Habacuc 2:3 - CHUYA QELLQA La Biblia en Quechua de Ayacucho 2012

³ Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Quechua Ayacucho Bible 1987

³ Ñoqapa señalasqay tiempopim kay revelacion qosqayqa cumplikunqa. Tukupay tiempokunapim cumplikunqa. Manapunim llullachu kayqa. Unamuptinpas suyaykuyá qamqa. Chayamunqapunim chay punchawqa.

Chuya Qellqa 1992

³ Kay visionqa mana chaylla cumplikuspanpas tiemponpim cumplikunqa, manam yanqaqa kanmanchu; unamuptinpas qamqa suyaykuy, chay visionqa cheqaptapunim cumplikunqa.

Habacuc 2:3 Iomraidhean Croise

2~Reyes 6:33

Llapa ancianokunawan Eliseo rimach-kaptinraqmi chayaruspan rey nirqa: Cheqaptapunim kay ñakariyqa Tayta Diosmanta hamun, ¿imatawanraqtaq paymanta suyayman? nispa.

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Isaías 30:18

Chaywanpas Tayta Diosqa llakipayarisunaykichikpaqmi suyasuchkankichik, payqa kuyakuynintam qamkunaman reqsichisunkichik. Allin arreglo ruwaqmi Tayta Diosqa. ¡Mayna kusisqam paypi suyaqkunaqa!

Isaías 7:4

Paytam ninki: Cuidakuy hinaspa hawkalla kay ama manchakuychu nitaq sonqoykipas hukmanyachunchu chay iskay qosniq yantakunaraykuqa, Siriapa reynin Rezinpa chaynataq Remaliaspa churin Pekapa sinchi piñakuyninraykuqa.

Isaías 8:17

Jacobpa mirayninkunataña Tayta Dios pakakuptinpas, ñoqaqa payllapim hapipakusaq, payllapim suyasaq.

Jeremías 27:7

Llapallan nacionkunam payta, churinta hinaspa willkanta servinqaku. Chaynaqa, kanqa Babilonia nacionpas hatun nacionkunapa chaynataq atiyniyuq reykunapa makinman wichinankamam.

Ezequiel 12:25

Ñoqa Tayta Diosqa kikiypunim rimasaq, imam rimasqayqa chayllam cumplikunqa. Mana kasukuq runakuna ñawikichikwanmi rikunkichik; imam rimasqaytaqa ruwasaqpunim. Ñoqa Tayta Diosmi chaynata nini.

Ezequiel 30:9

Egipto nacionta castiganay punchaw chayaramuptinmi willakuqkunata barcokunapi kachamusaq, chaynapi Etiopía nacionpi hawka yachakuqkunata mancharichinankupaq, hinaptinmi manchakuymanta katkatatanqaku. Chay punchawmi hichpamuchkanña.

Daniel 10:14

Ñoqam hamurqani llaqtamasikikunata hamuq punchawkunapi imam pasananmanta willaqniki; chay visión qawasqaykiqa hamuq punchawkunapiraqmi cumplikunqa, nispa.

Daniel 11:27

Chay iskay reykunaqa mana allin ruwanakuyllapi piensaspankum huk mesallapi tiyaykuspanku llullakunallata ninakunqaku, ichaqa yanqapaqmi chaykunata rimanakunqaku, Diospa nisqan tiempo manaraq chayamusqanrayku.

Daniel 11:35

Yachayniyuq runakunamantapas wakinmi qatikachasqa kanqaku, chayna ñakarichisqaqa kanqaku metal chulluchisqa hina chuyanchasqa kanankupaqmi. Paykunaqa mana allinmanta rakisqa kaspankum mana huchayuqña kanqaku. Chaynaqa, tarikunqaku tukupay tiempo chayamunankamam.

Daniel 8:17

Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Daniel 8:19

niwarqa: Kunanmi willasqayki tukupay tiempokunapi imaynam Diospa piñakuynin kananmanta.

Daniel 9:24

Qanchis chunka semanam tanteasqa kachkan nacionnikipaqpas chaynataq chuya llaqtaykipaqpas, mana kasukuyninkuwan huchallikuyninkupas tukunanpaq, huchapas puchukachisqa kananpaq, mana allin ruwayta pampachananpaq; allin ruwayta wiñaypaq takyachinanpaq, visionpas profeciapas cumplikunanpaq, Chuyay-chuyay lugarpas Diosllapaqña sapaqchasqa kananpaq.

Miqueas 7:7

Ñoqam ichaqa Tayta Diosllapi hapipakullasaq, Salvaykuqniy Diosllapim hapipakullasaq; Diosnillayqa uyariykuwanqam.

Sofonías 3:8

Chayraykum Tayta Dios kaynata nin: Contraykichikpi hatarispay juzganay punchawta suyaykuychik. Nacionkunata llaqtakunatam huñunarusaq, hinaspaymi hatun piñakuyniywan paykunata castigarusaq. Piñakuyniypa rupariynin kañaruptinmi kay allpa pacha puchukanqa.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Lucas 2:25

Jerusalenpim Simeón sutiyuq runa yacharqa, payqa allin kaqkunata ruwaspa kuyapayakuq runam karqa. Paymi Israel nación salvasqa kananta suyachkarqa. Payqa Chuya Espiritupa huntasqanmi karqa.

Hechos 1:7

Chaymi nirqa: Manam yachanaykichikchu imay tiempom otaq ima punchawmi kaykuna kanantaqa, Dios Taytallam atiyniyuq chay tiempota akllananpaqqa.

Hechos 17:26

Huk runallamantam tukuy hinastinpi kaq nacionkunata mirachirqa, chaynapi lliw kay pachapi yachanankupaq; paymi hayka watam kawsanankutapas señalarqa, chaynataq maypim yachanankutapas,

Gálatas 4:2

Payqa uywaqnin runakunapa nanachikusqallaraqmi kachkan, taytanpa nisqan punchaw chayamunankama.

2~Pedro 2:3

Qollqe ganakuyta munas-pankum, allin yachachikuq tukuspanku qamkunamanta negociota ruwakunqaku, paykunaqa ñawpaqmantaraqmi senten-ciasqaña kachkanku, chaylla chinka-runankupaq.

2~Pedro 3:9

Manam wakinkunapa nisqanpi hinachu Señorqa imam promesantaqa unachimuchkan, aswanqa mayqanllaykichikpas mana chinkanaykichikta munaspam. Chaynataqa pacienciakun llapallaykichik Señorman kutirikunaykichikta munaspam.