Habacuc 3:16 - CHUYA QELLQA La Biblia en Quechua de Ayacucho 2012

¹⁶ Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

Quechua Ayacucho Bible 1987

¹⁶ Uyariykuptiymi ukullaypas hukmanyarurqa. Uyariykuptiymi jetallaykunapas katkatatarqa. Cuerpollaypas mana valeqñam rikurirun. Piernallaypas katkatataqllañam rikurirun. Chaywanpas ñoqaqa pacienciawanraqmi suyasaq. Contraykupi hatarimuqkuna sasachakunantam suyasaq.

Chuya Qellqa 1992

¹⁶ Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

Habacuc 3:16 Iomraidhean Croise

Jeremías 23:9

Llapa profetakunatam ñoqa Jeremías kaynata nini: Sonqoymi pasaypaq hukmanyasqa kachkan, tulluykunam katkatatachkan, sinka runamanraqmi rikchakuchkani, vinowan macharuqmanmi rikchakuchkani. Tayta Diosraykum chayna kachkani, chuya palabrankunaraykum chayna kachkani.

Habacuc 3:2

Dios Taytalláy, ancha reqsisqa kasqaykitawan tukuy imapas ruwasqaykita uyarispaymi manchakurqani. Kunanpas ñawpaq watakunapi hinayá kawsayniykupi hatun atiynikita hatarichiy, chaynapi ñoqaykupas reqsinaykupaq. Chaynatayá piñakuynikipa chawpinpipas llakipayakuynikita qawaykachiwayku.

Daniel 10:8

Ñoqaqa chay hatun visionta chaskispayqa sapallaymi tarikurqani, uyaypas ayayaruptinmi manaña kallpayuq rikurirurqani.

Daniel 8:27

Ñoqa Danielmi eqoyaruspay achka pun-chawkuna onqorurqani, chaymantañam allinyaykuspay reypa kaqninkunata huktawan ruwarqani, ichaqa chay imam rikusqaykunawanmi muspaypi hina tarikurqani, chayqa karqa mana entiendey atinam.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Lucas 21:19

Pipas allinta takyaqmi salvakunqa.

Jobwan Sutichasqa Libro 30:17

Nanaymi tulluykama yaykurun, tukuy tutam mana samaykuspan ñakarichiwan.

Jobwan Sutichasqa Libro 30:30

Aychaypas yanayarunñam, tulluykunapas calenturawanmi llumpayta ruparichkan.

Proverbios 12:4

Allin warmiqa qosanpa coronanmi, mana allin warmim ichaqa qosanpaqpas tullu nanaynin.

Proverbios 14:30

Llampu sonqoqa cuerpotam kawsachin, envidiakuymi ichaqa tullupi onqoy hina.

Jeremías 4:19

¡Ay, sonqollaymi nanawachkan! ¡Sonqollaymi nisyuta tukukuchkan! Manañam hawkayayta tarinichu, manam upallaymanchu. Trompetapa waqasqantam uyarichkani, guerrapaq qapariytam uyarichkani.

Jeremías 5:15

Tayta Diosmi kaynata nin: Israelpa mirayninkuna, contraykichikpim runakunata karumantaraq pusamusaq, paykunaqa allinnin qari-qari runakunam, ñawpaq runakunapa castankunam, rimayninkutapas manam yachankichu, nitaqmi rimasqankutapas entiendenkichu.

Lamentaciones 1:13

Tayta Diosmi ninata kachaykamuspa tulluykunata kañarurqa, purisqaypi toqllata churaruspanmi qepamanraq kutirichiwarqa, sapallayta saqeruwaptinmi sapa punchaw ñakarirqani.

Isaías 21:3

Chaymi cuerpoyta nanay huntaykun, wachakuywan ñakarispa qewipakuq warmita hinam nanawachkan, mancharisqallaña chaynataq llakisqa kaspaymi, mana imatapas rikunichu nitaq uyarinichu.

Jeremías 30:7

¡Mancharikuypaq punchawkunam hamuchkan! Manam chay punchaw hinaqa haykapas karqachu. Jacobpa mirayninkunapaqmi sasachakuy punchawkuna hamuchkan, chaywanpas paykunataqa ñoqam librasaq.

Lamentaciones 1:20

Dios Taytalláy, llakikuyniyta qawariway, ukullaypa timpusqanta qawariway, mana kasukuq kasqaymantam sonqollaypas tukukuchkan. Hawapim espadawan wawaykunata wañuchinku, wasi ukupipas wañuymi munaychakuchkan.

Daniel 10:9

Rimasqanta uyariruspaymi pampaman qonqoranpa wichiykurqani.