Génesis 50:24 - CHUYA QELLQA La Biblia en Quechua de Ayacucho 2012

²⁴ Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

Quechua Ayacucho Bible 1987

²⁴ Huk punchawmi wawqenkunata Josey nirqa: —Wañukusaqñam ñoqaqa ichaqa Diosmi cheqaptapuni watukamusunkichik hinaspam kay nacionmanta pusasunkichik Abrahanman, Isaacman hinaspa Jacobman prometekusqan allpaman —nispa.

Chuya Qellqa 1992

²⁴ Huk punchawmi wawqenkunata José nirqa: Wañukusaqñam ñoqaqa, ichaqa Diosmi cheqaptapuni watukamusunkichik, hinaspam kay nacionmanta kutichisunkichik Abrahamman, Isaacman hinaspa Jacobman prometesqan allpaman, nispa.

Génesis 50:24 Iomraidhean Croise

Génesis 12:7

Chaypim Abramman Tayta Dios rikuriykuspan nirqa: Miraynikikunamanmi kay allpata qosaq, nispa. Hinaptinmi rikuriykuqnin Tayta Diosta yupaychananpaq huk altarta chaypi ruwarqa.

Génesis 13:15

Kay qawasqayki allpatam qanmanwan miraynikikunaman wiña-wiñaypaq qosqaykichik.

Génesis 13:17

Hatarispayki kay allpata patan-patan muyumuy, kay allpatam qosqayki, nispa.

Génesis 15:18

Diosmi Abramwan chay punchaw huk pactota ruwaspan nirqa: Miraynikikunamanmi kay allpata qosaq, Egipto mayumanta Eufrates hatun mayukama.

Génesis 15:7

Chaymantam Tayta Dios nirqa: Ñoqam Tayta Diosqa kani. Ñoqam Caldea law Ur llaqtamanta hurqomurqayki kay allpata qanman herenciata qonaypaq, nispa.

Génesis 15:8

Abramñataqmi nirqa: Dios Taytalláy, ¿imaynatataq yachasaq kay allpa herenciay kasqanta? nispa.

Génesis 17:8

Kay yachasqayki Canaán llapallan allpatam qanman, chaynallataq miraynikikunamanpas wiñaypaq qosqayki, hinaspam Diosnikichik kasaq, nispa.

Génesis 21:1

Saraman prometekusqantam Tayta Dios cumplirqa, hinaspam nisqanman hina Sarawan ruwarqa.

Génesis 26:3

Chaynaqa, kay allpapi mana llaqtayuq hina yachay, ñoqam qanwan kasaq hinaspam bendecisqayki. Qanmanwan miraynikikunamanmi kay allpakunata qosqaykichik, chaynapim taytayki Abrahamman juramento ruwasqayta cumplisaq.

Génesis 28:13

Tayta Diostapas ladonpi sayachkaqtam rikururqa. Diosmi nirqa: Ñoqaqa abueloyki Abrahampa hinaspa taytayki Isaacpa yupaychasqan Diosmi kani. Kay puñusqayki allpatam qanmanwan miraynikikunaman qosqaykichik.

Génesis 3:19

Allpaman kutiykunaykikamam sudornikipa chaninta mikunki. Allpamanta ruwasqam kanki, allpallamantaqmi kutiykunkipas, nispa.

Génesis 35:12

Abrahamman chaynataq Isaacman qosqay allpatam qanmanpas hinaspa miraynikikunamanpas qosaq, nispa.

Génesis 46:4

Ñoqam qanwan kuska Egipto nacionman risaq. Ñoqataqmi kutichimusqaykipas, Joseypa qayllanpim wañukunkipas, nispa.

Génesis 47:29

Israelpa wañukunan punchawmi chayaramurqa, chaymi churin Joseyta qayachimuspan nirqa: Ama hina kaspayki makikita piernay kuchuman churaykuy hinaspa prometiway kay Egipto nacionpiqa ama pampawanaykipaq.

Génesis 48:21

Chaymantam Joseyta Israel nirqa: Ñoqaqa wañukusaqñam, ichaqa Diosmi qamkunawan kanqa, hinaspam ñawpaq taytaykichikkunapa allpanman kutichisunkichik.

