Génesis 48:19 - CHUYA QELLQA La Biblia en Quechua de Ayacucho 2012

¹⁹ Taytanñataqmi mana munaspan nirqa: Yachanim churilláy, Manasespa mirayninpas hatun nacionmi kanqa, ichaqa sullkanmi aswan allin qawasqaqa kanqa, mirayninmantapas achka nacionkunam hatarinqa nispa.

Quechua Ayacucho Bible 1987

¹⁹ Taytanñataqmi mana munaspan nirqa: —Yachanim churilláy, Manasespa mirayninpas kanqa hatun nacionmi, ichaqa sullkanpa miraynin aswan hatun nacion kaptinmi, mirayninmantapas kanqa achkallaña nacionkuna —nispa.

Chuya Qellqa 1992

¹⁹ Taytanñataqmi mana munaspan nirqa: Yachanim churilláy, Manasespa mirayninpas hatun nacionmi kanqa, ichaqa sullkanmi aswan allin qawasqaqa kanqa, mirayninmantapas achka nacionkunam hatarinqa nispa.

Génesis 48:19 Iomraidhean Croise

Génesis 17:4

Kaynam qanwan pacto ruwasqayqa kanqa: Qanmantam achka nacion-kuna lloqsinqa.

Génesis 25:23

Hinaptinmi Tayta Dios nirqa: Iskay nacionkunam wiksaykipi kachkan, chay nacionkunam wiksaykimantapuni rakinasqa kachkan. Huknin nacionmi hukninmanta aswan kallpayuq kanqa, piwi kaqmi sullkanta servinqa, nispa.

Génesis 25:28

Isaacmi Esauta masta kuyarqa, purun animalkuna hapimusqanta mikuchisqanrayku. Rebecañataqmi Jacobta masta kuyarqa.

Génesis 28:14

Chaymi miraynikikuna kanqa ñutu allpa hina mana yupay atina. Paykunam cheqenqa tukuy hinastinman, qamrayku hinaspa miraynikiraykum kay pachapi llapallan ayllukuna bendecisqa kanqa.

Génesis 46:3

Chaymi Dios nirqa: Ñoqam kani Dios, taytaykipa Diosnin. Ama manchakuychu Egipto nacionman riytaqa, chaypim hatun nacionta qanmanta hatarichisaq.

Génesis 48:14

Ichaqa Israelmi alleq makinta haywariykuspan sullka kaq Efrainpa umanman churaykurqa, ichoq makintañataqmi Manasespa umanman. Manasés piwi kasqanta yachastinmi chaynataqa ruwarqa.

Génesis 48:18

Hinaspam taytanta José nirqa: Taytáy, amayá chaynataqa ruwaychu, Manasesmi piwi churiyqa, paypa umanman alleq makikitaqa churaykuy, nispan.

Isaías 7:17

Tayta Diosmi hatun sasachakuyta kachamunqa, qampaq, llaqtaykipaq chaynataq aylluykikunapaqpas. Judá nacionmanta Israel nacionpa rakikusqan punchawmantapas manam kayna sasachakuyqa karqachu. (Asiria nacionpa reyninmantam kaypiqa rimachkan)

Ezequiel 27:10

Persia, Lidia hinaspa Libia nacionniyuq runakunam guerrapaq tropaykikunapas karqaku; paykunam qasqota wasata harkachikunankutawan casconkuta qampa waqtaykipi warkuqku, sumaq qawapasllaña kanaykipaqmi chaynataqa warkuqku.

Deuteronomio 1:10

Señornikichik Tayta Diosmi llumpayta mirarachisunkichik, chaymi kunanqa cielopi chaskakuna hinaña kachkankichik.

Deuteronomio 33:17

Joseyqa vacapa punta wawan hina kuyayllapaqmi, payqa búfalo hina kallpasapallañam, waqrankunawanmi llapa nacionkunata kay pachapa patankama waqraparunqa. Chaynam Efrainpa wara-waranqa mirayninkunaqa, chaynam Manasespa waranqantin mirayninkunaqa.

Apocalipsis 7:6

Aser ayllumantam karqa chunka iskayniyuq waranqa, Neftalí ayllumantam karqa chunka iskayniyuq waranqa, Manasés ayllumantam karqa chunka iskayniyuq waranqa,

Apocalipsis 7:8

Zabulón ayllumantam karqa chunka iskayniyuq waranqa, José ayllumantam karqa chunka iskayniyuq waranqa, chaynataqmi Benjamín ayllumantapas karqa chunka iskayniyuq waranqa.