Habacuc 3:6 - CHUYA QELLQA La Biblia en Quechua de Ayacucho 2012

⁶ Pay sayaykuptinqa kay pachapas kuyurinmi, qawariptinqa nacionkunapas katkatatanmi. Ñawpa tiempomantaraq kaq orqokunapas wichimunmi, ñawpa tiempomantaraq kaq moqokunapas chullurinmi. Diospa ñanninkunam ichaqa wiña-wiñaypaq takyan.

Quechua Ayacucho Bible 1987

⁶ Kay pachapas kuyurinraqmi pay sayaykuptinqa. Nacionkunapas katkatatanmi pay qawariykuptinqa. Ñawpa tiempomantaraq kaq orqokunapas chamchakurunmi. Ñawpa tiempomantaraq kaq moqokunapas tuñirunmi. Rurasqankunaqa takyanqa wiña-wiñaypaqmi.

Chuya Qellqa 1992

⁶ Pay sayaykuptinqa kay pachapas kuyurinmi, qawariptinqa nacionkunapas katkatatanmi. Ñawpa tiempomantaraq kaq orqokunapas wichimunmi, ñawpa tiempomantaraq kaq moqokunapas chullurinmi. Diospa ñanninkunam ichaqa wiña-wiñaypaq takyan.

Habacuc 3:6 Iomraidhean Croise

Génesis 49:26

Taytaykunapa bendeciwasqanmantapas mastaraqmi bendecichkayki, wiñaypaq kaq orqokunamantapas mastaraqmi bendecichkayki, Joseypa umanpiyá kay bendicionkuna wiñaypaq kachun, qamqa wawqekikunamanta akllasqam karqanki.

Jobwan Sutichasqa Libro 21:18

¿Haykapitaq wayrapa apasqan paja hina karqaku? ¿Haykapitaq vientopa apasqan qopa hina karqaku?

Jobwan Sutichasqa Libro 9:5

Diosqa piñakuyninpim orqokunata kuyurichin, mana pipa musyasqantam chaykunata tuñichin.

Éxodo 15:14

Llaqtakunam uyariruspa katkatatanqaku, filisteokunam nanaywan hapichikunqaku.

Éxodo 15:15

Edom nacionpi kamachikuqkunam hukmanyanqaku, Moab nacionpi kamachikuqkunam katkatatanqaku, Canaán allpapi yachaqkunam hukmanyanqaku.

Éxodo 15:17

Dios Taytallayku, qanmi yaykuchiwankiku akllakusqayki orqoman, yachanayki orqoman, santuarioyki kananpaq makikiwan allichasqayki orqoman hinaspam chaypi kawsachiwankiku.

Éxodo 19:18

Ninapi Tayta Dios uraykamuptinmi Sinaí orqo qosnirirqa hornopa qosniriynin hinaraq, orqontinmi sinchita katkatatarqa.

Éxodo 21:31

Pipatapas qari churinta otaq warmi churinta waqraruptinqa, kay kamachikuyman hinam ruwasqa kanqa.

Isaías 51:6

Cielokunata qawariychik, kay pachatapas qawariychik; cielokunapas qosni hinallam chinkarunqa, kay pachapas mawka pacha hinallam tukurunqa, runankunapas lliwmi puchukarunqa. Salvacionniymi ichaqa wiña-wiñaypaq takyanqa, allinkuna ruwasqayqa mana tukuqmi kanqa.

Isaías 51:8

Paykunaqa puyusqa pacha hinam tukurunqaku, urupa mikusqan millwa hinam tukurunqaku. Salvacionniywan allinkuna ruwasqaymi ichaqa wiñaypaq takyanqa.

Miqueas 5:8

Jacobpa mirayninkunamanta puchuqkunam, nacionkunapa llaqtakunapa chawpinpi, purun animalkunapa chawpinpi león hinaraq kanqaku, ovejakunapa chawpinpi uña león hinaraqmi kanqaku, payqa hapiruspanmi tisaparun, paymantaqa manam imapas lluptinmanchu.

Nahúm 1:5

Orqokunapas qayllanpiqa katkatatanmi, moqokunapas qayllanpiqa chullurunmi. Allpa pachapas, hawanpi kaqkunapas paypa qayllanpiqa mancharikunmi.

Habacuc 1:12

Dios Taytalláy, wiña-wiñaypaq kawsakuq chuya Diosnilláy, qamqa kanki waqaychaqniykum, chayraykum mana wañusaqkuchu. Babilonia runakunataqa hatarichinki, llaqtaykita castiganallaykipaqmi.

Habacuc 3:10

Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

Mateo 24:35

Hanaq pachawan kay pachapas tukurunqam, palabraykunam ichaqa wiñaypaq takyanqa.

Lucas 1:50

Payqa wiñaypaqmi kuyapayan kasukuqninkunataqa.

Hechos 17:26

Huk runallamantam tukuy hinastinpi kaq nacionkunata mirachirqa, chaynapi lliw kay pachapi yachanankupaq; paymi hayka watam kawsanankutapas señalarqa, chaynataq maypim yachanankutapas,

Deuteronomio 32:8

Tukuy imapa hawanpi munaychakuq Diosmi nacionkunaman herenciata rakinarqa, chay nacionkunapa linderonkunatam churarqa, Israelpa mirayninkunaman hinam rakirqa.

Deuteronomio 33:15

Ñawpaq orqokunapi qespiq sumaq rurukunawan bendeciykuy, wiñaypaq moqokunapi qespiq rurukunawan bendeciykuy.

Hebreos 13:8

Jesucristoqa qaynapas, kunanpas, wiña-wiñaypaq hina kaqllam.

Josué 10:42

Josueymi chay llaqtakunata patanmanta qallaykuspa lliwta chinkarachirqa. Chaynataqa ruwarqa Israelpa yupaychasqa Tayta Dios yanapasqanraykum.

Jueces 5:5

Tayta Diospa qayllanpim orqokuna katkatatarqa, Israelpa Diosninpa qayllanpim Sinaí orqopas kuyurqa.