Génesis 50:5

Taytaymi jurachiwarqa kaynata: “Wañukuptiyqa Canaán lawpi sepultura toqosqaypim pampawanki” nispa. Chaynaqa, ama hina kaspayá taytayta pamparamunaypaq kachaykuwachun, chayllam kutiramusaq, nispa.

Jobwan Sutichasqa Libro 30:23

Yachakunim wañuymanña apawasqaykita, yachakunim wañuqkunapa kasqanmanña apawasqaykita.

Éxodo 12:41

Tawa pachak kimsa chunka wata pasaruptinmi, Tayta Diospa llapallan tropankuna Egipto nacionmanta lloqsirqaku.

Éxodo 12:51

Chay punchaw-pipunim Israelpa mirayninkunata Egipto nacionmanta tropa-tropata Tayta Dios hurqorqa.

Éxodo 13:19

Moisesqa Joseypa tullun-kunatapas aparqam. Joseymi kawsachkaspallaraq Israelpa mirayninkunata jurachispan nirqa: Diosmi cheqaptapuni watukamusunkichik, hinaptinmi tulluykunata kaymanta apankichik, nispa.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Éxodo 33:1

Moisestam Tayta Dios nirqa: “Egiptomanta hurqomusqayki runakunawan prometesqay allpaman riychik, chay allpataqa juraspam prometerqani Abrahampa, Isaacpa hinaspa Jacobpa mirayninkunaman qonaypaq.

Éxodo 4:31

Chaymi paykunapa nisqanta runakuna creerqaku. Israelpa mirayninkunam paykunaman Tayta Diospa watukusqanta yachaykuspanku, ñakarisqankutapas qawaykusqanta uyariykuspanku kumuykuspa Diosta hatuncharqaku.

Eclesiastés 12:5

Chay punchawpiqa wichayman qespiytapas manchakunkim, ñanpipas manchakuykunam kanqa, almendras sachapas waytarunqam, aqaruway urupas llasakunqam, mikuy ganaspas chinkarunqam; runaqa wiñaypaq yachananmanmi richkan, wañuruptin waqaqkunapas callekunamantam muyupayamunqaku.

Eclesiastés 12:7

Ñutu allpapas manaraq allpaman kutiykuchkaptin, espiritupas Diosman manaraq kutiruchkaptin.

Números 32:11

“Abrahamman, Isaacman hinaspa Jacobman juraspa prometesqay allpamanqa, Egipto nacionmanta lloqsimuq runakunaqa iskay chunka watayuqmanta hanaymanmi mana yaykunqakuchu, paykunaqa manam tukuy sonqonkuwanchu qatiwarqaku.

Romanos 5:12

Huk runantakamam kay pachaman hucha yaykuramurqa, huchantakamañataqmi wañuypas yaykuramurqa, chay wañuymi lliw runakunaman chayarun llapallanku huchayuq kasqankurayku.

Deuteronomio 1:8

Ñoqam qoykichik chay allpata, chaynapi yaykuptikichik qamkunapaña kananpaq. Ñoqa Tayta Diosmi chay allpata ñawpaq taytaykichik Abrahamman, Isaacman, Jacobman chaynataq mirayninkunaman qonaypaq juraspay prometekurqani”, nispa.

Deuteronomio 6:10

Ñawpaq taytanchik Abrahamman, Isaacman hinaspa Jacobman prometesqan allpamanmi Señornikichik Tayta Dios pusasunkichik. Chay allpaqa hatun llaqtayuqkunam kachkan; chay llaqtakunataqa manam qamkunachu hatarichirqankichik.

Hebreos 11:22

Iñiyllawanmi Joseypas, wañukunanpaqña kachkaspan Israelpa miraynin runakuna Egipto nacionmanta lloqsinankumanta rimarirqa, kamachikurqataqmi tullunkunawan imam ruwanankutapas.

Hebreos 9:27

Diospa citasqanman hinaqa huk kutillatam runakunaqa wañunqa, chaypa qepantañataqmi juicio hamunqa,

Josué 24:32

Israelpa mirayninkunam Egipto nacionmanta Joseypa tullunkuna apamusqankuta Siquem llaqtapi Joseyman tupaqnin chakrapi pamparqaku. Chay allpatam Jacob rantirqa Hamorpa churinkunamanta tawa kilo parten qollqewan. Hamorqa karqa Siquem sutiyuq runapa taytanmi. Chay chakram karqa Joseypa mirayninkunapaq herencia.