Génesis 6:7 - CHUYA QELLQA La Biblia en Quechua de Ayacucho 2012

⁷ Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

Quechua Ayacucho Bible 1987

⁷ Chaymi Tayta Dios nirqa: —Kay pachapi runakuna unanchasqaytam chinkarachisaq. Runamanta qallaykuspam uywa animalkunatapas, qasqonpa puriq animalkunatapas chaynataq alton pawaq animalkunatapas chinkarachisaq. Chaykuna rurasqaymantam pesakuni —nispa.

Chuya Qellqa 1992

⁷ Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

Génesis 6:7 Iomraidhean Croise

Génesis 6:6

Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

Génesis 7:21

Chaynapim wañururqaku kay pachapi llapallan kawsaqkuna: Qasqonpa puriq animalkuna, alton pawaq animalkuna, uywa animalkuna, purun animalkuna, tukuy rikchaq animalkuna chaynallataq llapa runakunapas.

Génesis 7:4

Qanchis punchawmantam kay pachaman parachimusaq tawa chunka punchaw tawa chunka tuta; llapallan kawsaqkuna unanchasqaytam kay pachamanta chinkachisaq, nispa.

Génesis 8:21

Chaymi Tayta Dios sacrificiopa miskillaña asnariyninta chaskiykuspan sonqonpi nirqa: Kunanmantaqa manañam runakunapa huchanmanta kay pachata ñakasaqñachu. Runaqa warma kasqanmantapas mana allinkunalla ruway munaqmi. Kayna puchukachisqayta hinaqa manañam huktawanqa lliw unanchasqaykunataqa puchukachisaqñachu.

Proverbios 10:27

Tayta Diosta kasukuq runaqa unay punchawkunam kawsakunqa, mana allin runapa kawsayninmi ichaqa menosyachisqa kanqa.

Proverbios 16:4

Tayta Diosqa munasqanman hinam imakunatapas ruwarqa, mana allin ruwaq runatapas mana allin punchawpaqmi ruwarqa.

Isaías 27:11

Sachapa kallmanpas chakiruspaqa pakirunmi, warmikunam chaykunata huñuruspa ninata ratachinku. Mana yachayniyuqmi kay llaqtaqa, chayraykum unanchaqninpas mana llakipayanqachu, nitaqmi paykunataqa kuyapayanqachu.

Oseas 4:3

Chayraykum kay nacionqa sinchi llakipi tarikun, kay nacionpi runakunam mana kallpayuq rikurirunku; purun animalkunapas, alton pawaq urpikunapas, lamar qochapi challwakunapas wañuchkankum.

Amós 7:3

Chaymi Israelta kuyapayarispan Tayta Dios nirqa: Pampachanim, manañam pasakunqachu, nispa.

Amós 7:6

Chaymi Israelta kuyapayarispan Tayta Dios nirqa: Pampachanim, manañam pasakunqachu, nispa.

Sofonías 1:18

Tayta Diospa piñakuynin punchawmantaqa manam qori-qollqenpas libranqachu, Tayta Diospa piñakuynin nina hinaraq rupaptinmi, ñawi qemchiykuyllata kay pachapi llapallan runakuna puchukachisqa kanqaku.

Sofonías 1:2

Tayta Diosmi kaynata nin: Kay pachapi tukuy imatam pasaypaqta chinkarachisaq.

Sofonías 1:3

Chinkachisaqmi runakunatapas, uywakunatapas, alton pawaqkunatapas, lamar qochapi challwakunatapas, mana allin runakunatapas. Llapa runatam kay pachamanta chinkachisaq.

Deuteronomio 28:63

Imaynam Tayta Diosqa tukuy imapi bendecisuspaykichik chaynataq mirachisuspaykichik kusikurqa, chaynatam ñakarichisuspaykichikpas chaynataq wañuchisuspaykichikpas kusikunqa, chaynapim qosusqaykichik allpamanta qarqosqa kankichik.

Deuteronomio 29:20

Tayta Diosqa chayna runataqa manam pampachanqachu, aswanqa contranpi sinchita piñakuruspanmi kay libropi qellqasqa kaq ñakaykunata payman kachaykamunqa, chay runapa mirayninkunatapas Tayta Diosqa manaña pipapas yuyarinankamam kay pachamanta chinkarachinqa.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.