Habacuc 2:10 - CHUYA QELLQA La Biblia en Quechua de Ayacucho 2012

¹⁰ Chaynata ruwaspaykim wasikitapas penqayman churarunki, achka nacionkunata tuñichispaykim kikikipunipas tuñirachikunki.

Quechua Ayacucho Bible 1987

¹⁰ Achkallataña wañuchinaykipaqmi tantearqanki. Wasikipi kaqkunatapas penqaymanñam churarqanki. Kikillaykipa contrallaykipim huchallikurqanki.

Chuya Qellqa 1992

¹⁰ Chaynata ruwaspaykim wasikitapas penqayman churarunki, achka nacionkunata tuñichispaykim kikikipunipas tuñirachikunki.

Habacuc 2:10 Iomraidhean Croise

1~Reyes 2:23

Chaynata nispanmi rey Salomonqa Tayta Diosrayku jurarqa: Tayta Diosyá llumpayta castigawachun, kay mañakusqanmanta Adoniasta mana wañuchiptiyqa.

2~Reyes 10:7

Chaymi cartata chaskiruspallanku, reypa qanchis chunka churinkunata wañurachispanku umankuta canastapi Jezreel llaqtapi Jehuman apachirqaku.

2~Reyes 9:26

“Qayna punchawmi Nabotpa chaynataq churinkunapa yawarninta rikurqani, chaymi ñoqa Tayta Dios kaynata niki: Kay ruwasqaykimantaqa hina kay chakrapim vengakusqayki”, nispa. Chaynaqa, Tayta Diospa nisqanman hinayá Nabotpa chakranman wikapaykamuy, nispa.

Proverbios 1:18

Chay runakunaqa kikillankum wañuyman qarakuchkanku, kikillankupaqmi toqllatapas churakuchkanku.

Proverbios 20:2

Reypa piñakuyninqa malta leonpa qapariynin hinam, reyta piñachiq runaqa vidantam wañuyman qaykukuchkan.

Proverbios 8:36

Ñoqamanta karunchakuruq runam ichaqa wañuyman kikillan churakurun, pipas cheqniwaqniykunaqa wañuytam kuyanku.

Isaías 33:11

Qamkunapa tanteasqaykichikqa qora hinallam, qamkunapa ruwasqaykichikqa qopa hinallam, ichaqa samayniymi nina hina ruparusunkichik.

Jeremías 22:30

Tayta Diosmi kaynata nin: Kay runamanta libropi qellqaychik, qolluq runamanta hina qellqaychik, kawsayninpi mana imapas allin ruwaq kasqanmanta qellqaychik. Judá nacionpiqa, Jeconiaspa mirayninmantaqa manañam rey Davidpa trononpiqa munaychakuqqa kanqañachu, nispa.

Jeremías 26:19

¿Yaqachu rey Ezequiaswan Judá nacionpi runakuna Miqueasta wañu-chirqaku? Manam, aswanqa kikin reypas Tayta Diosta manchakuspam paykunamanta llakipayarinanpaq mañakurqa, chaymi Tayta Diospas rimasqan castigokunata manaña kacharimurqachu. ¿Chaychu ñoqanchikñataq kay hatu-hatun huchata qepikuruchwan?

Jeremías 36:31

Mana allinkuna ruwasqaykichikraykum qamtapas, miraynikitapas chaynataq serviqnikikunatapas castigasqaykichik. Jerusalenpa chaynataq Judá nacionpa contranpi rimasqay castigokunatam kachamusaq. Mana kasukusqaykichikmantam chaykuna pasasunkichik, nispa.

Jeremías 44:7

Chaynaqa, ñoqa Tukuy Atiyniyuq Tayta Diosmi nini: ¿Imanasqataq kay hatun mana allinkunata contraykichikpi ruwarunkichik? ¿Judá nacionniyuq qarikunapas, warmikunapas, warmakunapas hinaspa ñuñuq wawachakunapas pasaypaq tukurunantachu munachkankichik?

Nahúm 1:14

Asiria llaqta, Tayta Diosmi contraykipi kaynata kamachikun: Sutikipas pasaypaq qonqasqam kanqa, yupaychanayki wasimantapas makikiwan ruwasqayki idoloykikunatam pasaypaqta chinkarachisaq, millakuypaq kasqaykiraykum sepulturaykitapas chaypi ruwachisaq.

Habacuc 2:16

Alabasqa kanaykimantam penqaypi kanki, Diospunim sinkachisuspayki qampatapas penqaynikita qawachinqa, hinaspam reqsisqa kaynikitapas pasaypaq penqayman tikranqa.

Números 16:38

Huchallikuruspa wañuq runakunapa qontichinankuqa, inciensota ñoqa Tayta Diosman ofrecemuwasqankuraykum chuyanchasqa kachkan. Chaynaqa, llaspayachispa chaywan altarpa hawanman laqachun, Israelpa mirayninkunapaq señal kananpaq, nispa.

Mateo 27:25

Hinaptinmi llapallan runakuna nirqaku: ¡Paypa wañusqanmantaqa ñoqaykum mirayniykupiwan huchayuq kasaqku! nispanku.