Habacuc 2:8 - CHUYA QELLQA La Biblia en Quechua de Ayacucho 2012

⁸ Llapa nacionkunata wakchayachisqaykimantam llapa nacionkunapas wakchayachisunki. Runakunata wañuchisqaykimantam, llaqtakunata nacionkunata ñakarichisqaykimantam, qampas ñakarichisqa kanki.

Quechua Ayacucho Bible 1987

⁸ Qamqa achkallaña nacionkunatam suwarqanki. Chayraykum puchuq runakunapas suwasunki. Wañurachisqaykiraykum chaynataqa rurasunki. Chakrakunatapas llaqtakunatapas dañasqaykiraykum chaynataqa rurasunki. Chaypi yachaqkunatapas dañasqaykiraykum qamqa ñakarichisqa kanki.

Chuya Qellqa 1992

⁸ Llapa nacionkunata wakchayachisqaykimantam llapa nacionkunapas wakchayachisunki. Runakunata wañuchisqaykimantam, llaqtakunata nacionkunata ñakarichisqaykimantam, qampas ñakarichisqa kanki.

Habacuc 2:8 Iomraidhean Croise

Proverbios 22:23

Paykunamantaqa Tayta Diosmi nanachikun, imallantapas qechuqtaqa Tayta Diosmi ñakarichinqa. -2-

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Isaías 33:4

Suwakuspa llapa ima huñukusqankum suwasqa kanqa, nana-nanaq aqaruwaykuna hinaña enemigonkunam kallpamuspanku llapa kapuqninkuta qechurunqaku.

Isaías 47:6

Runaykunawan piñasqa kaspaymi, penqaypi kanankupaq makikiman hapiykachirqayki. Ichaqa paykunatam mana llakipayarqankichu, yuyaqkunatapas llasaq qepita apachispam ñakarichirqanki.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Jeremías 30:16

Mikuchkaq hina tukusuqnikikunapas tukusqam kanqaku, llapallan enemigoykikunapas preso apasqam kanqaku, sarutyasuqnikikunapas sarutyasqam kanqaku, llapa kapuqnikikuna suwasuqnikikunapas suwasqam kanqaku.

Jeremías 50:14

¡Llapa flechaqkuna, Babiloniapa muyuriqninpi churakuychik! ¡Ñoqa Tayta Diospa contraypi huchallikusqanmanta mana samaykuspa flechaykichikta kachariychik!

Jeremías 50:28

Babiloniamanta lluptiqkunapa qayakuyninmi uyarikun, Tayta Diospa vengakusqantam Sión llaqtapi willakuchkanku, templon tuñichisqankumanta vengakusqantam willakuchkanku.

Jeremías 50:37

Carretankunatawan caballonkunatapas espadawan wañuchimuychik, warmi hinaña katkatatanankukama soldadonkunatapas wañuchimuychik, qori-qollqenkupa contranpi peleamuychik, lliwta suwa apachun.

Jeremías 51:13

¡Yaw, Babilonia nación! Iskay hatun mayukunapa chawpinpim yachanki, tukuy imayuq apu-apum kankipas. Puchukanayki punchawmi chayaramunña, wañunayki punchawmi chayaramunña.

Jeremías 51:24

Ñoqa Tayta Diosmi kaynata nini: Babilonia nacionmanwan Caldea runakunamanmi, Sión llaqtapi mana allinkuna ruwasqankumanta qayllaykichikpi pagasaq.

Jeremías 51:44

Bel idolotam Babiloniapi castigasaq, imapas millpusqankunatam atqochisaq, nacionkunapas manañam paymanqa hamunqakuñachu. Babiloniapa murallankunam tuñichisqa kanqa.

Jeremías 51:48

Norte lawmanta tuñichiqkuna hamuptinmi, Babilonia tuñichisqa kaptinmi, cielokunawan chaypi tukuy ima kaqkuna, kay pachawan chaypi tukuy ima kaqkuna kusikunqaku. Ñoqa Tayta Diosmi chaynata nini.

Jeremías 51:8

Babilonia nacionmi qonqaymanta wichirun, vencerachikuspanmi lliw ñutupakurun. ¡Paymanta qaparkachaychik! Heridankunapaq hampita apamuychik, icharaqpas sanoyanman.

Ezequiel 28:16

Qamqa llapa negocio ruwasqaykiwanmi mana allin ruwaykunawan chaynataq huchawan huntarachikurqanki. Chayraykum qayllaymanta wischururqayki, Diospa chuya orqonmantam qarqorurqayki, waqaychasuqniki querubinpas llipipipiq rumikunapa chawpinmantam wischurusurqanki.

Ezequiel 39:10

Manañam montekunamanqa yanta pallaqpas lloqsinqakuñachu, nitaqmi sachatapas kuchunqakuñachu; aswanqa chay armakunam yantapi servikunqa. Ñawpaqta suwaqninkutam paykunaña suwanqaku, imankupas qechuqninkutam paykunaña qechunqaku. Ñoqa Tayta Diosmi chaynata nini.

Amós 3:10

Tayta Diosmi kaynata nin: Paykunaqa manam allin ruwayta yachankuchu; aswanqa mana llakipayarispa suwakusqankuta palacionku ukupi pakayllatam yachanku, nispa.

Abdías 1:15

Nacionkunata Tayta Diospa juzganan punchawmi hichpaykamuchkanña. Edom, imaynam ruwasqaykiman hinam qampas ruwasqa kanki, imaynam ruwasqaykiman hinam pagasqa kanki.

Habacuc 2:10

Chaynata ruwaspaykim wasikitapas penqayman churarunki, achka nacionkunata tuñichispaykim kikikipunipas tuñirachikunki.

Habacuc 2:17

Líbano orqopi tukuy mana allin ruwasqaykipas kikillaykimanmi chayamusunki, purun animalninkuna wañuchisqaykimantapas sinchi mancharisqam kanki. Kaykunam hamusunki runakunata wañuchispayki kay allpata chaynataq runankunatapas ñakarichisqaykimanta.

Zacarías 1:15

Ichaqa mana imapas qokuq nacionkunapaqmi llumpayta piñakuruni. Tumpallataraq piñakusqayraykum paykuna aswanraq mana allinta ruwarqaku.

Zacarías 14:12

Jerusalenpa contranpi hatarimuq nacionkunatam Tayta Dios kaynata castiganqa: Runankunapa aychanmi kaw-sachkaptillankuraq ismurunqa, ñawinkuwan qallunkupas maymi kasqanpim ismurunqa.

Apocalipsis 6:10

Paykunam qaparispa nirqaku: Tukuy Atiyniyuq Dios, qamqa Chuyam kanki, rimasqaykikunapas cheqapmi, ¿haykapikamataq wañuchiwaqniykuta mana juzgankichu hinaspa kay pachapi yachaqkunata mana vengakunkichu? nispanku.