Génesis 49:1 - CHUYA QELLQA La Biblia en Quechua de Ayacucho 2012

¹ Churinkunata qayaykuspam Jacob nirqa: Huñunakamuychik, hamuq punchawkunapi imayna kanaykichikmanta willas-qaykichik.

Quechua Ayacucho Bible 1987

¹ Jacobmi churinkunata qayaykuspan nirqa: —Huñunakamuychik hinaptin willasqaykichik qepa punchawkunapi imam pasasunaykichikmanta.

Chuya Qellqa 1992

¹ Churinkunata qayaykuspam Jacob nirqa: Huñunakamuychik, hamuq punchawkunapi imayna kanaykichikmanta willasqaykichik.

Génesis 49:1 Iomraidhean Croise

Isaías 2:2

Tukupay tiempokunapim Tayta Diospa templonpa kasqan orqo, wakin orqokunamantapas aswan hatunraq kanqa. Chaymanmi llapallan nacionkuna hamunqaku.

Isaías 22:14

Tukuy Atiyniyuq Tayta Diosmi rinrillaypi kaynata niykuwarqa: Kay mana allin ruwasqaykichikmantaqa manapunim pampachasqaykichikchu, huchaykichikpim wañunkichikpas, nispa. Tukuy Atiyniyuq Tayta Diosmi chaynata nin.

Isaías 39:6

Hamuchkanmi punchaw llapa imaykikunatawan ñawpaq taytaykikunapa kunankama tukuy ima huñusqankuta mana puchuykuspa Babilonia nacionman apanankupaq.

Isaías 48:14

Chaynaqa, israelpa mirayninkuna, huñunakuspa uyariwaychik: ¿Mayqannin idolotaq kaykunata willakurqa? Ñoqa Tayta Diospa kuyasqay rey Cirom Babiloniawan chaynallataq Caldea nacionwan munasqayta ruwanqa.

Isaías 53:1

¿Pitaq willakusqaykuta cheqapmi nirqa? ¿Pimantaq atiyninta Tayta Dios rikuchirqa?

Jeremías 23:20

Tayta Diospa piñakuyninqa manam taninqachu imam ruwananta tukunankama. Hamunqam punchawkuna kaykunamanta entiendenaykichikpaq.

Daniel 10:1

Persia nacionpi rey Ciro kimsa wataña munaychakuchkaptinmi, Beltsasarwan sutichasqa Daniel huk cheqap revelacionta chaskirqa, ichaqa sasa entiendeymi karqa. Danielmi ichaqa chay revelacionpa imam ninantapas allinta entiendeykurqa.

Daniel 10:14

Ñoqam hamurqani llaqtamasikikunata hamuq punchawkunapi imam pasananmanta willaqniki; chay visión qawasqaykiqa hamuq punchawkunapiraqmi cumplikunqa, nispa.

Daniel 2:47

Hinaspam Danielta nirqa: Cheqaptapunipas qamkunapa Dios-nikichikmi llapa dioskunapa Diosninqa, payqa reykunapapas Reyninmi, payllataqmi pakasqa kaqkunatapas reqsichin. Chayraykum qamqa kay pakasqa kaqkunata rikuykachiwanki, nispa.

Amós 3:7

Tayta Diosqa imam ruwananta profetankunaman mana willachkaspaqa manam imatapas ruwanqachu.

Miqueas 4:1

Tukupay tiempokunapim Tayta Diospa templonpa kasqan orqo wakin orqokunapa hawanpi churasqa kanqa, hatun orqokunamantapas aswan hatunmi kanqa, hinaptinmi payman llapallan nacionkuna rinqaku.

Números 24:14

Kunanqa llaqtaymanmi kutikusaq, ichaqa hamuq punchawkunapi runaykikunata wak runakuna imam ruwananmantayá willay-kusqayki, nispa.

Lucas 2:26

Paymanmi Chuya Espíritu revelarqa Señorpa kachamusqan Cristota rikuykuspaña wañukunanpaq.

Hechos 2:17

Diosmi nin: Tukupay punchawkunapim chaqchurimuq hina lliw runakunaman Espirituyta kachamusaq. Chaymi qari churikichikpas, warmi churikichikpas profetizanqaku. Jovenkunapas visionkunatam rikunqaku, yuyaqkunapas mosqoykunatam mosqokunqaku.

Deuteronomio 31:12

Llapallan runakunatam huñunkichik: Qaritapas, warmitapas, wawakunatapas chaynataq qamkunawan yachaq huklaw llaqtayuqkunatapas; chaynapi leesqanku yachachikuykunata uyarispanku Tayta Diosta manchakunankupaq hinaspa kay yachachikuykunata kasukunankupaq.

Deuteronomio 4:30

Tukuy ñakariykunapi kaspaykichik Señornikichik Tayta Diosman kutirikuspa payta kasukuptikichikqa,

1~Timoteo 4:1

Cheqaptam Chuya Espirituqa willawanchik tukupay punchaw-kunapiqa wakinkunam iñiyninku-ta qepanchakunqaku hinaspa enga-ñakuq espiritutaña kasukuspanku, demoniokunapa yachachikuyninkunataña chaskispanku,

2~Timoteo 3:1

Kaytapas yachaytaqyá tukupay punchawkunapiqa sasallaña tiempokunam hamunqa.

Hebreos 1:2

Kay tukupay punchawkunapiñataqmi Chu-rintakamaña rimapayawarqanchik. Pay-tam Dios churarqa tukuy ima herencia chaskiq kananpaq. Paywantaqmi hanaq pachatawan kay pachatapas unancharqa.

Hebreos 13:1

Wawqe-panintin kuyanakuytaqa amayá saqeruychikchu.

Apocalipsis 4:1

Chaymantam rikurqani hanaq pachapi punku kicharayachkaqta. Punta qayakuy uyarisqaymi trompetapa waqaynin hina karqa, ñoqawan rimaspanmi kaynata nirqa: ¡Kayman qespimuy, kaykunapa qepanman imakunam pasakunantaqa ñoqam qawachisqayki! nispa.