Génesis 6:6 - CHUYA QELLQA La Biblia en Quechua de Ayacucho 2012

⁶ Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

Quechua Ayacucho Bible 1987

⁶ Hinaptinmi kay pachapi runata rurasqanmanta Tayta Dios pesakurqa chaynataqmi sonqonpipas llakikurqa.

Chuya Qellqa 1992

⁶ Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

Génesis 6:6 Iomraidhean Croise

Génesis 6:7

Chayraykum Tayta Dios nirqa: Kay pachapi unanchasqay runakunatam chinkarachisaq. Chaynataqmi uywa animalkunatawan purun animalkunatapas, qasqonpa puriq animalkunatawan alton pawaq animalkunatapas chinkachisaq. Pesakunim ruwasqaytapas, nispa.

2~Samuel 24:16

Jerusalenpi runakunata ángel chinkarachinanpaq kachkaptinmi, castigasqan runakunamanta llakipayarikuspan chay wañuchiq angelta Tayta Dios nirqa: ¡Chaykamallaña! ¡Amaña masta wañuchiychu! nispa. Tayta Diospa angelninñataqmi Jebús casta Araunapa eranpi kachkarqa.

1~Crónicas 21:15

Tayta Diosmi huk angelta kamachimurqa Jerusalén llaqtapi runakunata wañuchinanpaq. Ichaqa llapa runakunata wañuchichkaptinmi, Tayta Dios qawariykuspan sinchita llakikururqa, chaymi wañuchiq angelta nirqa: Amaña masta wañuchiyñachu, nispan. Tayta Diospa angelninmi Jebús llaqtayuq Ornanpa trigo trillasqan erapa patanpi kachkarqa.

Éxodo 32:14

Chaymi Tayta Diosqa mana allin ruwananpaq piensasqanta manaña ruwarqachu.

Isaías 48:18

Sichum kamachikuyniykunata uyariptikiqa, hawkayaynikipas mayu hinaraqmi kanman karqa, allin ruwaynikipas lamar qochapa olankuna hinaraqmi kanman karqa.

Isaías 63:10

Paykunam ichaqa mana kasukuspanku Chuya Espiritunta llakichirqaku; chayraykum enemigonku hina rikurispa paykunapa contranpiña pelearqa.

Jeremías 18:7

Munasqay horapim mayqan nacionpa, mayqan munaychakuypa contranpipas pelarunaypaq, tuñichinaypaq hinaspa chinkachinaypaqpas rimarisaq.

Jeremías 26:19

¿Yaqachu rey Ezequiaswan Judá nacionpi runakuna Miqueasta wañu-chirqaku? Manam, aswanqa kikin reypas Tayta Diosta manchakuspam paykunamanta llakipayarinanpaq mañakurqa, chaymi Tayta Diospas rimasqan castigokunata manaña kacharimurqachu. ¿Chaychu ñoqanchikñataq kay hatu-hatun huchata qepikuruchwan?

Ezequiel 33:11

Pay-kunaman ñoqa Tayta Diospa nisqayta kaynata niy: Ñoqa Tayta Diosmi sutiyrayku kaynata nikichik: Mana allin ruwaq runapa wañunantaqa manam munanichu, aswanqa mana allin ruwasqanmanta wanakuspa kawsakunantam munani. Chaynaqa, Israel miraykuna, ¡mana allin kawsasqaykichikmanta wanakuspa kutirikamuwaychik! ¿Imanasqataq huchaykichikpi wañunkichik? nispa.

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Joel 2:13

Qamkunaqa sonqoykichikta llikipaychik, ama pachaykichiktachu; Tayta Diosman kutirikamuychik, payqa kuyapayakuspa llakipayakuqmi; anaqta piñakuspa llumpay kuyapayakuqmi, castigananpaqña kachkaspapas pampachakuqmi.

Jonás 3:10

Imam ruwasqankuta qawarispanmi Tayta Dios rikururqa Nínive llaqtayuq runakuna mana allin kawsayninkumanta wanakurusqankuta, chayraykum piñakuyninta sapaqchaykuspan imam tanteasqantaqa manaña ruwarqañachu.

Malaquías 3:6

Ñoqa Tayta Diosqa hina kaqllam kani; chayraykum Jacobpa miraynin-kuna mana paqwaypaqchu chinkarunkichik.

Números 23:19

Diosqa manam runachu, manam payqa llullakunmanchu, tanteasqantapas manam yanqachanchu, imapas rimasqantaqa ruwanqapunim, imapas nisqantaqa cumplinqapunim.

Romanos 11:29

Diosqa kuyakuynin qowasqanchiktaqa manam kutichikunmanchu, nitaqmi qayakuynintapas qechuwachwanchu.

Efesios 4:30

Amayá Diospa Chuya Espirituntaqa llakichiychikchu. Paywanmi sellowan hina sellasurqankichik, chaynapi hamuq punchawpi librasunaykichikpaq.

Deuteronomio 32:29

Yachayniyuq kaspaqa musyakunmankuchá imapim tukurunankutapas.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Deuteronomio 5:29

Amalaya chayna sonqoyuqlla kanmanku, kasuwaspanku llapallan kamachikuyniykunata sapa punchaw ruwayman churanankupaq, chaynapi paykunapas chaynataq mirayninkupas allin kanankupaq.

Hebreos 3:10

Chayraykum chay runakunawan piñasqa kaspay, kaynata nirqani: “Tukuy tiempo pantaq sonqoyuqmi karqankichik” manam “ñanniykunatapas reqsiyta munarqankichikchu”, nispa.

Hebreos 3:17

¿Pikunapaqtaq Diosqa tawa chunka watapuni piñakururqa? Payqa piñakururqa contranpi huchallikuqkunapaqmi, paykunam chunniqpi wañururqaku.

Santiago 1:17

Tukuy imapas allin kaqkunawan cheqap atiyqa cielopi kaq chaskakuna unanchaq Diosllamantam hamun. Diosqa hina kaqllam, payqa manam tikrakunchu, nitaqmi llantuy hinachu pasaruqlla.

1~Samuel 15:11

Pesakunim Saulta reypaq churas-qaymanta. Payqa ñoqamanta karunchakuruspam kamachisqaykunata mana ruwarqachu, nispa. Chay nisqanwanmi Samuel llakikururqa, hinaspam Diosta tukuy tuta mañakurqa.

1~Samuel 15:29

Israelpa Tukuy Atiyniyuq Diosninqa manam llullakunchu, manataqmi imamantapas ñakakunmanchu, payqa manam runachu wanakunanpaqa, nispa.

1~Samuel 15:35

Samuelmi wañukunan punchawkama Saulta mana rikurqañachu hinaspanmi Saulmanta anchata waqarqa. Tayta Diosmi pesakurqa Saulta Israelpi rey kananpaq churasqanmanta.