Hageo 1:6 - CHUYA QELLQA La Biblia en Quechua de Ayacucho 2012

⁶ Achkanpi tarpuspapas pisillatam cosechankichik, mikuspapas manam saksankichikchu, tomaspapas manam contentankichikchu, pachakuspapas manam qonirinkichikchu, llamkapakuqpas uchku wayqallamanmi pagonta chaskichkan, nispa.

Quechua Ayacucho Bible 1987

⁶ Qamkunaqa achkallataña tarpuspapas asllatam cosechachkankichik, mikuspapas manaña saksaqmi kachkankichik, tomaspapas pisilla kasqanraykum mana sinkankichikchu, pachakuspapas manam qonirinkichikchu, llamkapakuqpas pagontam chaskichkan toqosqa wayqallaman.

Chuya Qellqa 1992

⁶ Achkanpi tarpuspapas pisillatam cosechankichik, mikuspapas manam saksankichikchu, tomaspapas manam contentankichikchu, pachakuspapas manam qonirinkichikchu, llamkapakuqpas uchku wayqallamanmi pagonta chaskichkan, nispa.

Hageo 1:6 Iomraidhean Croise

2~Samuel 21:1

Davidpa tiempopim kimsa watan-tin muchuy karqa, chaymi David tapuptin Tayta Dios nirqa: Kay muchuyqa Saulwan runankuna Gabaón llaqtayuq runakunata wañu-chisqankumantam, nispa.

1~Reyes 17:12

Chaymi viudañataq nirqa: Señorniki Tayta Diosraykum jurani, manam tantayqa kapuwanchu, aswanqa tinajaypi putqoy harinawan puyñupi pisi aceitellayñam kachkan. Kunanmi yantata huñuchkarqani, chaywan ñoqapaqwan wawaypaq tantata ruwanaypaq, chayta mikuruspaykuqa mana mikunayku kaptinchá yarqaymanta wañukusaqku, nispa.

Nehemías 5:2

Wakiqninkum kaynata nirqaku: Ñoqaykupas chaynataq churiykupas achkallañam kaniku, chayraykum trigota prestakuruniku, yarqaymanta mana wañurunaykupaq, nispa.

Jobwan Sutichasqa Libro 20:22

Tukuy imayuqña kachkaspapas mana kusikuyniyuqmi kanqa, mana allin runakunapa makinmanmi wichiykunqa.

Jobwan Sutichasqa Libro 20:28

Diospa piñakuynin paypa hawanman chayamuptinmi tukuy ima kapuqninkunapas chinkanqa.

Proverbios 11:24

Imallantapas qokuykuq runaqa qosqanmantapas mastaraqmi chaskikun, maqlla runam ichaqa wakchayayman chayanqa.

Isaías 5:10

Chunka yugadayuq chakramantam huk urpu vinollataña hurqonqaku, chunka saco muhumantam chulla sacollataña cosechanqaku”, nispa.

Jeremías 12:13

Trigota tarpuspankupas, kichkatam cosecharqaku; yanqapaqmi llamkasqankupas. Ñoqapa sinchi piñakuyniyraykum cosechankupas yanqapaq kanqa.

Jeremías 14:4

Mana paramusqanraykum allpapas raqrarun, chakrapi llamkaqkunapas penqakuymantam umankuta tapakunku.

Jeremías 44:18

Cielopi reinaman inciensotawan vinota manaña ofreceptiykuqa tukuy imam pisiwanku, ñoqaykupas guerrawan hinaspa yarqaywanmi wañuchkaniku, nispanku.

Oseas 4:10

Ñoqa Tayta Diosmanta karunchakurusqankuraykum mikuspankupas mana saksanqakuchu, mirayta munaspankupas manam miranqakuchu.

Oseas 8:7

Paykunaqa wayratam tarpurunku ichaqa sinchi para wayratam cosechanqaku. Wiñaq trigonkupas manam rurunqachu chayraykum harinankupas manaña kanqachu, trigota cosecharuptinkupas huklaw llaqtayuq runakunam mikukunqaku.

Levítico 26:20

Kallpaykichikpas ususqam yanqa llamkankichik, chakraykichikpiqa manam imapas qespinqachu, nitaqmi lliw nacionnikichikpi fruta sachakunapas rurunqachu.

Levítico 26:26

Mikunaykichik kawsaykunata chinkarachiptiymi chunka warmikuna chulla hornollapi tantata ruwaspanku kama-kamallamanta qosunkichik, ichaqa manam saksankichikchu.

Hageo 1:10

Chayraykum qamkunapaqqa parapas mana chayamunñachu, allpapas manam rurunñachu.

Hageo 1:5

Chayraykum Tukuy Atiyniyuq Tayta Dios kaynata nin: Imaynam kawsasqaykichiktayá sumaqta qawakuykuychik.

Hageo 1:7

Tukuy Atiyniyuq Tayta Diosmi kaynata nin: Imaynam kawsasqaykichiktayá allinta qawakuykuychik.

Hageo 1:9

Qamkunaqa achkallataña maskaspapas asllatam tarinkichik, wasikichikpi taqesqaykichiktapas huk pukuyllawanmi chinkarachini. ¿Imanasqa? Temploy tuñisqa kachkaptin qamkunañataq wasikichikpi sapakama yachakusqaykichikrayku. Tukuy Atiyniyuq Tayta Diosmi chaynata nin.

Hageo 2:16

Manaraq kaykuna pasakuchkaptinqa, pipas iskay chunka costalta cosechasqanman rispam chunkallataña tarirqa; chaynallataqmi pichqa chunka puy-ñu vinota hurqonanpaq hamuqpas, iskay chunka puyñullataña hurqor-qa.

Hageo 2:17

Llamkasqaykichiktapas rupach-kaq wayrawan, qasawan, runtu para-wanmi tukuchirqani, ichaqa ma-nam ñoqaman kutirikamuwarqankichikchu. Tayta Diosmi chaynata nin.

Zacarías 5:4

Tukuy Atiyniyuq Tayta Diosmi kaynata nin: Ñoqam ñakayniyta kacharini, suwakuqpa chaynallataq sutiypi yanqamanta juramentaqpa wasinman chayananpaq. Chay ñakaymi chayna runapa wasinpi takyanqa qerunkunatapas, ruminkunatapas chinkachinankama, nispa.

Zacarías 8:10

Kay punchawkunakamaqa, runakunapas, uywakunapas, manam pagota chaskirqakuchu, enemigonkuraykum runakunapas hawkaqa mana puririyta atirqakuchu; runakunatapas runamasinpa contranpim churarurqani.

Malaquías 2:2

Qamkunam kasukuspa cheqaptapuni tukuy sonqowan yupaychawanaykichik. Mana kasukuspaqa ñakasqam kankichik. Cheqaptapuni mana yupaychawaptikichikqa, sacerdote kasqaykichikrayku bendecisqa kasqaykichiktapas ñakaymanmi tikrarusaq. Tukuy Atiyniyuq Tayta Diosmi chaynata nin.

Deuteronomio 28:17

Canastaykichikpas, masa poqochinaykichik artesapas ñakasqam kanqa.