Génesis 8:21 - CHUYA QELLQA La Biblia en Quechua de Ayacucho 2012

²¹ Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

Quechua Ayacucho Bible 1987

²¹ Chay kañasqanpa miskillaña asnariyninta Tayta Dios muskiykuspanmi hawkayarurqa hinaspam piensarurqa: —Runakunaraykuqa manañam yapatawanqa allpa pachataqa ñakasaqñachu. Runaqa warma kasqanmantam mana allin piensaqlla. Kayna castigasqayta hinaqa manañam wañuchisaqchu llapallan rurasqay kawsaqkunataqa.

Chuya Qellqa 1992

²¹ Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

Génesis 8:21 Iomraidhean Croise

Génesis 3:17

Adantañataqmi kaynata nirqa: Warmikita kasuspa “amam mikunkichu” nisqay sachapa rurunta mikurusqaykimantam kay pacha ñakasqa kanqa. Ñakariywan llamkaspam kawsanayki punchawkama mikunki.

Génesis 4:12

Chakrata llamkaptikipas manam rurupusunkichu. Mana imayuqmi kay pachapi pakan-pakanlla purinki, nispa.

Génesis 5:29

Paytam Noeywan sutichaspa nirqa: Paymi tukuy ima ruwayninchikmanta chaynallataq llapa llamkayninchikmanta samaykachiwasun, kay allpa Diospa ñakasqan kasqanrayku, nispa.

Génesis 6:13

Chaymi Noeyta Dios nirqa: Kunanmi tantearuni llapa runakuna chinkachiyta, paykunapa huchanmantam kay pacha kaynaniraq tarikun. Chaynaqa, kay pachamantam puchukachisaq.

Génesis 6:17

Ñoqam kay pachaman sinchi parata kachaykamuspay pamparachisaq, chaynatam kay pachapi llapallan kawsaqkunata chinkachisaq. Manam chullapas puchunqachu.

Génesis 6:5

Tayta Diosmi qawarirqa kay pachapi runakuna llumpay mana allin ruwayllapiña kasqankuta, chaynallataq yuyaymanayninkupas sapa punchaw mana allin ruwayllamanña qokurusqanta.

Génesis 6:7

Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

Jobwan Sutichasqa Libro 14:4

¿Pitaq qachata chuyayarachinman? Manam pipas atinmanchu.

Éxodo 29:18

Hinaspam altarpa hawanpi lliwchata kañanki, chaytaqa kañanki ñoqa Tayta Diospaq miski asnaq ofrenda kasqanraykum.

Éxodo 29:25

Chaymantam makinkumanta chaskiykuspa lliw kañana aychatawan kuskata altarpa hawanpi kañanki, chaykunaqa ñoqa Tayta Diospaq miski asnaq kasqanrayku. Chayqa ñoqapaq kañasqa ofrendam.

Proverbios 20:9

Manam pipas ninmanchu: “Sonqoyta chuyancharusqayraykum mana huchayuqña kani” nispaqa.

Eclesiastés 7:20

Kay pachapiqa manam hukllapas kanchu allinllata ruwaspa mana haykapipas huchallikuq runaqa.

Isaías 47:12

Hinallayá layqakuynikipi purikuy, warma kasqaykimantaraq layqa kaynikipiyá kawsakuy. Icha imallapipas servisunkimanraq, ichapas runakunata manchachiwaqraq.

Isaías 47:15

Chaynam kanqa layqaykikunaqa, warma kasqaykimantaraq layqapusuqnikikunaqa. Sapakamam paykunaqa pantay ñanninkuta pasakunqaku, manam pipas salvayta atisunkichu.

Isaías 48:8

Mana uyarikuq kasqaykiraykum chaykunataqa mana uyarirqankichu, nitaq yacharqankichu, Reqsikim pasaypaq iskay uya kasqaykita, nacesqaykimantapuni mana kasukuq kasqaykita.

Isaías 53:6

Ovejakuna hinam chinkarurqanchik, sapakamam munasqanchikman pasakurqanchik, ichaqa Tayta Diosmi huchanchikta payman qepiykachirqa.

Isaías 65:6

Tukuy kaykunaqa qayllaypim qellqasqa kachkan, manam qasillallachu kasaq, ruwasqankuman hinam paykunamanqa kutichipusaq.

Jeremías 17:9

Runapa sonqonqa, tukuy imamantapas aswan engañakuq hinaspa mana allinpa huntasqanmi. ¿Pitaq allinta reqsinman?

Jeremías 18:12

Chaywanpas paykunaqa kaynatam nisunki: Yanqañam chay niwasqaykikuqa, ñoqaykuqa munasqaykuman hinam kawsakusaqku, sonqoykupa munasqantam sapakama ruwakusaqku, nispanku.

