Génesis 50:5 - CHUYA QELLQA La Biblia en Quechua de Ayacucho 2012

⁵ Taytaymi jurachiwarqa kaynata: “Wañukuptiyqa Canaán lawpi sepultura toqosqaypim pampawanki” nispa. Chaynaqa, ama hina kaspayá taytayta pamparamunaypaq kachaykuwachun, chayllam kutiramusaq, nispa.

Quechua Ayacucho Bible 1987

⁵ Taytaymi juramentachiwarqa kaynata: “Wañukuptiymi Canaan lawpi sepulturay toqosqaypi pampawankichik” nispa. Chaynaqa ama hina kaspaykiyá kachaykuway taytay pampaq rinaypaq, chaypunillam kutimusaq.

Chuya Qellqa 1992

⁵ Taytaymi jurachiwarqa kaynata: “Wañukuptiyqa Canaán lawpi sepultura toqosqaypim pampawanki” nispa. Chaynaqa, ama hina kaspayá taytayta pamparamunaypaq kachaykuwachun, chayllam kutiramusaq, nispa.

Génesis 50:5 Iomraidhean Croise

Génesis 3:19

Allpaman kutiykunaykikamam sudornikipa chaninta mikunki. Allpamanta ruwasqam kanki, allpallamantaqmi kutiykunkipas, nispa.

Génesis 48:21

Chaymantam Joseyta Israel nirqa: Ñoqaqa wañukusaqñam, ichaqa Diosmi qamkunawan kanqa, hinaspam ñawpaq taytaykichikkunapa allpanman kutichisunkichik.

Génesis 50:24

Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

Génesis 50:4

Chay llaki punchawkuna pasaruptinmi rey Faraonpa wasinpi kaqkunata José rimapayarqa: Ama hina kaspaykichikyá Faraonta rimapayaykapuwaychik.

Génesis 50:6

Hinaptinmi Faraón nirqa: Rispaykiyá juramento ruwasqaykiman hina taytaykita pamparamuy, nispa.

2~Crónicas 16:14

Chaymi “Davidpa Llaqtan” nisqankupi pamparurqaku kikinpa ruwachikusqan sepulturapi. Chakanapi chutaykuspankum miskillaña asnaq perfumekunata hinarqaku, chaykunam karqa allin perfume ruway yachaqkunapa ruwasqan. Paypaqmi hatun lenwachkaq ninata ratachirqaku.

Jobwan Sutichasqa Libro 30:23

Yachakunim wañuymanña apawasqaykita, yachakunim wañuqkunapa kasqanmanña apawasqaykita.

Eclesiastés 12:5

Chay punchawpiqa wichayman qespiytapas manchakunkim, ñanpipas manchakuykunam kanqa, almendras sachapas waytarunqam, aqaruway urupas llasakunqam, mikuy ganaspas chinkarunqam; runaqa wiñaypaq yachananmanmi richkan, wañuruptin waqaqkunapas callekunamantam muyupayamunqaku.

Eclesiastés 12:7

Ñutu allpapas manaraq allpaman kutiykuchkaptin, espiritupas Diosman manaraq kutiruchkaptin.

Eclesiastés 6:3

Sichum huk runa pachak churiyuq kaspa unay watakunata kawsanman, ichaqa unay watakuna kawsachkaspapas allin kaqwan mana kusikuspa wañuruspa mana pampasqa kaptinqa, chay runamantaqa sullusqa wawaraqmi aswan allinqa.

Isaías 22:16

¿Imatataq kaypi ruwachkanki? ¿Pitataq mañakurqanki sepulturaykita kaypi uchkukunaykipaq? ¿Pitaq nisurqanki kay qaqa uchkupi waqtapanaykipaq?

Mateo 27:60

qaqapi kikinpaq uchkuchisqan musoq sepulturapi churaykurqa, chaymantam punkunta hatun rumiwan tapaykuspan ripukurqa.

Deuteronomio 4:22

Kay allpapi wañukuspay Jordán mayuta mana chimpaptiypas, qamkunam ichaqa chay allin allpata hapimunaykichikpaq chimpankichik.

1~Samuel 14:43

Chaymi churin Jonatanta Saúl tapurqa: Willaykuway imam ruwasqaykita, nispa. Chaymi Jonatán nirqa: Apamusqay tawnapa puntanwanmi mielta malliykurqani, ¿chayraykullachu wañusaq? nispa.