Habacuc 1:4 - CHUYA QELLQA La Biblia en Quechua de Ayacucho 2012

⁴ Kamachikuykunapas qepanchasqam, allin ruwaywan allin kawsaypas sarusqam; mana allin runam allin ruwaq runakunata ñakarichinanpaq qatikachan, chaymi allin arreglo ruwaytapas mana allin ruwaymanña qewirunku.

Quechua Ayacucho Bible 1987

⁴ Yachachikuynikipas manam cumplikunchu. Allin arreglopas manam takyanchu. Mana allin ruraq runakunam muyurun allin ruraq runakunata. Chaymi allin arreglokuna rurasqankupas lloqsirun qewi-qewillata.

Chuya Qellqa 1992

⁴ Kamachikuykunapas qepanchasqam, allin ruwaywan allin kawsaypas sarusqam; mana allin runam allin ruwaq runakunata ñakarichinanpaq qatikachan, chaymi allin arreglo ruwaytapas mana allin ruwaymanña qewirunku.

Habacuc 1:4 Iomraidhean Croise

1~Reyes 21:13

Chaymantam iskay mana allin runakuna hamuruspanku Nabotpa chimpanpi tiyaykurqaku, paykunam llullakuspanku runakunapa qayllanpi Nabotpa contranpi nirqaku: Nabotmi Diostawan reyta insultarun, nispanku. Chaymi llaqtamanta hawaman pusa-ruspanku rumiwan choqapaspa wañurachirqaku.

Jobwan Sutichasqa Libro 21:7

¿Imanasqataq mana allin ruwaq runakuna yuyaqyanankukama kawsanku? Paykunapaqa llapa imankupas miranraqmi.

Éxodo 23:2

Mana allin ruwaqkunataqa achkallaña kaptinkupas amam qatinkichu; testigo kaspaykipas ama pimanpas sayapakuspam cheqap kaqllata rimanki, llulla rimaqmanqa achkallaña kaptinkupas amam sayapakunkichu;

Éxodo 23:6

Wakcha runa quejapi kaptinqa allin arreglotam ruwaykunki.

Isaías 5:20

¡Ay, imaynaraq kanqaku! Mana allinta allinmi niqkuna, allintañataq mana allinmi niqkuna, achkiyta tutaman tikraqkuna, tutayaytañataq achkiyman tikraqkuna, qatqetapas miskim niqkuna, miskitañataq qatqem niqkuna.

Isaías 59:12

Dios Taytallayku, llumpay mana kasukuqmi kaniku, huchallaykum ñoqaykuta acusawanku, mana kasukusqaykutam reqsikuniku, mana allinkuna ruwasqaykutam reqsikuniku.

Jeremías 12:1

Dios Taytalláy, qamqa allin ruwaqmi kanki, manam qanwanqa churanakuymanchu; chaywanpas kaykunam tapukuyniy kachkan: ¿Imanasqataq mana allin ruwaq runakunaqa allinta kawsakunku? ¿Imanasqataq iskay uya runakunaqa hawkalla kawsakunku?

Jeremías 12:6

Wawqekikunawan aylluykikunapas traicionarusunkim, qepaykipiqa hatunmantaraqmi insultasunki. Kuyakuyllawanña rimapayasuptikipas ama paykunapiqa hapipakuychu.

Jeremías 26:8

Tayta Diospa kamachisqankunata Jeremías rimayta tukuruptinmi, llapa sacerdotekuna, profetakuna hinaspa llapallan runakuna hapiruspanku kaynata nirqaku: Wañunkipunim.

Jeremías 8:7

Alton pawaq cigüeñapas yachanmi haykapim kutimuyta, kullkupas, wayanakuypas, chiwakupas yachanmi huklawman astakuyta. Runaykunam ichaqa ñoqa Tayta Diospa kamachikuyniykunata mana yachankuchu.

Ezequiel 9:9

Hinaptinmi Tayta Dios kaynata niwarqa: Israel runakunapa mana allin ruwasqankuqa hatu-hatunmi. Kay nacionmi yawarpa pampaykusqan rikurirun, kay llaqtapas llumpay mana allin ruwaykunapa huntasqanmi kachkan. Paykunam kaynata nirqaku: “Tayta Diosmi kay nacionmanta karunchakurun, imam ruwasqanchiktapas manam rikunchu”, nispanku.

Oseas 10:4

Paykunaqa yanqa rimaq runakunam kanku, pactota ruwaspapas yanqallam juranku, allinpaq hapispa ruwayninkupas chakrakunapi wiñaq qatqe qorakuna hinam.

Amós 5:12

Yachanim millakuypaq huchaykichikkunatawan mana kasukuspa tukuy mana allin ruwasqaykichikkunatapas, yachanitaqmi allin kawsakuq runata ñakarichispa Juezpa ñawpaqninpi wakchakunata juiciopi pierdechinaykichikpaq qollqe chaskikusqaykichiktapas.

Amós 5:7

¡Ay, imaynaraq kanqaku! Cheqap kaqta ñakariyman tikraqkuna, allin kawsakuyta saruruspa yanqachaqkuna.

Marcos 7:9

Qamkunaqa Diospa kamachikuy-ninkunata mana kasukuspam costumbrekunallataña qatinkichik.

Hechos 7:52

¿Mayqan profetatataq ñawpaq taytaykichikkuna mana qatikacharqakuchu? Diospa Churin hamunanmanta willakuqkunatapas wañuchirqakum. Paytam traicionaspaykichik qamkuna wañuchirqankichik.

Hechos 7:59

Rumiwan choqapachkaptinkum, Esteban kaynata mañakurqa: Señor Jesús espirituytayá chaskiykuy, nispa.

Romanos 3:31

Chaynaqa, iñispallanchik salvakuspaqa, ¿mana valeqpaqñachu leyta hapichwan? ¡Manapunim! Aswanqa valorninta reqsispam allinpaq hapinchik.

Deuteronomio 16:19

Allin arreglo ruwaytaqa amam qewirunkichikchu. Wakin runakunallamanqa amataqmi imaraykupas sayapakunkichikchu. Juez kaspaykichikqa amam sobornotaqa chaskikunkichikchu. Sobornoqa yachayniyuqkunatapas ñawsayachinmi, pantachintaqmi allin ruwaqkunapa rimaynintapas.