Jeremías 8:6

Uyarisqayman hinaqa manam pipas cheqap rimaqqa kanchu, manam pipas huchanmantaqa wanakunchu, manam pipas huchanta reqsikuspa ninchu: ¿Imatataq kayta ruwaruni? nispaqa. Guerraman kallpaq caballo hinaraqmi llapallanku pantay ñanman kallpanku.

Ezequiel 20:41

Qamkunatam nacionkunapi llaqtakunapi cheqesqa kasqaykichikmanta hurqomusqaykichik, hinaspam llapa nacionkunapa qayllanpi miski asnaq ofrendata hina chaskispay chuya kasqayta reqsichisqaykichik.

Levítico 1:13

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañaspa ofrecewanqa, chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 1:17

Sacerdoteñataqmi raprankunamanta hapiykuspan iskayman chitqarunqa, ichaqa amam iskaymanqa rakinarunqachu, hinaspanmi altarpi kañanqa. Chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 1:9

Ofrecewananpaq apamuwaqniymi animalpa ukunninkunatawan piernankunata mayllanqa, hinaptinmi sacerdoteñataq lliwta altarpi kañanqaku. Chay ofrendaqa lliw kañanapaq animalmi, hinaspapas ñoqapaq miskillaña asnariq ofrendam.

Levítico 26:31

Llaqtaykichikkunatam purmachisaq, altarnikichikkunatam tuñichisaq, ofrendaykichikkunapa miski asnaynintapas manañam chaskisqaykichikñachu.

Levítico 4:31

Hinaspam ñoqawan allinlla kasqanmanta animalpa wirankunata hurqochkaq hina, chay cabrapa llapallan wirankunata sacerdote hurqorunqa, hinaspam altarpi kañanqa ñoqa Tayta Diospaq miskillaña asnariq ofrendata hina. Chaynatam sacerdote ruwanqa runapa huchan pampachasqa kananpaq, chaynapim paypa huchanqa pampachasqa kanqa.

Levítico 8:28

Tukuy chaykunatam paykunapa makinmanta Moisés chaskiykurqa, hinaspam altarpi kañarqa. Chayqa karqa sacerdote sapaqchasqa kananpaq ofrendam hinaspa Tayta Diospaq miskillaña asnariq ofrendam.

Números 15:3

torokunata otaq ovejatam lliw kañana sacrificiota ofrecemuwankichik. Chaykunaqa kanmanmi prometewasqaykichik ofrendakunapas, kikikichikmanta qosqaykichik ofrendakunapas, otaq fiestakunapi ofrecewanaykichik ofrendakunapas. Chaykunam kanqa ñoqa Tayta Diospaq miskillaña asnaq ofrendakuna.

Mateo 15:19

Runapa sonqonmantaqa lloqsimun mana allin yuyaymanaykunawan wañuchinakuykuna, waqllikuykuna, huchapakuykuna, suwakuykuna, llullakuykuna hinaspa kamikuykunam.

Juan 3:6

Aychamanta nacemuqqa aychallam, Espiritumanta nacemuqmi ichaqa espíritu.

Romanos 1:21

Paykunaqa Diosta reqsichkaspankupas manam Diosta hinachu hatuncharqaku, nitaqmi graciastapas qorqakuchu. Aswanraqmi yanqakunata yuyaymanaspanku mana allin sonqonkuta tutayarachinku.

Romanos 3:23

Llapallan-kum huchallikurunku, Diospa kancha-riq qayllanmantam qarqosqa kachkan-ku.

2~Corintios 2:15

Ñoqanchikqa Diospaqqa Cristopa miskillaña asnariynin hinam kanchik salvasqakuna ukupiqa,

Efesios 5:2

Cristopa kuyawasqanchikman hinayá kuyanakuspa kawsaychik. Paymi ofrecekurqa Diosman, miski asnaq ofrenda hina ñoqanchikrayku wañuspan.

Filipenses 4:18

Ñoqaqa puchu-puchutaraqmi chaskiruni. Epafroditowan apachimuwasqaykichikwanmi achkaña kapuwachkan, apachimuwasqaykichikqa karqa Diospaq miski asnaq ofrenda hinam hinaspa paypa agradonpaq kañasqa animal hinam.

1~Juan 5:19

Yachanchikmi Diospaña kasqanchikta chaynataq kay pachapi kaqkunaqa diablopa makinpiña kasqantapas.

1~Samuel 26:19

Reynilláy, kay serviqni-kipa mañakuyninta uyariykullaway. Sichum Tayta Dios ñoqapa contraypi hatarichisuspaykiqa ofrendayta chaskiykuwachun. Sichum runallamanta kaptinqa Tayta Diosyá ñakawachun. Diospa allpanmantam qarqoruwanku, chaynata ruwaspam idolokunata servinaypaqña tanqawachkanku.