Habacuc 3:3 - CHUYA QELLQA La Biblia en Quechua de Ayacucho 2012

³ Temán lawmantam Diosqa hamuchkan, Parán orqomantam Chuya Diosqa hamuchkan. Kanchariyninpas cielokunatam huntaykun, kay pachapas payta yupaychaywanmi huntasqa.

Quechua Ayacucho Bible 1987

³ Diosqa Teman llaqta lawmantam hamuchkan. Chuya Diosqa Paran orqomantam hamuchkan. (Samariy) Cielokunatapas tapaykunraqmi kanchariyninqa. Kay pachapi tukuy ima kaqpas alabanmi paytaqa.

Chuya Qellqa 1992

³ Temán lawmantam Diosqa hamuchkan, Parán orqomantam Chuya Diosqa hamuchkan. Kanchariyninpas cielokunatam huntaykun, kay pachapas payta yupaychaywanmi huntasqa.

Habacuc 3:3 Iomraidhean Croise

Génesis 21:21

Parán sutiyuq chunniqpim yacharqa, mamanñataqmi Egipto llaqtayuq warmiwan Ismaelta casarachirqa.

Génesis 36:11

Elifazpa churinkunañataqmi karqa Temán, Omar, Zefo, Gatam hinaspa Cenaz.

1~Reyes 11:18

Madián lawmanta lloqsispankum Parán lawman chayarurqaku. Parán llaqtayuq runakunamanta wakinta huñuruspankum Egipto nacionpi rey Faraonpa kasqanman chayarurqaku, hinaptinmi Faraón qoykurqa wasita, mikuyta chaynataq chakratapas.

Éxodo 20:18

Llapallan runakunam rayokunata hinaspa trompetapa waqasqanta uyarirqaku, qawarqakutaqmi llipyakunatawan orqopa qosnisqantapas. Chaymi manchakuspanku karullapi sayarqaku.

Isaías 31:1

¡Ay, imaynaraq kanqaku Egipto nacionman rispa yanapakuy maskaqkuna! Egiptopa caballonkunapi, kallpasapa silladankunapi, achkallaña carretankunapi hapipakuqkuna; ichaqa manam Israelpa Chuya Diosninpiqa hapipakunkuchu, nitaqmi Tayta Diostaqa maskankuchu.

Isaías 6:3

Paykunam qaparispa ninakurqaku: Chuyam, chuyam, chuyam Tukuy Atiyniyuq Tayta Diosqa. Llapallan kay pachapas atiyninwan huntasqam kachkan, nispanku.

Isaías 64:3

Mana suyasqayku manchakuypaq kaqkunata ruwaspayki kay pachaman uraykamuptikim, orqokunapas qayllaykipi katkatatarqa.

Jeremías 49:7

Tukuy Atiyniyuq Tayta Diosmi Edom nacionpa contranpi kaynata nirqa: ¿Yachaychu Temán llaqtapi tukurun? ¿Yachayniyuqkunapa consejakuyninchu tukurun? ¿Yachayninchu manaña valeq rikurirun?

Ezequiel 43:2

Hinaptinmi rikurqani Israelpa yupaychasqan Tayta Diospa kanchariynin intipa qespimunan lawmanta hamuchkaqta. Qapariyninpas lloqllapa qapariynin hinaraqmi uyarikurqa, chaymi kanchariyninwan kay pachapas sumaqllataña achkirirqa.

Amós 1:12

Temán llaqtata kañaykuptiymi Bosra llaqtapa palaciokunatapas rupanqa, nispa.

Abdías 1:9

Temán llaqtapi allinnin qari-qari soldadokunapas manchakuymantam katkatatanqaku, Esaupa orqonkunapi yachaqkunapas pasaypaq tukusqam kanqaku.

Habacuc 2:14

Imaynam lamar qochata yaku pampaykuy, chaynam Tayta Diospa atiyninta reqsiq runakunapas kay pachata huntaykunqa.

Números 10:12

Chaymi Israelpa mirayninkuna Sinaí chunniqmanta lloqsirqaku. Chay puyuñataqmi Parán chunniqpi sayarurqa.

Deuteronomio 33:2

Tayta Diosmi Sinaí orqomanta hamurqa, Seir orqomantam inti hina achkirimurqa, Parán orqomantam kancharimurqa, waranqantin-waranqantin chuyakunapa chawpintam hamurqa, yachachikuyninkunatam rupachkaq ninata hina apamurqa.

Deuteronomio 5:24

“Cheqaptapunipas Señorninchik Tayta Diosmi kanchaynintawan atiyninta qawaykachiwanchik. Ninapa chawpinmanta lloqsimuq rimaynintam uyarirunchik. Kunanmi yacharuniku Tayta Dios rimapayachkaptinpas runakunaqa mana wañurusqanta.

1~Samuel 25:1

Samuel wañukuptinmi Israelpa mirayninkuna huñunakuruspanku waqarqaku, hinaspam Ramá llaqtapi kaq wasinpi pamparurqaku. Chaymantam David, Parán sutiyuq chunniqman ripukurqa.