Génesis 49:10 - CHUYA QELLQA La Biblia en Quechua de Ayacucho 2012

¹⁰ Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Quechua Ayacucho Bible 1987

¹⁰ Judapa mirayninkunamantam reykuna kanqa. Dueño hamunankamam manataq pipas qechunqachu rey kaynintaqa. Payllatañam kasukunqaku runakunaqa.

Chuya Qellqa 1992

¹⁰ Manam pipas Judapa atiynin qechuyta atinqachu, dueño hamunankamam makinpi varatapas mana qechunqakuchu, payllatañam lliw runakunapas kasunqaku.

Génesis 49:10 Iomraidhean Croise

2~Samuel 7:13

Paymi wasiytaqa ruwapuwanqa, ñoqañataqmi munaychakuyninta wiñaypaq takyachisaq.

2~Samuel 7:16

Miraynikipas chaynataq munaychakuynikipas wiñaypaqmi takyanqa. Kamachikuynikipas wiñay-paqmi takyanqa”, nispa.

1~Crónicas 12:24

Judá ayllumanta soqta waranqa pusaq pachaknin runakuna, paykunaqa guerrapaq hinam escudoyuqkama lanzayuqkama karqaku.

1~Crónicas 12:39

Hinaspam Davidwan kimsa punchaw mikuspa tomaspa karqaku, chaynataqa ruwarqaku casta masinkuna tukuy imata apamuspa qosqankuraykum.

Isaías 11:10

Sachapa sapin ikllimuq hinam chay tiempopi Isaipa mirayninmanta rikurimunqa, nacionkunapaqmi bandera hina kanqa, llapallan nacionkunapi runakunam payta maskanqaku, samasqan sitiopas kancharinqam.

Isaías 2:2

Tukupay tiempokunapim Tayta Diospa templonpa kasqan orqo, wakin orqokunamantapas aswan hatunraq kanqa. Chaymanmi llapallan nacionkuna hamunqaku.

Isaías 33:22

Tayta Diosmi juezninchikpas, decretokuna qowaqninchikpas, Tayta Diosmi reyninchikpas, payllataqmi salvaqninchikpas.

Isaías 42:1

Kayqaya akllakusqay serviqniyqa, ñoqam payta kallpanchasaq, payraykum kusisqa kachkani. Espirituytam payman huntani, mana pimanpas sayapakuspam nacionkunata kamachinqa.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Isaías 62:11

Tayta Diosmi kay pachapa patankama kayta uyarichin: “Sión llaqtaman willaychik Salvaqnin chayamusqanta, Diosmi runankunata pusamuchkan, llamkasqanpa pagontam apamuchkan”, nispa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Jeremías 30:21

Ñoqa Tayta Diosmi kaynata nini: Paykunamantam kamachiqninku lloqsinqa, paykuna ukumantam reyninku lloqsinqa, payqa ñoqaman asuykachiptiymi qayllaypi kanqa. ¿Pitaq kikillanmanta ñoqaman asuykamuwanman?

Jeremías 33:26

Chaynaqa, Jacobpa mirayninku-natawan serviqniy Davidpa mirayninkunataqa manam haykapipas qepanchakusaqchu. Paykunamantam hatarichisaq Abrahampa, Isaacpa hinaspa Jacobpa mirayninkunapi munaychakuqta. Huklaw nacionkunaman preso apasqakunatapas, llakipayarispaymi kutichimusaq, nispa.

Ezequiel 19:11

Kallmankunapas mana pakiy atinam karqa, kallmankunamantapas reykunam varankutaraq ruwakurqaku, llumpayta wiñarusqanraykum puyukamaraq chayarurqa. Payqa llumpay hatun chaynataq kallmasapallaña kasqanraykum sutilla qawakurqa.

Ezequiel 19:14

Kikinpa kallmanmanta nina lloqsispam ikllipankunatawan rurunkunatapas ruparun, kallmankunapas manañam kanñachu reypa varan ruwanankupaqpas. Kayqa aya takim, llakipi kaspa takinankupaqmi kanqa.

Ezequiel 21:27

Ñoqaqa imatañapas pasaypaqtam purmachisaq. Chaykunaqa pasakunqa kamachisqayman hina Babilonia nacionpa reynin chayamuptinmi, nispa.

Ezequiel 21:32

Kañasqa kaspam chinkachisqa kanki, yawarnikipas allpapi chaqchusqam kanqa, qanmantaqa manam pipas watukunqachu. Ñoqa Tayta Diosmi chaynata nini.

Daniel 9:25

Kaytam yachanayki hinaspa allinta entiendenayki: Jerusalén llaqta huktawan hatarichisqa kananpaq kamachikuy lloqsimusqanmantam kamachikuq Mesías hamunankama qanchis semana pasanqa. Chaymantam soqta chunka iskayniyuq semanakuna pasanqa; chay tiempopim Jerusalén llaqtapa plazankunapas perqankunapas musoqmanta hatarichisqa kanqa. Chaykunaqa ruwasqa kanqa hatun sasachakuy tiempopim.

Oseas 11:12

Efrainmi llullawan inturuwan, Israelmi engañowan muyuruwan. Judapas Chuya Diosmanta rakikuruspanmi idolokunamanña qokurun.

Miqueas 5:1

Jerusalén llaqta, harkachikunaykipaq muyuriqnikipi perqakunata hatarichiy, enemigoykikunam muyurirusunki Israel nacionpa kamachiqninta ñakarichinankupaq.

