Génesis 7:13 - CHUYA QELLQA La Biblia en Quechua de Ayacucho 2012

¹³ Chay punchawpim arcaman Noeyqa warmintin yaykurqa, yaykurqataqmi churinkunapas, Sem, Cam hinaspa Jafetpas, warmintinkama.

Quechua Ayacucho Bible 1987

¹³ Chay punchawpipunim Noey warmintin buqueman yaykurqa, yaykurqataqmi churin Sempas, Campas hinaspa Jafetpas warmintinkama.

Chuya Qellqa 1992

¹³ Chay punchawpim arcaman Noeyqa warmintin yaykurqa, yaykurqataqmi churinkunapas, Sem, Cam hinaspa Jafetpas, warmintinkama.

Génesis 7:13 Iomraidhean Croise

Génesis 10:21

Heberpa mirayninkunapa taytanmi karqa Sem. Payqa karqa Jafetpa mayor wawqenmi.

Génesis 10:6

Campa churinkunam karqa: Cus, Mizraim, Fut hinaspa Canaán.

Génesis 5:32

Noeyqa pichqa pachak watayuq kachkaspanmi Semta, Camta hinaspa Jafetta churyarqa.

Génesis 6:10

Noeypa churinkunam kimsa karqa: Sem, Cam hinaspa Jafet.

Génesis 6:18

Qanwanmi ichaqa huk pactota ruwasaq. Chay arcamanmi yaykunki, yaykunqataqmi warmikipas chaynataq churikikunapas warmintinkama.

Génesis 7:1

Chaymantam Noeyta Tayta Dios nirqa: Aylluykikunapiwan kuska arcaman yaykuy, llapallan runakunamantam qamta allin ruwaqta qawayki.

Génesis 7:14

Paykunawan kuskam yaykurqa castanman hina purun animalkunapas, uywa animalkunapas, qasqonpa puriq animalkunapas, raprayuq tukuy rikchaq animalkunapas.

Génesis 8:14

Iskay kaq killapa iskay chunka qanchisniyuq punchawninpim kay pachaqa pasaypaqtaña chakirurqa.

Hebreos 11:7

Iñiyllawanmi Noeypas, hamuq pun-chawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.

1~Pedro 3:20

Paykunam ñawpaq tiempokunapi mana kasukurqakuchu, arcata Noé ruwanankama pacienciawan Dios suyachkaptinpas. Arcapiqa pusaq runakunallam yakupi wañunankumanta salvakurqaku.

2~Pedro 2:5

Diosqa manataqmi ñawpaq runakunatapas pampacharqachu, sinchi paratam kachaykamurqa huchasapa runakunaman, hinaspam salvacionmanta willakuq Noeytawan qanchis runakunallata salvarqa.

Jueces 21:22

Sichum paykunapa taytan otaq turinpas reclamaq hamuwaptinkuqa kaynatam nisaqku: “Qoykullawaykuyá, ñoqaykum Jabes llaqtapi kaqkunawan peleamuspayku mana llapankupaqchu warmita pusamurqaniku. Manam kikikichikmantachu qochkankichik jurasqaykichikmanta huchayuq kanaykichikpaqqa”, nispanku.