Génesis 9:2 - CHUYA QELLQA La Biblia en Quechua de Ayacucho 2012

² Qamkunam munaychakunkichik purun animalkunapi, alton pawaq animalkunapi, qasqonpa puriq animalkunapi chaynataq lamar qochapi challwakunapipas.

Quechua Ayacucho Bible 1987

² Qamkunatam katkatataspa manchakusunkichik purun animalkuna, alton pawaqkuna, allpapi llapallan qasqonpa puriqkuna chaynataq lamar qochapi challwakunapas. Chaykunapimá munaychakunkichik.

Chuya Qellqa 1992

² Qamkunam munaychakunkichik purun animalkunapi, alton pawaq animalkunapi, qasqonpa puriq animalkunapi chaynataq lamar qochapi challwakunapipas.

Génesis 9:2 Iomraidhean Croise

Génesis 1:21

Diosmi unancharqa yakupi kaq hatun animalkunata, chaynallataq castanman hina qasqonpa puriq tukuy rikchaq urukunatapas, unancharqataqmi alton pawaq animalkunatapas castanman hina. Chaykunatam Dios qawarqa allin kasqanta.

Génesis 1:26

Chaymantam Dios nirqa: Runata ruwasun ñoqanchikman rikchakuqta, ñoqanchik kaqllata; challwakunapi, alton pawaq animalkunapi, qasqonpa puriq urukunapi chaynallataq tukuy rikchaq animalkunapi munaychakunanpaq, nispa.

Génesis 1:28

Paykunata bendecispanmi Dios nirqa: Anchata miraspa kay pachaman huntaychik, hinaspa munaychakuychik challwakunapi, alton pawaq animalkunapi, qasqonpa puriq urukunapi, tukuy rikchaq animalkunapipas, nispa.

Génesis 2:19

Tayta Diosmi allpamanta unancharqa purun animalkunata, uywa animalkunata, alton pawaq animalkunatapas, hinaspam Adanman pusamurqa sutichananpaq. Paypa suti churasqanmi llapallan animalkunapa sutinqa.

Génesis 35:5

Chaymanta ripuptinkum muyuriqninku llaqtakunaman Diosmanta hamuq hatun manchakuy yaykururqa, chaynapim Jacobpa churinkunata manaña qatirqakuchu.

Génesis 9:1

Diosmi Noeyta hinaspa churinkunata bendecispan nirqa: Achka wawa-churiyuq kaspayá kay pachata huntaychik.

Génesis 9:3

Chay animalkunatam qoykichik mikunaykichikpaq, qoykichiktaqmi yuyukunatapas chaynataq sachakunatapas.

Jobwan Sutichasqa Libro 39:11

¿Yaqachu kallpasapa kasqanrayku chay toropi hapipakuwaq? ¿Yaqachu payman llamkaynikita saqeykuwaq?

Ezequiel 34:25

Ovejaykunawanmi hawkaña kawsakunankupaq huk pactota ruwasaq. Mikukuq purun animalkunata nacionninkumanta chinkarachiptiymi chunniqpipas hawkaña kawsakunqaku, montekunapipas hawkañam puñukunqaku.

Oseas 2:18

Chay punchawkunapim paykunarayku purun animalkunawan pactota ruwasaq, pawaq urpikunawan hinaspa maqta urukunawanpas. Chinkachisaqmi flechatapas, espadatapas chaynataq guerratapas, hinaspaymi hawkallataña kawsachikusqayki.

Levítico 26:22

Manchakuypaq monte animalkunatapas kachaykamusaqmi, hinaptinmi churi-wawaykichikkunatawan animalnikichikkunatapas pasaypaqta tukurunqa, chaynapim aschallaña rikuriruptikichik ñannikichikpas chunninqa.

Levítico 26:6

Nacionnikichikpim hawka kawsakuyta qosqaykichik, hinap-tinmi puñuspapas mana pipa manchachisqan puñukunkichik. Manchakuypaq monte animalkunatapas nacionnikichikmantam chinkachisaq, guerrapas chay-piqa manañam kanqachu.

Santiago 3:7

Runaqa mansarunmanmi ima purun animalkunatapas, alton pawaq animalkunatapas, maqta urukunatapas chaynataq lamar qochapi kaqkunatapas.