Hageo 1:14 - CHUYA QELLQA La Biblia en Quechua de Ayacucho 2012

¹⁴ Chaynatam Tayta Dios kallpancharqa, Judapi kamachikuq Salatielpa churin Zorobabeltawan Josadacpa churin sumo sacerdote Josueyta, kallpancharqataqmi puchuq runakunatapas. Hinaptinmi paykuna qallaykurqaku Tukuy Atiyniyuq Tayta Diosninkupa templon ruwayta.

Quechua Ayacucho Bible 1987

^14-15 Chaynapimá Tayta Dios sonqocharqa Salatielpa churin Zorobabelta. Zorobabelqa karqa Juda lawpi gobiernaqmi. Sonqocharqataqmi Josadacpa churin Josueytapas. Josueyqa karqa sacerdotekunapa jefenmi. Sonqocharqataqmi llapallan puchuq runakunatapas. Chaynapim iskay watamanña Rey Dario gobiernachkaptin soqta kaq killapa iskay chunka tawayoq punchawninpi kaqllamanta qallaykurqaku yupaychasqanku Llapallan Kamachiq Tayta Diospa templon hatarichiyta.

Chuya Qellqa 1992

¹⁴ Chaynatam Tayta Dios kallpancharqa, Judapi kamachikuq Salatielpa churin Zorobabeltawan Josadacpa churin sumo sacerdote Josueyta, kallpancharqataqmi puchuq runakunatapas. Hinaptinmi paykuna qallaykurqaku Tukuy Atiyniyuq Tayta Diosninkupa templon ruwayta.

Hageo 1:14 Iomraidhean Croise

1~Crónicas 5:26

Chayraykum Israelpa Diosninqa, Asiria nacionpa reynin Pulta paykunapa contranpi kachamurqa. Pulpa huknin sutinqa karqa Tiglat-pilesermi. Paymi Rubén aylluta, Gad aylluta hinaspa Manasespa wakin ayllunta presota aparurqa Halah lawman, Habor lawman, Hara lawman hinaspa Gozán mayu lawman, chaypim kunankamapas yachachkanku.

2~Crónicas 36:22

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Esdras 1:1

Profeta Jeremiasnintakama Tayta Diospa nisqan cumplikunanpaqmi, Persia nacionpi rey Ciropa munaychakusqan punta kaq watapi, rey Ciropa sonqonman kay munakuyta Tayta Dios churarqa, lliw munaychakuyninpi runakunaman kay decretota simiwan hinaspa cartakunawan kaynata nimunankupaq:

Esdras 1:5

Jerusalén llaqtapi Tayta Diospa templon ruwaq rinankupaqmi Judá ayllupa chaynataq Benjamín ayllupa kamachiqninkunawan sacerdotekuna hinaspa levitakuna hatarirqaku, hatarirqakutaqmi haykam Tayta Diospa sonqochasqan runakunapas paykunawan rinankupaq.

Esdras 5:2

Chaymi Salatielpa churin Zorobabelwan Josadacpa churin Josué, kaqllamanta Jerusalenpi Tayta Diospa templon ruwayta qallaykurqaku, paykunatam llapa profetakunapas yanaparqaku.

Esdras 5:8

Kunanmi reynilláy willamuykiku, ñoqaykum Judá lawman rispayku Atiyniyuq Diospa templon ruwasqankuta rikuramuniku, perqankunatapas labrasqa hatun rumikunawanmi hatarichichkanku, vigankunapas churasqañam kachkan, utqayllamanña ruwaspankum qespiykachichkankuña.

Nehemías 4:6

Chaywanpas hinam llamkarqaniku, chaymi llapa runakuna kusikuyllawanña perqasqankurayku chawpikama hatarirachirqaniku.

Hageo 1:1

Rey Darío iskay wataña munaychakuchkaptinmi soqta kaq killapa punta kaq punchawninpi, profeta Hageontakama Tayta Dios rimapayarqa, Judapa kamachiqnin, Salatielpa churin Zorobabelta, chaynallataq Josadacpa churin sumo sacerdote Josueytapas.

Hageo 1:12

Hinaptinmi profeta Hageoman Tayta Diospa nisqanta imam kaqta uyariykuspanku, Salatielpa churin Zorobabelwan, Josadacpa churin sumo sacerdote Josué, chaynallataq puchuq runakunapas, Tayta Diosta kasukurqaku.

Hageo 1:15

Chaynapim rey Dariopa iskay wataña munaychakuynimpa, soqta kaq killapa iskay chunka tawayuq punchawninpi ruwayta qallaykurqaku.

Hageo 2:2

Judapi kamachikuq Salatielpa churin Zorobabeltawan Josadacpa churin sumo sacerdote Josueyta, chaynallataq puchuq runakunatapas kaynata nimuy:

Hageo 2:21

Judapi kamachikuq Zorobabelta kaynata nimuy: Cielokunatawan kay pachatam katkatatachisaq;

1~Corintios 15:58

Chaynaqa, kuyasqay wawqe-pani-llaykuna, qaqa hina sayaspayá Señorpa llamkayninpi aswan llamkaychik. Qamkunaqa yachankichikmi Señorpaq llamkasqaykichikqa manam yanqapaqchu kanqa.

2~Corintios 8:16

Diosmanmi graciasta qoni nanachikusunaykichikpaq Titomanpas allin sonqota ñoqaman hina qosqanmanta.

Hebreos 13:21

munasqanman hina ruwanaykichikpaq tukuy allin kaqkunata qosunkichik. Jesucristoraykuyá Diospa agradonpaq ruwawasun. ¡Jesucristoyá wiña-wiñaypaq yupaychasqa kachun! Amén.