Hageo 1:4 - CHUYA QELLQA La Biblia en Quechua de Ayacucho 2012

⁴ ¿Suma-sumaq wasikichikpi yachakunaykichik tiempochum karqa, chaychum temployñataq purmachkan? nispa.

Quechua Ayacucho Bible 1987

⁴ “¿Sumaq tablakunawan tableasqa wasikunapi *f**yachakunaykichik tiempochum chayaramun? ¿Chaychum kay temploytaqa purmasqataña qawakuchkankichik?”

Chuya Qellqa 1992

⁴ ¿Suma-sumaq wasikichikpi yachakunaykichik tiempochum karqa, chaychum temployñataq purmachkan? nispa.

Hageo 1:4 Iomraidhean Croise

2~Samuel 7:2

profeta Natanta nirqa: Qawasqaykipi hinam ñoqaqa cedromanta palaciopi yachachkani, Diospa Arcanñataqmi carpallapi kachkan, nispa.

2~Reyes 5:26

Hinaptinmi Eliseo nirqa: Maypacham chay runa carretanmanta uraykamuspa chaskiykusuptikim yuyayniypi rikuchkarqayki, ichaqa manam qollqeta, pachakunata, aceituna huertakunata, uvas huertakunata, ovejakunata, torokunata hinaspa criadokunata chaskikuna tiempochu.

Eclesiastés 3:3

Kanmi tiempo wañuchinapaq kantaqmi hampinapaqpas, kanmi tiempo tuñichinapaq kantaqmi hatarichinapaqpas.

Jeremías 22:14

Qamqa ninkiraqmi: Hatun palaciotam ruwarachikusaq, altosninpi hatu-hatun corredorniyuqta, hatun ventanayuqkunata; perqankunatapas Cedro tablakunawanmi tableachisaq, hinaspaymi pukawan pintachisaq, nisparaq.

Jeremías 26:18

Judá nacionpi rey Ezequías munaychakuchkaptinmi, Moreset llaqtayuq Miqueas kay Judá nacionpi llapallan runakunata nirqa: Tukuy atiyniyuq Tayta Diosmi kaynata nin: Sión llaqtam yapusqa chakraman tikrasqa kanqa, Jerusalén llaqtam purmachisqa kanqa, Templopa kasqan moqom monteyarunqa, nispa.

Jeremías 26:6

Silo llaqtapi ruwasqayta hinam kay templotapas purmarachisaq. Kay Jerusalén llaqtatapas llapallan nacionkuna qawananpaqmi ñakasaq, nispa.

Jeremías 33:10

Tayta Diosmi kaynata nin: Qamkunam ninkichik, “kay llaqtaqa manaña runayuq manaña animalniyuqmi chunnichkan. Judá nacionpi llaqtakunawan Jerusalén llaqtapa callenkunam mana runayuq, manaña animalniyuq purmachkan, manañam pipas chaypiqa yachanñachu”, nispa.

Jeremías 33:12

Ñoqa Tukuy Atiyniyuq Tayta Diosmi kaynata nini: Kay manaña runayuq chaynataq manaña animalkunapapas kanan chunniqpim hinaspa llapallan llaqtakunapim kaqllamanta pastokunata wiñachisaq, hinaptinmi michiqkuna animalninkuta chaypi michinqaku.

Jeremías 52:13

Paymi kañaykurqa Tayta Diospa templonta, reypa palacionta, Jerusalén llaqtapi llapa wasikunata hinaspa kamachikuqkunapa llapallan wasinkunatapas.

Lamentaciones 2:7

Señorqa altarnintapas qepanchakururqam, santuariontapas wischupakururqam, llaqtapa perqantapas enemigonkunamanmi qoykurqa, enemigonkunam fiesta punchawpi hinaraq Tayta Diospa templonpi chaqwakunku.

Lamentaciones 4:1

¡Imaynamá qoriqa yanayarunqa! ¡Akllasqa qoripa kanchariyninpas imaynamá chinkarunqa! ¡Templopa suma-sumaq ruminkunapas callekunapa esquinankunapim wischusqa kachkan!

Ezequiel 24:21

Israelpa mirayninkunata kaynata niy: Ñoqa Tayta Diosmi kaynata nini: Qamkunapa anchallaña kuyasqaykichik hinaspa qawapayanaykichik temploytam millakuypaqta ruwarusaq. Chay templom qamkunapa kallpaykichik hinaspa hatunchakunaykichik karqa. Jerusalenpi saqemusqaykichik wawa-churikichikpas wañuchisqam kanqaku.

Levítico 19:25

Pichqa kaq watanpiñam chay sachapa rurunkunataqa mikunkichik. Chaynapim chay sachaykichik astawan rurupusunkichik. Ñoqa Tayta Diosmi Diosnikichik kani.

Miqueas 3:12

Chaynaqa, qamkunapa huchaykichikmantam Sión llaqtapas yapusqa chakraña kanqa, Jerusalenñataqmi soqyasqa rumillamanña tikrasqa kanqa. Templopa kanan moqopas mana allin qorakunawanmi monteyanqa, nispa.

Hageo 1:3

Chaymi profeta Hageontakama Tayta Dios kaynata nirqa:

Hageo 1:5

Chayraykum Tukuy Atiyniyuq Tayta Dios kaynata nin: Imaynam kawsasqaykichiktayá sumaqta qawakuykuychik.

Hageo 1:9

Qamkunaqa achkallataña maskaspapas asllatam tarinkichik, wasikichikpi taqesqaykichiktapas huk pukuyllawanmi chinkarachini. ¿Imanasqa? Temploy tuñisqa kachkaptin qamkunañataq wasikichikpi sapakama yachakusqaykichikrayku. Tukuy Atiyniyuq Tayta Diosmi chaynata nin.

Mateo 6:33

Imamantapas llalliriqtaqa Diospa munaychakuynintawan paypa munasqanman hina ruwaytayá maskaychik, hinaspaqa ima munasqaykichiktapas chaskinkichikmi.

Filipenses 2:21

lliwpas paykunaqa kikillankupa allinninkuta maskaspam purinku, Jesucristopa munasqanta mana maskaspanku.