Génesis 50:10 - CHUYA QELLQA La Biblia en Quechua de Ayacucho 2012

¹⁰ Jordán mayupa chimpan Atad eraman chayaruspankum llumpa-llumpayta waqarqaku. Chaypim José qanchis punchawpuni taytanmanta duelopi karqa.

Quechua Ayacucho Bible 1987

¹⁰ Jordan Mayupa chimpan Atad eraman chayaruspankum waqarqaku llumpa-llumpayta. Joseymi qanchis punchawpuni waqasqallanpi karqa taytanmanta.

Chuya Qellqa 1992

¹⁰ Jordán mayupa chimpan Atad eraman chayaruspankum llumpa-llumpayta waqarqaku. Chaypim José qanchis punchawpuni taytanmanta duelopi karqa.

Génesis 50:10 Iomraidhean Croise

Génesis 27:41

Jacobta taytan bendeciykusqanraykum Esaú llumpayta cheqnikuruspan kaynata tantearqa: “Taytay wañuruptinmi wawqey Jacobta wañurachisaq”, nispa.

Génesis 50:11

Chay llaqtapi yachaq cananeokunañataqmi Atad erapi waqasqankuta qawaspanku nirqaku: “Egipto runakunapa hatun llakinmi kayqa” nispanku. Chayraykum “Abel-mizraim” nispa chay erata suticharqaku, chay eraqa Jordán mayupa chimpanpim kachkan.

Génesis 50:3

Tawa chunka punchawpim chakichirqaku, chayna punchawpi chakichina kasqanrayku. Egipto runakunañataqmi qanchis chunka punchaw Jacobmanta waqarqaku.

Génesis 50:4

Chay llaki punchawkuna pasaruptinmi rey Faraonpa wasinpi kaqkunata José rimapayarqa: Ama hina kaspaykichikyá Faraonta rimapayaykapuwaychik.

Génesis 50:9

Joseywanmi rirqaku achkallaña runakuna, carretakunapas hinaspa caballokunapi silladakunapas.

2~Samuel 1:17

Saulpa chaynataq churin Jonatanpa wañukusqanmantam kay aya takita David takirqa.

2~Samuel 11:26

Betsabeymi qosan Uriaspa wañurusqanta yacharuspan llumpayta waqallarqa.

1~Crónicas 10:12

llapallan allinnin qari-qari runakuna pasaspanku Saulpa chaynataq churinkunapa ayanta hurqoramuspanku Jabes llaqtaman apamurqaku, hinaspam tullunkunata Jabes llaqtapi kaq encina sachapa sikinpi pamparuspanku qanchis punchaw ayunarqaku.

Jobwan Sutichasqa Libro 2:13

Hinaspam Jobwan kuska pampapi tiyaykurqaku. Jobpa nanaynin llumpa-llumpay kasqanraykum paykunaqa mana imallatapas rimapayaspanku qanchis punchaw qanchis tuta chaynalla karqaku.

Eclesiastés 12:5

Chay punchawpiqa wichayman qespiytapas manchakunkim, ñanpipas manchakuykunam kanqa, almendras sachapas waytarunqam, aqaruway urupas llasakunqam, mikuy ganaspas chinkarunqam; runaqa wiñaypaq yachananmanmi richkan, wañuruptin waqaqkunapas callekunamantam muyupayamunqaku.

Números 19:11

Wañusqa runapa ayanta llapchaq runaqa qanchis punchawmi millakuypaq kanqa.

Números 20:29

Aaronpa wañukusqanta yacharuspankum Israelpa mirayninkuna kimsa chunka punchaw llumpayta waqarqaku.

Hechos 8:2

Hinaptinmi allin sonqoyuq runakuna Estebanta pamparurqaku, hinaspam paymanta llumpayta waqarqaku.

Deuteronomio 1:1

Kaykunatam Israelpa mirayninkunaman Moisés rimarirqa Jordán mayupa waklawnin intipa qespimunan law chunniqpi, Puka lamar qochapa hanaynin Arabá lawpi chaynataq Parán, Tofel, Labán, Hazerot hinaspa Dizahab llaqtakunapa chawpinpi kachkaptinku.

Deuteronomio 34:8

Hinaptinmi Israelpa mirayninkuna kimsa chunka punchaw Moab law pampapi waqarqaku. Chaynapim cumplikurqa Moisesmanta lutokuspa waqasqanku punchawkuna.

1~Samuel 31:13

Tullunku-natañataqmi Jabes llaqtapi huk sachapa sikinpi pamparurqaku, hinaspam qanchis punchaw ayunarqaku.