Hageo 2:7

Llapa nacionkunatam katkatatachisaq; llapa nacionkunam hamunqaku qoriqollqenkuta aparikuspa, kay temploymi ancha kuyayllapaq kanqa. Tukuy imapi munaychakuq Tayta Diosmi chaynata nin.

Zacarías 10:11

Lamar qochapa olanta sayarachiptiymi, lamar qochapa chawpinta pasamunqaku. Nilo mayutam chakichisaq, Asiriapa hatun tukuynintam puchukachisaq, Egiptopa atiynintam tukurusaq.

Zacarías 2:11

Chay punchawpim achka nacionkuna Tayta Diosman hukllawakunqaku, paykunapas llaqtanñam kanqaku, Diosmi chawpikichikpi yachanqa. Chaynapim yachankichik Tukuy Atiyniyuq Tayta Dios kachamuwasqanta.

Números 21:18

Kamachikuqkunam varankuwan toqorqaku, kamachiqkunam tawnankuwan kicharqaku, nispa. Chay chunniqmantam Israelpa mirayninkuna Matana lawkama rirqaku.

Números 24:17

Rikuchkanim, ichaqa manam kunan kaqtachu, qawachkanim ichaqa manam hichpallapi kaqtachu: Jacobpa mirayninmantam huk chaska lloqsimunqa, Israel ayllumantam munaychakuq Rey hatarimunqa, Moab runakunapa umantam taqñunqa, Setpa mirayninkunatam chinkachinqa.

Números 24:19

Jacobpa mirayninmantam munaychakuq lloqsinqa, payqa llaqtapi puchuqkunatam chinkachinqa, nispa.

Mateo 1:21

Qari wawatam wachakunqa, paytam Jesuswan sutichanki, paymi llaqtanta huchankunamanta salvanqa, nispa.

Mateo 17:5

Pedro rimachkaptinmi kancharichkaq puyuñataq paykunata pampaykurqa, hinaptinmi puyumanta kaynata nimurqa: Paymi kuyasqay Churiy, payraykum kusisqa kachkani. Payta uyariychik, nispa.

Mateo 21:9

Ñawpaqninta qepanta riq runakunañataqmi qaparir-qaku: ¡Davidpa churinqa yupaychayqayá kachun! ¡Señorpa sutinpi hamuqqa yupaychasqayá kachun! ¡Hanaq pacha-pipas Diosqa yupaychasqayá kachun! nispanku.

Mateo 25:32

hinaptinmi llapachallan nacionkuna qayllanman huñunakamuptinku payñataq hukninkumanta hukninkukama rakinanqa, imaynam huk michiq cabrakunamanta ovejakunata rakisqanta hina.

Juan 12:32

Ñoqañataqmi chakatawaptinku llapallanta kikiyman pusamusaq.

Juan 18:31

Hinaptinmi Pilatoñataq nirqa: Pusaspaykichikyá juzgamuychik leynikichikman hina, nispa. Judiokunañataqmi nirqaku: Ñoqaykuqa pitapas wañuchinaykumantaqa prohibisqam kaniku, nispanku.

Juan 19:12

Chayta uyariruspanmi Pilatoqa as-wanraq munarqa kachaykuyta, chaymi judiokunañataq astawanraq qaparirqaku: Payta kachaykuspaqa manam rey Cesarpa amistadninchu kanki. Pipas reypaq hapikuqqa rey Cesarpa enemigonmi, nispanku.

Juan 19:15

Paykunañataqmi kaynata qapa-rirqaku: ¡Wañuchun, wañuchun! ¡Chakatay! nispanku. Pilatoñataqmi nirqa: ¿Reynikichiktachu chakatarusaq? nispan. Sacerdotekunapa kamachiqninkunañataqmi nirqaku: Rey Cesarllam reyniykuqa, manam hukqa kanchu, nispanku.

Juan 9:7

nirqa: Siloé estanqueman rispayki mayllakaramuy, nispa. (Siloeqa “kachasqa” ninanmi). Rispanmi mayllakaramurqa, hinaspam qawakustinña kutiramurqa.

Romanos 15:12

Isaiaspas kaynatam nirqa: “Sachapa sapin ikllirimuq hinam Isaipa miraynin rikurimunqa. Nacionkunata munaychakunanpaqmi payqa hamunqa, paypi confiakuspam llapallanku suyanqaku”, nispa.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

Deuteronomio 28:57

Hinaspam wachakusqan wawan mikusqantapas chaynataq kikinpa madrennin mikusqantapas mana qaraykunqachu, pakasqallapim kikillan mikurunqa. Enemigoykichikkuna muyurusuptikichikqa manam imapas mikunaykichikpaq kanqachu, paykunaqa llumpaytam ñakarichisunkichik.

Hebreos 7:14

Yachasqanchikpi hinapas Señorninchikqa Judá ayllumantam karqa. Moisesqa manam imatapas rimarqachu Judá ayllumanta sacerdotekuna kananpaqqa.

Apocalipsis 11:15

Trompetanta qanchis kaq ángel tocaykuptinmi hanaq pachamanta hatunmanta qapariy uyarikamurqa: “Kay pachapi munaychakuymi Cristopaña rikurirun, payñam wiña-wiñaypaq munaychakunqa”, niq.