Habacuc 3:10 - CHUYA QELLQA La Biblia en Quechua de Ayacucho 2012

¹⁰ Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

Quechua Ayacucho Bible 1987

¹⁰ Orqokunapas rikuykususpaykim kuyutyarqa. Lloqllakunapas chaypa hawantam pasarurqa. Hinaptinmi uku-uku lamar qochapas qaparirqa. Olankunapas orqochakuspam hoqarikurqa.

Chuya Qellqa 1992

¹⁰ Orqokunapas rikususpaykim katkatatanku, parapas cielomantam lloqlla hinaraq tallikamun, lamar qochapa ukunkunañataqmi olankuna orqochakuspa hoqarikuptin qaparimun.

Habacuc 3:10 Iomraidhean Croise

Nehemías 9:11

Israelpa qayllanpim lamar qochata iskayman rakinarqanki, chaki allpantam paykunata pasachirqanki; qatimuqninku enemigonkunatam ichaqa, rumita wischuchkaq hinaraq uku-uku yakuman wischuykurqanki.

Isaías 43:20

Purun animalkunam yupaychawanqaku, atoqkunawan avestruzkunam yupaychawanqaku; yakukunata chunniqpi pawachisqayrayku, mayukunata chaki allpapi kallpachisqayrayku. Chaytam akllakusqay llaqtayman yakuta tomachinaypaq ruwarqani.

Isaías 55:12

Qamkunaqa kusikuywanmi lloqsimunkichik, hawkallam kutimunkichik. Orqokunawan moqokunam qayllaykichikpi takispa qaparinqaku, llapa sachakunam kusikuymanta taqllakunqaku.

Jeremías 4:24

Orqokunata qawariptiymi katkatatachkasqaku, qawariptiymi moqokunapas kuyuchkasqaku.

Miqueas 1:4

Ninapi chulluchisqa vela hinam orqokunapas chakinpa ukunpi chullurunqa. Achka yakupa wayqorusqan hinam qechwakunapas rakinakunqa.

Nahúm 1:5

Orqokunapas qayllanpiqa katkatatanmi, moqokunapas qayllanpiqa chullurunmi. Allpa pachapas, hawanpi kaqkunapas paypa qayllanpiqa mancharikunmi.

Habacuc 3:6

Pay sayaykuptinqa kay pachapas kuyurinmi, qawariptinqa nacionkunapas katkatatanmi. Ñawpa tiempomantaraq kaq orqokunapas wichimunmi, ñawpa tiempomantaraq kaq moqokunapas chullurinmi. Diospa ñanninkunam ichaqa wiña-wiñaypaq takyan.

Mateo 27:51

Chay ratollapim templopi santuariota rakinaq velo hanaymanta urayman llikikuruspan iskayman rakikururqa. Allpapas katkatataptinmi qaqakunapas raqrarurqa.

Mateo 8:24

Rich-kaptinkum qonqayta lamar qochapi nisyu wayra pukumuptin olakuna orqon-chakuspan barcatapas yaqaña pampachkarqa, Jesusñataqmi puñuchkarqa.

Hebreos 11:29

Iñiyllawanmi Israelpa mirayninkunapas, Puka lamar qocha kicharikuykuptin chaki allpanta hina pasarqaku. Egipto runakunam ichaqa pasayta munaspanku yakupi heqeparurqaku.

Josué 4:18

Tayta Diospa Arcan apaq sacerdotekuna Jordán mayumanta chaki allpaman lloqsiramuptinkum, Jordán mayuqa manaraq chakichkaspan kallpasqanta hina, kaqllamanta kuchun-kuchun kallpayta qallaykurqa.

Apocalipsis 16:12

Soqta kaq angelpas copa apasqantam hatun Eufrates mayuman talliykurqa hinaptinmi chay mayuqa chakirurqa, chakirurqaqa intipa qespimunan lawmanta hamuq reykuna chayninta chimpanankupaqmi.

Apocalipsis 20:11

Chaynataqmi rikurqani hatu-hatun yuraq tronotapas, rikurqanitaqmi chaypi tiyaqtapas. Paypa ñawpaqninmantam hanaq pachawan kay pacha chinkarurqa, hinaptinmi paykunapa kananpaq mana maypas karqachu.

Apocalipsis 6:14

Cielokunapas papel wankusqa hinam chinkarurqa, chaynataqmi orqokunawan islakunapas maymi kasqanmanta kuyuchisqa karqa.