Habacuc 2:5 - CHUYA QELLQA La Biblia en Quechua de Ayacucho 2012

⁵ Hatun tukuqkunaqa apuyayllatam mana samaykuspa maskanku, tuñirachiqnin kachkaptinpas mastaraqmi munanku. Sepultura hinaraqmi siminkutapas kicharinku, wañuy hinaraqmi manaña saksariq rikurirunku, chayraykum nacionkunatapas tuñichinku.

Quechua Ayacucho Bible 1987

⁵ Qori-qollqeqa runatam traicionarun. Runapas hatunchakuqllañam rikurirun. Sepultura hinaraqmi yarqarachikun. Wañuy hina mana saksaqñam kachkan. Llapallan nacionkunatam huñukurunku. Llapallan runakunatam huñukurunku.

Chuya Qellqa 1992

⁵ Hatun tukuqkunaqa apuyayllatam mana samaykuspa maskanku, tuñirachiqnin kachkaptinpas mastaraqmi munanku. Sepultura hinaraqmi siminkutapas kicharinku, wañuy hinaraqmi manaña saksariq rikurirunku, chayraykum nacionkunatapas tuñichinku.

Habacuc 2:5 Iomraidhean Croise

2~Reyes 14:10

Edom nacionta venceruspaykim hatun tukuqllaña rikurirunki. Chaynaqa, chaywan alabakuspaykiyá hawkalla wasikipi kakuy. ¿Imapaqtaq peleaq yaykuyta munanki qampas, Judá nacionpas sasachakuypi kanaykichikpaq? nispa.

Proverbios 20:1

Vinoqa runatam manaña penqakuqta ruwan, aqañataqmi yanqakuna rimaqta ruwan; macharuspaqa ima ruwasqantapas manam yuyakunchu.

Proverbios 21:24

Burlakuspa qari tukuqtaqa “hatun tukuq, qara uya, mana penqakuq” nispam sutichanku.

Proverbios 27:20

Imaynam wañuywan sepultura mana haykapipas saksanchu, chaynam runaqa ima munasqanwanpas haykapipas mana contentakunchu.

Eclesiastés 5:10

Qollqe kuyaq runaqa maynaña qollqewanpas manam sonqon tiyanqachu; apuyayta kuyaqpas maynaña kapuqninwanpas manam hawkaraqchu kanqa. Chaypas yanqallapaqmi.

Isaías 14:6

payqa piñakuyninpim mana hampiy atina heridakunawan llaqtakunata ñakarichirqa, sinchi piñakuywanmi nacionkunapi munaychakurqa, mana llakipayarispam nacionkunata qatikacharqa.

Isaías 16:6

Moab llaqtapa hatun tukuyninqa yachasqam kachkan. Llumpaymi hatun tukuspa yanqa rimaq kayninpas, llulla kayninpas manam takyanqachu.

Isaías 2:17

Hatun tukuq runakunam uchuychasqa kanqaku, hatunchakuq runakunam tuñichisqa kanqaku. Chay tiempopiqa Tayta Diosllañam hatunchasqa kanqa.

Isaías 21:5

Mesaman mantelta mastaykuspankum mikukuypi tomakuypi kakuchkanku. ¡Tropa kamachiqkuna, sayariychik! ¡Escudoykichikta wiraychik!

Isaías 5:14

Chayraykum wañuqkunapa kasqan sitiopas yarqaymanta hinaraq simintapas kicharinqa, llaqtatawan kamachikuqkunatapas millpurunanpaq, fiestakunapi aychanku kusichiyllapi kaqkunatapas millpurunanpaq.

Isaías 5:8

¡Imallapiraq rikukunkichik, wasikunata chakrakunata rantiypaq-rantiqkuna! ¿Qamkunallachu kay allpapi kawsankichik?

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 50:29

Paykunam ninku: “Babiloniata atacamunankupaq flechawan peleaqkunata huñumuychik; mana pipas lluptinanpaq muyuriqninkupi campamentota sayachimuychik. Imam ruwasqankuman hina pagamuychik, imam ruwasqanta hina paytapas ruwamuychik. Paykunaqa Israelpa yupaychasqan Tayta Diospa contranpim hatarirqaku”, nispanku.

Jeremías 51:39

Rupaypi yakunayachikuptinkum machachiqninkuta upyachisaq, muspaypi hinaña kanankukamam upyachisaq, chaynapim wiñaypaq manaña rikchanankukama puñurunqaku. Ñoqa Tayta Diosmi chaynata nini.

Habacuc 1:15

Caldea runakunam anzuelowan mallawan challwachkaq hina llapa runakunata hapiruspa sinchillataña kusikunku.

Habacuc 1:17

Chaynaqa, ¿tukuy tiempochu challwaspa llapa runata mana llakipayarispa wañuchinqaku?

Habacuc 2:4

Mana allin runaqa hatun tukuqmi, allin ruwaq runam ichaqa iñisqanrayku kawsanqa.

1~Tesalonicenses 4:11

Hawkalla kawsakuspayá imam ruwanaykichikta ruwaychik, makikichikwanyá llamkaychik imaynam kamachisqaykuman hina.

Santiago 4:6

Ichaqa Diosninchikmi kuyapayakuyninwan yanapawanchik. Chaymi Qellqapi kaynata nin: “Diosqa hatun tukuqkunapa contranpim kachkan, uchuychakuqkunatam ichaqa yanapan”, nispa.