmi qoykusqayki.

Levítico 19:25

Pichqa kaq watanpiñam chay sachapa rurunkunataqa mikunkichik. Chaynapim chay sachaykichik astawan rurupusunkichik. Ñoqa Tayta Diosmi Diosnikichik kani.

Hageo 1:4

¿Suma-sumaq wasikichikpi yachakunaykichik tiempochum karqa, chaychum temployñataq purmachkan? nispa.

Hageo 1:6

Achkanpi tarpuspapas pisillatam cosechankichik, mikuspapas manam saksankichikchu, tomaspapas manam contentankichikchu, pachakuspapas manam qonirinkichikchu, llamkapakuqpas uchku wayqallamanmi pagonta chaskichkan, nispa.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Deuteronomio 28:38

Achkatam tarpunki ichaqa aqaruway tukuruptinmi pisillata cosechanki.

Apocalipsis 2:4

Ichaqa kaymi contraykipi kachkan: Manañam puntata hinañachu kuyawanki.

Apocalipsis 3:19

Ñoqaqa haykam kuyasqaykunataqa qaqchaspaymi castigani. Chaynaqa, tukuy sonqoykiwanyá huchaykikunamanta wanakuy.