Génesis 49:8 - CHUYA QELLQA La Biblia en Quechua de Ayacucho 2012

⁸ Judá, wawqekikunam qamta alabasunki, enemigoykikunatam kunkanmanta hapinki, wawqekikunam ñawpaqnikipi kumuykunqaku.

Quechua Ayacucho Bible 1987

⁸ Juda, qamtam wawqekikuna alabasunki. Enemigoykikunatam kunkanmanta hapinki. Wawqekikunam ñawpaqnikipi kumuykusunki.

Chuya Qellqa 1992

⁸ Judá, wawqekikunam qamta alabasunki, enemigoykikunatam kunkanmanta hapinki, wawqekikunam ñawpaqnikipi kumuykunqaku.

Génesis 49:8 Iomraidhean Croise

Génesis 27:29

Nacionkunam qamta servisunki, llapa runakunam qayllaykipi kumuykunqaku. Aylluykikunapim munaychakunki, aylluykikunapa mirayninkunam ñawpaqnikipi kumuykunqaku. Ñakasuqnikikuna ñakasqa kachun, bendecisuqnikikuna bendecisqa kachun, nispa.

Génesis 29:35

Huktawan wiksayakuruspanmi qari wawata wachakururqa, hinaspam nirqa: Kunanqa Tayta Diostam alabasaq, nispa. Chayraykum Judawan suticharqa. Chaymantam manaña wachakurqañachu.

Génesis 42:6

Egipto nacionpim José munaychakuq karqa, paymi llapa runakunaman kawsayta rantikuq. Joseypa wawqenkunam chayaruspanku paypa ñawpaqninpi pampakama kumuykurqaku.

Génesis 46:12

Judapa churinkunam karqa: Er, Onán, Sela, Fares hinaspa Zara. Erwan Onanqa Canaán lawpim wañukurqaku. Farespañataqmi karqa Hezrón hinaspa Hamul.

2~Samuel 22:41

Enemigoykunatam qayllaymanta ayqechirqanki, chaynapim cheqniwaqniykunata tukururqani.

2~Samuel 24:9

Chaymantam reyman Joab willarqa hayka runakunam kasqanta. Yuparamuptinkum guerrapi peleanankupaq hina qarikuna Israelpi kasqa pusaq pachak waranqa, Judapiñataq pichqa pachak waranqa.

2~Samuel 5:3

Chaynata nispankum Israelpi llapa ancianokuna Hebrón llaqtapi rey Davidwan parlaspanku, Tayta Dios-pa qayllanpi contratota ruwarqaku, hinaspankum Davidta Israelpa reynin kananpaq aceitewan tallispa sapaqcharqaku.

1~Crónicas 28:4

Chaywanpas Tayta Diosmi, Israelpa Diosninmi taytaypa ayllun ukumanta akllaykuwarqa Israelpi wiñaypaq rey kanaypaq. Paymi Judá aylluta kamachikunanpaq akllarqa, Judá ayllumantañataqmi ñoqapa aylluyta akllaykurqa, aylluymantañataqmi ñoqata akllaykuwarqa Israel nacionpi rey kanaypaq.

1~Crónicas 5:2

Judañataqmi llapallan wawqenkunamanta aswan atiyniyuq rikuriruspan paykunapa kamachiqnin karqa. Chaywanpas Joseymanmi piwi churi kay derechoqa qosqa karqa.

2~Crónicas 14:8

Rey Asapam karqa Judá ayllumanta kimsa pachak waranqa soldadonkuna, escudoyuqkama hinaspa lanzayuqkama; Benjamín ayllumantañataqmi iskay pachak pusaq chunka waranqa soldadonkuna, paykunapas escudoyuqkama hinaspa flechayuqkama, llapallankum allinnin qari-qari soldadokuna karqaku.

2~Crónicas 15:9

Chaymantam huñururqa Judapi hinaspa Benjaminpi yachaqkunata, huñururqataqmi Efraín castamanta, Manasés castamanta hinaspa Simeón castamanta paykuna ukupi yachaqkunatapas. Achkaqmi Israel nacionmanta rey Asaman pasakurqaku, pasakurqakuqa paywan Tayta Dios kasqanta qawaykuspankum.

2~Crónicas 17:2

Judá nacionpi kaq murallasqa llaqtakunapim tropakunata churarurqa, churarqataqmi lliw Judá allpapiwan taytan Asapa hapikuykusqan Efraín law llaqtakunapipas.

2~Crónicas 30:11

Chaywanpas Aser ayllumanta, Manasés ayllumanta hinaspa Zabulón ayllumantam wakin runakuna uchuychakuykuspanku Jerusalén llaqtaman hamurqaku.

Isaías 9:7

Rey Davidpa trononmantam kamachikunqa, munaychakuyninpa atiyninmi tukuy hinastinman chayanqa, munaychakuyninpiqa hawkayaypas manam tukunqachu, munaychakuyninqa wiña-wiñaypaqmi takyanqa. Mana pimanpas sayapakuspam kamachikunqa, allin arreglokunawanmi munaychakunqa, kunanmanta wiña-wiñaykama. Tukuy Atiyniyuq Tayta Diospa kuyakuyninmi chaytaqa ruwanqa.

Ezequiel 21:29

Paykunaqa revelacionta qawaspapas yanqakunallatam willakunku, profetizaspankupas llullatam rimanku. Chay millakuypaq mana allin runakunataqa espadam wañuchinqa, castigasqa kananku punchawmi hichpamuchkanña.

Números 10:14

Puntatam Judá ayllupa banderan hinaspa tropankuna lloqsirqaku. Chay tropakunapa kamachiqninmi karqa Aminadabpa churin Naasón.

Números 26:20

Judá ayllumantam karqaku: Selapa, Farespa hinaspa Zerapa mirayninkuna.

Números 26:22

Judá aylluta yuparuptinkum qanchis chunka soqtayuq waranqa pichqa pachaknin qarikuna karqaku.

Deuteronomio 33:7

Judá ayllumantam nirqa: Dios Taytalláy, Judá ayllupa mañakuyninta uyariykuy, llaqtanman paykunata kutichiy, atiynikiwan waqaychaykuy, enemigonkunapa contranpi yanapaykuy.

Hebreos 10:13

Chaypim suyachkan enemigonkunata kikin Dios saruchinankama.

Hebreos 7:14

Yachasqanchikpi hinapas Señorninchikqa Judá ayllumantam karqa. Moisesqa manam imatapas rimarqachu Judá ayllumanta sacerdotekuna kananpaqqa.

Josué 10:24

Chay reykunata Josueypa qayllanman pusaramuptinkum, Israelpa mirayninkunata qayaykuspan soldadokunapa kamachiqninkunata nirqa: Asuykamuspaykichik kay reykunata matankapi saruychik, nispa. Hinaptinmi asuykuspanku chay reykunata matankapi sarurqaku.

Josué 15:20

Kaykunam Judá ayllupa allpankuna, haykam kasqankuman hina.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.

Apocalipsis 5:5

Chaymi huknin anciano niwarqa: Ama waqaychu, leonwan sutichasqa Judá ayllumanta kaq rey Davidpa mirayninmi vencerunña, rollopa qanchis sellonta paskaspa kichananpaq, nispa.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.