Habacuc 1:8 - CHUYA QELLQA La Biblia en Quechua de Ayacucho 2012

⁸ Caballonkupas, leopardomanta aswan apurawman kallpaqmi, purunpi lobomantapas aswan manchakuypaqmi. Silladankunapas mana yupay atinam, mikunanman anka pawaykuq hinaraqmi enemigonkumanpas karumantaraq pawaykunku.

Quechua Ayacucho Bible 1987

⁸ Caballonkupas uturungumantapas aswan apurawman kallpaqraqmi. Tutaykuqta puriq lobomantapas aswan manchakuypaqraqmi. Sillakuqkunapas chapakyayllañam kallpakachanku. Paykunaqa karukunamantaraqmi hamurunku. Anka hinaraqmi hapinanpaq pawaykunku.

Chuya Qellqa 1992

⁸ Caballonkupas, leopardomanta aswan apurawman kallpaqmi, purunpi lobomantapas aswan manchakuypaqmi. Silladankunapas mana yupay atinam, mikunanman anka pawaykuq hinaraqmi enemigonkumanpas karumantaraq pawaykunku.

Habacuc 1:8 Iomraidhean Croise

Jobwan Sutichasqa Libro 9:26

Utqayman kallpaq barcokuna hinam pasarun, mikunanman pawaykuq anka hinam pawarun.

Isaías 11:14

Aswanqa kuskankuñam intipa seqaykunan lawman kallpaspa filisteokunata qepanmanta atacanqaku, intipa qespimunan lawpi nacionkunapa kapuqninkutam qechumunqaku. Paykunam sirvichikunqaku Edomitakunawan, Moabitakunawan. Amonitakunapiñataqmi munaychakunqaku.

Jeremías 4:13

Qawariychik, enemigoykichikmi puyu hinaña hamuchkan, guerrapaq carretankupas sinchi wayra hinaraqmi hamuchkan, caballonkupas ankamantapas mastaraqmi pawamuchkan. ¡Ay ñoqanchikya, imaynaraq kasunchik!

Jeremías 48:40

Tayta Diosmi kaynata nin: Moab nacionpa contranpim enemigonkuna hamunqaku, rapranta mastarispa pawaykuchkaq anka hinaraqmi atacanqaku.

Jeremías 5:6

Chayraykum paykunataqa leonkuna montemanta lloqsiramuspa wañurachinqa, chunniq atoqkunam tukuparunqa, tigrillokunam llaqtankumanta lloqsimuptinku tisaparunqa. Chaynataqa ruwanqa Tayta Diosta qepanchaspa llumpayta huchallikusqankuraykum.

Jeremías 50:42

Flechana arcokunawan lanzakunawan armasqam hamuchkanku, pasaypaq mana llakipayakuq runakunam hamuchkanku, Lamar qocha hinaraqmi qaparinkupas, Caballopi silladam hamuchkanku, Babiloniata atacanankupaqmi hamuchkanku.

Lamentaciones 4:19

Qatikachawaqniykuqa ankamantapas utqayman kallpaqkunam karqaku, orqokunapim paykunaqa qatikachawarqaku, chunniqkunapim wichinaykupaq trampata churarqaku.

Ezequiel 17:12

Chay mana kasukuq llaqtata kaynata tapuy: ¿Manachu yachankichik kay rikchanachiypa imam ninanta? nispa. Chaynaqa, paykunaman kaynata niy: Babilonia nacionpa reyninmi Jerusalén llaqtaman hamuruspan reytawan kamachikuqkunata presocharuspan Babilonia nacionman aparurqa.

Ezequiel 17:3

Tayta Diosmi kaynata nin: Hatu-hatun ankam Líbano orqoman chayaramurqa, raprankunapas hatu-hatuntam mastarikurqa, purankunapas tukuy rikchaq colorniyuqmi kasqa. Paymi cedropa puntanman tiyarurqa.

Ezequiel 26:11

Caballonkunam callekikunatapas sarupanqa, runaykikunatapas espadawanmi wañuchinqa, raku-raku pilarnikikunatapas pampamanmi wikapanqa.

Oseas 8:1

Trompetata tocay, enemigom Tayta Diospa wasimpa contranpi anka hinaraq hamuchkan; yachachikuyniykunata mana kasukuspanmi pacto ruwasqayta llaqtay pakirun.

Nahúm 2:5

Capitanninkunatam rey qayachkan, paykunañataqmi sarunakustin kallpachkanku llaqtata harkaq perqapa kasqanman defiendekunankupaq.

Sofonías 3:3

Kamachiqninkunapas piña león hinam, juezninkunapas chunniqpi atoq hinam, paykunaqa manam tullutapas paqarinnintinkamaqa puchunkuchu.

Mateo 24:28

Maypim ayapa kasqanpim ullachkukunapas huñunakunqaku.

Lucas 17:37

Chaymi Jesusta tapurqaku: Señor, ¿maypitaq chaykuna pasakunqa? nispanku. Hinaptinmi Jesusñataq nirqa: Maypim ayapa kasqanpim ullachkukuna huñunakunqaku, nispa.

Deuteronomio 28:49

Tayta Diosmi kay pachapa patanpi kaq nacionta contraykichikpi pusamunqa. Paykunam pawachkaq anka hinaraq hamunqaku; rimayninkutapas manam entiendenkichikchu.