Génesis 7:1 - CHUYA QELLQA La Biblia en Quechua de Ayacucho 2012

¹ Chaymantam Noeyta Tayta Dios nirqa: Aylluykikunapiwan kuska arcaman yaykuy, llapallan runakunamantam qamta allin ruwaqta qawayki.

Quechua Ayacucho Bible 1987

¹ Chaymantam Noeyta Tayta Dios nirqa: —Qamqa wasikipi lliw kaqkunapiwanyá yaykuy buqueman, runakunapa qayllanpim qamllata qawayki allin ruraqta.

Chuya Qellqa 1992

¹ Chaymantam Noeyta Tayta Dios nirqa: Aylluykikunapiwan kuska arcaman yaykuy, llapallan runakunamantam qamta allin ruwaqta qawayki.

Génesis 7:1 Iomraidhean Croise

Génesis 6:18

Qanwanmi ichaqa huk pactota ruwasaq. Chay arcamanmi yaykunki, yaykunqataqmi warmikipas chaynataq churikikunapas warmintinkama.

Génesis 6:9

Kaymi Noeypa vidanmanta willakuy. Noeyqa karqa runamasinkunamantapas allin ruwaq runam, payqa mana faltayuq kaspam Diospa munasqanman hina kawsarqa.

Génesis 7:13

Chay punchawpim arcaman Noeyqa warmintin yaykurqa, yaykurqataqmi churinkunapas, Sem, Cam hinaspa Jafetpas, warmintinkama.

Génesis 7:7

Chay sinchi para chayayta qallaykamuptinmi arcaman Noé yaykurqa, warmintin chaynataq churinkunapas warmintinkama.

2~Samuel 22:24

Qayllaykipiqa chuyatam kawsakurqani, mana allinkunamantam karunchakurqani.

Proverbios 10:9

Allin ruwaq runaqa hawkam kawsakun, mana allin ruwaq runam ichaqa mana allinpi tukunqa.

Proverbios 14:26

Tayta Diosta manchakuqqa hatun waqaychakuytam tarin, churinkunapas chaypim hapipakunku.

Proverbios 18:10

Tayta Diospa sutinqa mana tuñichiy atina torre hinam, allin runaqa chayman kallpaspam amparakun.

Ezequiel 14:14

Sichum chay nacionpa chawpinpi tarikunmanku Noeywan, Daniel chaynataq Job, hinaspaqa allin ruwaq kasqankuraykum kay kimsallanku salvakunmanku. Ñoqa Tayta Diosmi chaynata nini.

Sofonías 2:3

Kay pachapi llapallan llampu sonqo runakuna, kamachikuyninkunata ruwayman churaq runakuna, Tayta Diosta maskaychik. Allin kaqkunata ruwaychik, uchuychakuychik, hinaspaqa icharaqpas Tayta Diospa piñakuynin punchawmanta pakaykusqaraq kawaqchik.

Lucas 1:6

Paykunaqa warmi-qarim Diospa qayllanpi allin ruwaq runakuna karqaku. Diospa kamachikuyninkunatapas lliwtam kasukuqku.

Lucas 17:26

Imaynam Noeypa tiemponpi karqa, chaynam runapa Churin kutimuptinpas kanqa.

Hechos 2:39

Kay promesaqa qamkunapaqwan, miraynikichikkunapaq, llapallan karu llaqtapi kaqkunapaq hinaspa Señorninchik Diospa munasqanman hina lliw qayas-qakunapaqwanmi.

Hebreos 11:7

Iñiyllawanmi Noeypas, hamuq pun-chawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.

1~Pedro 3:20

Paykunam ñawpaq tiempokunapi mana kasukurqakuchu, arcata Noé ruwanankama pacienciawan Dios suyachkaptinpas. Arcapiqa pusaq runakunallam yakupi wañunankumanta salvakurqaku.