Génesis 6:8 - CHUYA QELLQA La Biblia en Quechua de Ayacucho 2012

⁸ Noeytam ichaqa Tayta Dios allinpaq qawarqa.

Quechua Ayacucho Bible 1987

⁸ Noeymi ichaqa Tayta Diospa favorecesqan karqa.

Chuya Qellqa 1992

⁸ Noeytam ichaqa Tayta Dios allinpaq qawarqa.

Génesis 6:8 Iomraidhean Croise

Génesis 19:19

Kay siervollaykitaqa anchatañam yanapaykuwanki, kuyakuynikiman hinataqmi vidallaytapas salvaykuwanki, orqoman ayqeytaqa manam atiymanchu, qonqaytachá imapas pasawaptin wañuruyman.

Proverbios 12:2

Allin runaqa Diospa kuyakuynintam chaskinqa, mana allin yuyaymanaqtam ichaqa castiganqa.

Proverbios 3:4

hinaspaqa Diospa chaynataq runakunapa kuyakuynintam tarinki.

Proverbios 8:35

Pipas tariwaqniykunaqa, kawsaytawan Diospa kuyakuynintam haypanqa.

Jeremías 31:2

Tayta Diosmi kaynata nin: “Guerrapi wañunankumanta lluptiqkunatam chunniqpi yanaparqani. Samanankupaq allpata maskaptinkum Israelta yanaparqani”, nispa.

Ezequiel 14:14

Sichum chay nacionpa chawpinpi tarikunmanku Noeywan, Daniel chaynataq Job, hinaspaqa allin ruwaq kasqankuraykum kay kimsallanku salvakunmanku. Ñoqa Tayta Diosmi chaynata nini.

Mateo 24:37

Imaynam Noeypa tiemponpi pasakurqa, chaynam runapa Churinpa kutimuyninpas kanqa.

Lucas 1:30

Angelñataqmi nirqa: María ama manchakuychu, Diospa kuyapayakuynintam haypaykunki.

Lucas 17:26

Imaynam Noeypa tiemponpi karqa, chaynam runapa Churin kutimuptinpas kanqa.

Hechos 7:46

Davidmi Diospa kuyapayakuyninta haypaykuspan mañakurqa Jacobpa Diosninpaq templota ru-wananpaq.

Romanos 11:6

Chaynaqa, Diospa kuyakuyllanman hina kaptinqa manañam ruwayninchikkunaman hinachu. Mana chayqa kuyakuyqa manañachá kuyakuychu kanman.

Romanos 4:4

Chaynaqa, llamkaqqa pagontam chaskin, ichaqa manam regalota hinachu aswanqa llamkasqanmantam.

1~Corintios 15:10

Ichaqa Diospa kuyapayakuyninman hinam kunanqa apostolña kani, paypa kuyapayawasqanqa manam yanqapaqchu karqa, ñoqaqa llamkachkani wakin apostolkunamantapas mastaraqmi, ichaqa manam kikillaymantachu aswanqa Diospa yanapakuyninwanmi.

Gálatas 1:15

Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa.

2~Timoteo 1:18

Señorninchikyá kutimusqan punchawpi payta kuyapayarichun. Yachasqaykipi hinapas payqa Éfeso llaqtapim anchallataña yanapaykuwarqa.

Tito 2:11

Diosmi kuyakuyninta qawachi-warqanchik llapallan runakuna salvasqa kanankupaq.

Tito 3:7

Kuyawaspanchikmi payqa mana huchayuqtaña chaskiykuwanchik, chaynapi confianzawan suyasqanchik wiñay kawsayta chaskinanchikpaq.

Hebreos 4:16

Chaynaqa, confianzawanyá kuyapayawaqninchik Diosman asuykusunchik chaynapi sasachakuyninchik tiempokunapi llakipayawaspanchik yanapaykuwananchikpaq.

1~Pedro 3:20

Paykunam ñawpaq tiempokunapi mana kasukurqakuchu, arcata Noé ruwanankama pacienciawan Dios suyachkaptinpas. Arcapiqa pusaq runakunallam yakupi wañunankumanta salvakurqaku.

2~Pedro 2:5

Diosqa manataqmi ñawpaq runakunatapas pampacharqachu, sinchi paratam kachaykamurqa huchasapa runakunaman, hinaspam salvacionmanta willakuq Noeytawan qanchis runakunallata salvarqa.