Génesis 49:26 - CHUYA QELLQA La Biblia en Quechua de Ayacucho 2012

²⁶ Taytaykunapa bendeciwasqanmantapas mastaraqmi bendecichkayki, wiñaypaq kaq orqokunamantapas mastaraqmi bendecichkayki, Joseypa umanpiyá kay bendicionkuna wiñaypaq kachun, qamqa wawqekikunamanta akllasqam karqanki.

Quechua Ayacucho Bible 1987

²⁶ Ñoqa taytaykim bendicionta rimaripuchkayki. Wiñaypaq kaq orqokunamantapas mastaraqmi bendecichkayki. Wiñaypaq kaq moqokunamantapas mastaraqmi bendecichkayki. Qam Joseypa umayki hawanpim kanqa kay bendicionkunaqa. Wawqekikunamanta sapaqchasqam karqanki qamqa.

Chuya Qellqa 1992

²⁶ Taytaykunapa bendeciwasqanmantapas mastaraqmi bendecichkayki, wiñaypaq kaq orqokunamantapas mastaraqmi bendecichkayki, Joseypa umanpiyá kay bendicionkuna wiñaypaq kachun, qamqa wawqekikunamanta akllasqam karqanki.

Génesis 49:26 Iomraidhean Croise

Génesis 37:28

Madián law negociante runakuna pasachkaptinkum, wawqenkuna Joseyta pozomanta hurqoruspanku Ismael casta runakunaman iskay chunka qollqepaq rantikururqaku. Chaymi Joseyta Egipto nacionman aparqaku.

Génesis 37:8

Chaymi wawqenkuna nirqaku: ¿Qamqa reyniyku kaspachu ñoqaykupi munaychakunki? nispanku. Hinaspam mosqoyninrayku aswanraq cheqnikurqaku.

Génesis 49:27

Benjaminqa qechukuq atoqmi, achikyaramuptin hapimusqanta mikuqmi, tardeykuruptin qechumusqanta rakinaqmi.

Isaías 54:10

Orqokuna suchuruptinpas, moqokuna maymi kasqanmanta asuriptinpas, kuyakuyniymi ichaqa qanmanta mana rakikunqachu, hawka kanapaq pacto ruwasqaypas manam tukunqachu. Llakipayasuqniki Tayta Diosmi chaynata nin.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Jonás 2:6

Orqokunapa sapinkamam uraykurqani, allpapas wiñaypaqmi presochaykuwarqa, chaywanpas Dios Taytalláy wañuypa makinmantam salvaykuwanki.

Habacuc 3:6

Pay sayaykuptinqa kay pachapas kuyurinmi, qawariptinqa nacionkunapas katkatatanmi. Ñawpa tiempomantaraq kaq orqokunapas wichimunmi, ñawpa tiempomantaraq kaq moqokunapas chullurinmi. Diospa ñanninkunam ichaqa wiña-wiñaypaq takyan.

Hechos 7:9

Jacobpa churinkunam wawqenku Joseymanta envidiakuspanku rantikururqaku, chaymi Egipto nacionman aparurqaku. Ichaqa Diosmi Joseywan karqa,

Efesios 1:3

Señorninchik Jesucristopa Dios Taytanyá qapaqchasqa kachun, paymi Cristowan huklla kasqanchikrayku hanaq pachamanta kaq espiritual bendicionkunata qoykuwanchik, hanaq pachapiñapas kachkachwanchik hina.