Habacuc 2:7 - CHUYA QELLQA La Biblia en Quechua de Ayacucho 2012

⁷ Manukusuqnikikunam qonqaymanta hatarimuspa qanmanta vengakunqaku, llapa ñakarichisuqnikim hatariruspanku tukuy imaykikunata qechuspa qalatosunki.

Quechua Ayacucho Bible 1987

⁷ ¿Manachum manukusuqnikikunaqa qonqayta hatariramunqaku? Katkatatachisunaykipaqmi hatariramunqaku. Qechusunaykipaqmi rikuriramunqaku.

Chuya Qellqa 1992

⁷ Manukusuqnikikunam qonqaymanta hatarimuspa qanmanta vengakunqaku, llapa ñakarichisuqnikim hatariruspanku tukuy imaykikunata qechuspa qalatosunki.

Habacuc 2:7 Iomraidhean Croise

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Eclesiastés 10:8

Pipas uchkuta ruwaqqa chay uchkumanmi wichiykunqa, pipas perqa taqmaqqa maqta uruwanmi kachurachikunqa.

Isaías 11:13

Efraín castapa envidiakuq kayninpas chinkarunqañam, Judá nacionta cheqniqkunapas tukurunqañam. Efraín castapas manañam Judá castata envidiakunqañachu. Judá castapas manañam Efraín castata ñakarichinqañachu.

Isaías 41:25

Norte lawmanta hukta hatarirachimuptiymi hamunqa, intipa qespimunan lawmantam sutiyta qayakunqa, kamachikuqkunatam mituta hina sarupanqa, manka ruwaqpa sarusqan mituta hinam sarupanqa.

Isaías 46:11

Intipa qespimunan lawpi kaq runatam qayaruni, payqa anka hinam karumantaraq hamunqa, ñoqapa munasqaytam ruwanqa. Rimasqayman hinam ruwasaq, Tanteasqayman hinam ruwasaq.

Isaías 47:11

Ñakariymi chayamusunki, manam maymanta hamusqantapas yachankichu, chay llakimantaqa layqa kaynikipas manam harkasunkichu; qonqayllamantam tuñichisunki, chayna tarikuruytaqa manam yachakurqankichu.

Jeremías 51:11

Tayta Diosmi Babiloniata chinkachinqa, templonta tuñichisqanmantam vengakunqa. Flechaykichikta alistakuychik, escudoykichikta hapiychik. Babilonia nacionta tuñichinankupaqmi Media nacionpa reyninkunata Tayta Dios kallpanchamuchkan.

Jeremías 51:57

Ñoqam machachisaq Babiloniapa kamachiqninkunata, yachaysapa runankunata, ancha reqsisqa runankunata, gobernadorninkunata hinaspa soldadonkunata. Paykunataqa wiñaypaq manaña rikchanankukamam puñurachisaq. Tukuy Atiyniyuq Tayta Diosmi chaynata nin.

Jeremías 8:17

Tayta Diosmi kaynata nin: Contraykichikpim venenoyuq maqta urukunata kachamusaq, manam pipas chaykuna mansaytaqa atinqakuchu, chaykunam qamkunata kachusunkichik.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.