Habacuc 3:2 - CHUYA QELLQA La Biblia en Quechua de Ayacucho 2012

² Dios Taytalláy, ancha reqsisqa kasqaykitawan tukuy imapas ruwasqaykita uyarispaymi manchakurqani. Kunanpas ñawpaq watakunapi hinayá kawsayniykupi hatun atiynikita hatarichiy, chaynapi ñoqaykupas reqsinaykupaq. Chaynatayá piñakuynikipa chawpinpipas llakipayakuynikita qawaykachiwayku.

Quechua Ayacucho Bible 1987

² Dios Taytalláy, ancha reqsisqa kasqaykimantam uyarirqani. Dios Taytalláy, ñoqaqa tukuy imapas rurasqaykimantam mancharikurqani. Watakunapa chawpinpiyá kawsarichiy rurasqaykikunata. Watakunapa chawpinpiyá reqsichiy rurasqaykikunata. Piñakuchkaspapas yuyariyá llakipayakuynikita.

Chuya Qellqa 1992

² Dios Taytalláy, ancha reqsisqa kasqaykitawan tukuy imapas ruwasqaykita uyarispaymi manchakurqani. Kunanpas ñawpaq watakunapi hinayá kawsayniykupi hatun atiynikita hatarichiy, chaynapi ñoqaykupas reqsinaykupaq. Chaynatayá piñakuynikipa chawpinpipas llakipayakuynikita qawaykachiwayku.

Habacuc 3:2 Iomraidhean Croise

Esdras 9:8

Chaywanpas Dios Taytallayku, kunanmi pisi tiempollapaqpas kuyapayakuynikita qawaykachiwankiku, hinaspam wakiqllaykutapas libreta puchuykachiwankiku, chaynapi chuya allpapi hawka kawsanaykupaq. Diosnillayku, qanmi ñawillaykuta kanchariykuwankiku, esclavo kachkaptiykum allin kawsaytaraq qoykuwankiku.

Jobwan Sutichasqa Libro 42:5

Qanmantaqa kaykamam uyaylla-uyariq kani, kunanmi ichaqa ñawiywan rikuykuyki.

Isaías 53:1

¿Pitaq willakusqaykuta cheqapmi nirqa? ¿Pimantaq atiyninta Tayta Dios rikuchirqa?

Isaías 54:8

Pisi piñakuyniypim ratollapaq qanmanta pakakururqani, ichaqa wiñaypaq kuyakuyniywanmi llakipayarqayki”. Librasuqniki Tayta Diosmi chaynata nin.

Isaías 63:15

Dios Taytalláy, hanaq pacha suma-sumaq chuya wasikimanta qawarimuy. ¿Maypitaq kachkan atiynikiwan kuyakuynikiqa? ¿Maypitaq kachkan allin sonqo kaynikiqa? ¿Llakipayakuynikichu ñoqaykupaq tukurun?

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Jeremías 10:24

Dios Taytalláy, ama piñakuspayá allin arregloykiman hina corregiykullaway, piñakuspaqa puchukarachiwankimanmi.

Jeremías 10:7

Qamqa nacionkunapa reyninmi kanki, lliwpa manchakunanmi kanki. Llapallan yachayniyuqkunamantapas, kay pachapi reykunamantapas, qam hinaqa manam pipas kanchu.

Jeremías 29:10

Tayta Diosmi kaynata nin: Babilonia nacionpi qanchis chunka wataña karup-tikichikmi, prometesqayman hina kuyapayakuyniyta qamkunaman chayachimusaq, hinaspam Jerusalén llaqtaman kutichimusqaykichik.

Jeremías 46:28

Ñoqa Tayta Diosmi kaynata nini: Serviqniy Jacob, ñoqam qanwan kachkani, ama manchakuychu. Cheqerachiptiy chayasqayki nacionkunatam pasaypaqta chinkarachisaq, qamtam ichaqa mana chinkachisqaykichu, huchaykiman hinam castigasqayki, castiganaymantaqa manam lluptinkichu, nispa.

Lamentaciones 3:32

Pitapas llakichispanqa paymantam llakipayarikun, ancha kuyapayakuq kasqanraykum llakipayarikun.

Daniel 8:17

Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Daniel 9:2

Pay punta kaq watapi munaychakuyta qallarichkaptinmi, ñoqa Daniel profeta Jeremiaspa qellqanta estudiachkarqani, chay qellqapim rimachkan Jerusalén llaqtaqa qanchis chunka watapuni purmachisqa kananmanta, Jeremiasmanmi Tayta Dios chaynata nirqa.

Habacuc 3:1

Kaymi profeta Habacucpa maña-kuynin.

Habacuc 3:16

Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

Zacarías 1:12

Chaymi Tayta Diospa angelnin qaparirqa kaynata: ¡Tukuy Atiyniyuq Tayta Dios, qanchis chunka watañam Jerusalenpaqwan Judá nacionpaq piñakurunki! ¿Hayka unayraqtaq pasanqa paykunata llakipayarinaykipaq? nispa.

Juan 10:10

Suwaqa hamun suwakuqmi, wañuchiqmi hinaspa purmachiqmi. Ñoqam ichaqa hamurqani kawsanaykichikpaq hinaspa kawsaypa huntasqan kanaykichikpaq.

Romanos 10:16

Ichaqa manam llapallankuchu allin noticiata kasukunku. Isaiasmi nirqa: Señorlláy, ¿pitaq willakusqaykutaqa creerqa? nispa.

Filipenses 1:6

Yachanipunim, qamkunapi allinkuna qallariq Diosninchikqa Jesucristo kutimunankama chay qallarisqanta tukunanta.

Hebreos 11:7

Iñiyllawanmi Noeypas, hamuq pun-chawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.

Hebreos 12:21

Mancharikuypaqmi kay qawasqankuqa karqa, chaymi Moisespas kaynata nirqa: “Mancharikuymantam katkatatachkani”, nispa.

Apocalipsis 15:4

Señorllayku, ¿pitaq mana manchakusunkimanchu? ¿Pitaq mana yupaychasunkimanchu? Qamllam chuyaqa kanki, chayraykum llapa nacionkuna hamuspanku hatunchasunki, allin ruwaq kasqaykitam qawaykachikunki, nispa.