Habacuc 3:4 - CHUYA QELLQA La Biblia en Quechua de Ayacucho 2012

⁴ Kanchariyninpas achki hinaraqmi, makinmantapas llipyakunaraqmi lloqsimun, atiyninpas chaypim pakasqa tarikun.

Quechua Ayacucho Bible 1987

⁴ Achkiy hina kancharistinmi payqa hamuchkan. Llipyaykunaraqmi makinmantapas lloqsimuchkan. Paypa atiyninqariki chaypim tarikuchkan.

Chuya Qellqa 1992

⁴ Kanchariyninpas achki hinaraqmi, makinmantapas llipyakunaraqmi lloqsimun, atiyninpas chaypim pakasqa tarikun.

Habacuc 3:4 Iomraidhean Croise

Nehemías 9:12

Punchawmi sayanpa puyuwan pusarqanki, tutanñataqmi sayanpa ninawan pusarqanki, chaynatam rinanku ñanta achkirqanki.

Jobwan Sutichasqa Libro 26:14

Kaykunaqa ruwasqankunapa wakillanmi, kay uyarisqanchikqa upallalla rimarisqapa aschallanmi, hinaptinqa, ¿atiyninpa qapariynintaqa pitaq entiendenman? nispa.

Éxodo 13:21

Punchawmi Tayta Dios paykunapa ñawpaqninta sayanpa puyupi rirqa, tutañataqmi achkinanpaq sayanpa ninapi rirqa, chaynapi tutapas punchawpas rinankupaq.

Éxodo 14:20

Egipto tropakunapa campamentonpa hinaspa Israel tropakunapa campamentonpa chawpinpim chay puyu churakuykurqa, chaymi Egipto runakunapaq tutayay karqa, Israel runakunapaqñataq achkiy; chaynapim chay tuta, israel runakunata Egipto tropakuna mana haypayta atirqakuchu.

Proverbios 18:10

Tayta Diospa sutinqa mana tuñichiy atina torre hinam, allin runaqa chayman kallpaspam amparakun.

Ezequiel 1:27

Weqawninmanta hanaymanmi rikurqani ninawan intusqa llipipipichkaq bronceta hina, weqawmanta uraymanñataqmi ninaman rikchakuqta, muyuriqninpiñataqmi kanchariyta rikurqani.

Ezequiel 43:2

Hinaptinmi rikurqani Israelpa yupaychasqan Tayta Diospa kanchariynin intipa qespimunan lawmanta hamuchkaqta. Qapariyninpas lloqllapa qapariynin hinaraqmi uyarikurqa, chaymi kanchariyninwan kay pachapas sumaqllataña achkirirqa.

Mateo 17:2

Chaypim paykunapa qayllanpi Jesuspa rikchaynin tikrakururqa. Uyanmi inti hina kancharirqa, pachanñataqmi achkiy hina yuraqyarurqa.

1~Timoteo 6:16

Payllam mana wañuqqa, mana asuykuy atina kanchariq achkiypim kawsakun, manam pipas rikurqachu nitaqmi rikuyta atinmanchu. Payllam llumpay atiyniyuqqa, chaynaqa wiña-wiñaypaqyá yupaychasqa kachun. Amén.

Apocalipsis 21:23

Chay llaqtaqa manam necesitanchu intipa nitaq killapa kanchaynintapas, aswanqa Diospa kanchayllanmi achkin, Corderollataqmi kanchayninpas.

Apocalipsis 22:5

Chaypiqa manañam tutapas kanqañachu, chaypi yachaqkunaqa achkitapas, intitapas manañam necesitanqakuñachu. Paykunataqa Señor Diosllañam achkinqa, hinaptinmi wiña-wiñaypaq munaychakunqaku.