Habacuc 1:6 - CHUYA QELLQA La Biblia en Quechua de Ayacucho 2012

⁶ Caldea law mana llakipayakuq runakunatam hatarichimuchkani; kay pachapi tukuy hinastinman kallpaspa hukpa allpanta munaychakuq runakunatam pusamuchkani.

Quechua Ayacucho Bible 1987

⁶ Ñoqaqa Caldea runakunatam hatarichimuchkani. Manchakuypaq runakunatam hatarichimuchkani. Apurawman venceqmi paykunaqa. Tukuy hinastinmanmi mastarikun paykunaqa. Runapa *f**yachasqan allpantam dueñochakuykun paykunaqa.

Chuya Qellqa 1992

⁶ Caldea law mana llakipayakuq runakunatam hatarichimuchkani; kay pachapi tukuy hinastinman kallpaspa hukpa allpanta munaychakuq runakunatam pusamuchkani.

Habacuc 1:6 Iomraidhean Croise

2~Reyes 24:1

Rey Joacimpa tiemponpim Babilonia nacionpa reynin Nabucodonosor, Judá nacionpa contranpi hamurqa. Venceruptinmi kimsa wata Joacim servirqa, chaymantam Nabucodonosorpa contranpi hoqarikururqa.

2~Reyes 24:2

Tayta Diosmi Joacimpa contranpi kachamurqa Caldea, Siria, Moab hinaspa Amón tropakunata. Paykunatam Tayta Dios kachamurqa serviqnin profetakunawan nisqanpi hina Judá nacionta chinkachinanpaq.

2~Crónicas 36:17

Paykunapa contranpim Caldea nacionpa reyninta Tayta Dios kachamurqa, hinaptinmi jovenkunata espadawan templo ukupi wañurachirqa, sipaskunatawan yuyaqkunata hinaspa eqoyasqakunatapas manam llakipayarqachu. Llapallankutam paypa makinman Tayta Dios churaykurqa.

2~Crónicas 36:6

Chaymi Babilonia nacionpa reynin Nabucodonosor paypa contranpi hamuruspan Babilonia llaqtaman bronce cadenakunawan watasqata aparqa.

Isaías 23:13

Caldea nacionta qawariychik, manañam kunanqa llaqtañachu. Asiria nacionmi purun animalkunapa sayanantaña ruwarunku; paykunam torrekunata ruwaruspa yaykurunku, hinaspam pasaypaqta purmarachinku; chayna kanankupaqqa kikinkum huchayuq.

Jeremías 13:20

Jerusalenpi yachaqkuna, norte lawta qawariychik, enemigoykichikmi hamuchkan. ¿Maytaq michinaykipaq saqesqay ovejakuna? ¿Maytaq hatunchakunayki ovejakuna?

Jeremías 21:4

Israelpa yupaychasqan Tayta Diosmi kaynata nin: Ñoqam Babilonia reypa contranpi peleasqaykichik armakunata kikikichikpa contraykichikpi kutiriykachisaq. Murallaykichikpa hawa lawninmanta atacamuq Caldea runakunatañataqmi kay llaqtapa chawpinman huñurusaq.

Jeremías 21:7

Chaymantam Judá nacionpa reynin Sedequiastapas, serviqninkunatapas, llaqta runakunatapas chaynataq peste onqoywan, guerrawan, yarqaywan wañunankumanta puchuqkunatapas, Babilonia nacionpa reynin Nabucodonosorman hinaspa wakin enemigonkunaman qoykusaq, hinaptinmi mana llakipayarispa wañuchinqaku. Ñoqa Tayta Diosmi chaynata nini.

Jeremías 25:9

norte lawpi nacionkunatawan Babilonia nacionpa reynin serviqniy Nabucodonosorta kachamusaq, kay nacionpa, llapallan runankunapa chaynataq muyuriqninpi nacionkunapa contranpi. Hinaspaymi paykunata pasaypaqta tukurusaq, tuñirachispaymi wiñaypaq purmarachisaq, chaynapim runakunapas admirakuspa burlakunqaku.

Jeremías 30:5

Ñoqa Tayta Diosmi kaynata nini: Manchakuymanta qapariykunam uyarikuchkan, manam hawkayayqa kanñachu, aswanqa manchakuyllañam.

Jeremías 4:11

Chay tiempopim kay llaqtatawan Jerusalenta ninqa: Chunniqpi orqokunamantam rupaq wayra runaykunapa kasqanman pukumuchkan, ichaqa manam pajanmanta trigota limpianapaq wayrachu.

Jeremías 4:6

¡Sión llaqtapi banderata hoqariychik, maypim pakakunaykichikta utqayman maskaychik! Norte lawmantam hatun sasachakuytawan ñakariyta apamusaq.

Jeremías 4:8

Chaynaqa, qachqa pachawan pachakuychik, nanaymanta qaparkachaspa waqaychik, Tayta Diospa piñakuyninqa manam qamkunamanta asurinchu.

Jeremías 5:15

Tayta Diosmi kaynata nin: Israelpa mirayninkuna, contraykichikpim runakunata karumantaraq pusamusaq, paykunaqa allinnin qari-qari runakunam, ñawpaq runakunapa castankunam, rimayninkutapas manam yachankichu, nitaqmi rimasqankutapas entiendenkichu.

Jeremías 8:10

Chayraykum warminkutapas hukmanña qoykusaq, chakrankutapas hukmanñam qoykusaq. Paykunaqa hatunpas taksapas apuyaruyllatam maskanku, profetawan sacerdotekunapas engañakuqllañam rikurirunku.

Ezequiel 16:40

Contraykipim llaqtakunata hatarichimunqaku, paykunam rumiwan choqaparususpayki espadawan wañuchisunki.

Ezequiel 21:31

Qampa hawaykimanmi piñakuyniyta kachaykamusaq, hawaykipim piñakuyniyta ninata hinaraq ratarirachisaq; mana allinkuna ruwaq runakunapa makinmanmi qoykusqayki, chinkachikuq runakunapa makinmanmi qoykusqayki.

Ezequiel 28:7

Chayraykum huklaw nacionniyuq pasaypaq mana llakipayakuq runakunata contraykipi pusamuchkani, paykunam yachayniyuq kachkaptikipas wañuchisunaykipaq espadankuta hurqonqaku, hinaspankum sumaqllaña kaynikitapas millakuypaqtaña ruwarunqaku.

Ezequiel 31:12

Pasaypaq mana llakipayakuq huklaw nacionniyuq runakunam paytaqa kuchuruspanku saqerunqaku. Kallmankunapas orqokunapi, qechwakunapi, wayqokunapi hinaspa pampakunapim wischusqa kanqa. Llantuyninpi yachaq nacionkunapas ayqekuspankum saqerunqaku.

Joel 2:3

Paykunapa ñawpaqnintam tukuy imata nina ruparunqa, qepantañataqmi lenwachkaq nina tukuy imata tukurunqa; paykunapa ñawpaqninpim manaraq chayasqanku allpaqa Edén huerta hina kanqa, paykunapa qepanta puchuqmi ichaqa purmachisqa mana imapa kanan chunniqña kanqa; paykunamantaqa manam imapas lluptinqachu.