Génesis 48:14 - CHUYA QELLQA La Biblia en Quechua de Ayacucho 2012

¹⁴ Ichaqa Israelmi alleq makinta haywariykuspan sullka kaq Efrainpa umanman churaykurqa, ichoq makintañataqmi Manasespa umanman. Manasés piwi kasqanta yachastinmi chaynataqa ruwarqa.

Quechua Ayacucho Bible 1987

¹⁴ Ichaqa Israelmi alleq makinta haywariykuspan sullka kaq Efrainpa umanman churaykurqa, ichoq makintañataqmi churaykurqa Manasespa umanman. Manases piwi kasqanta yachastinmi chaynataqa rurarqa.

Chuya Qellqa 1992

¹⁴ Ichaqa Israelmi alleq makinta haywariykuspan sullka kaq Efrainpa umanman churaykurqa, ichoq makintañataqmi Manasespa umanman. Manasés piwi kasqanta yachastinmi chaynataqa ruwarqa.

Génesis 48:14 Iomraidhean Croise

Génesis 41:51

Joseymi piwi kaq churinta Mana-seswan suticharqa: “Diosmi tukuy llakiyta qonqaykachiwan chaynataq aylluykunatapas” nispa.

Génesis 41:52

Huknin churintañataqmi Efrainwan suticharqa: “Diosmi ñakarisqay nacionpi miraykachiwan” nispa.

Génesis 46:20

Joseypa churinkunam karqa: Mana-seswan Efraín, On llaqtapi sacerdote Potifarpa churin Asenatpa wawankuna, Egipto nacionpi naceqkuna.

Génesis 48:13

Joseymi iskaynin churinkunata hapiykuspa taytan Israelman asuykachirqa. Efraintam hapirqa alleq makinwan, Manasestañataqmi ichoq makinwan, hinaptinmi Efrainqa Israelpa ichoq lawninpi karqa, Manasestañataqmi alleq lawninpi.

Génesis 48:17

Efrainpa umanman Jacob alleq makinta churasqanta qawaykuspanmi Joseyqa hukmanyarurqa, chaymi Efrainpa umanmanta hapiykuspa Manasespa umanman churarurqa.

Génesis 48:18

Hinaspam taytanta José nirqa: Taytáy, amayá chaynataqa ruwaychu, Manasesmi piwi churiyqa, paypa umanman alleq makikitaqa churaykuy, nispan.

Éxodo 15:6

Dios Taytallayku, atiynikitam qawaykachikunki; Dios Taytallayku, alleq makikiwanmi enemigota ñutururqanki.

Números 2:18

Efraín ayllupa banderanmi, carpapa inti seqaykunan lawninpi otaq car-papa qepanpi samanqa. Efraín ayllukunapa capitanninmi karqa Amiudpa churin Elisama.

Números 8:10

Leví ayllu runakunata ñoqa Tayta Diospa qayllayman asuykachimuptikim Israelpa mirayninkuna makinkuta paykunapa hawanman churanqaku.

Números 8:18

Chayraykum Israelpa mirayninkunapa piwi wawa-churinkunapa rantinpi Leví ayllukunataña akllakurqani.

Mateo 16:18

Chaymi ñoqapas niki, qamqa Pedrom kanki, kay rumipa hawanpim iglesiayta hatarichisaq, paytaqa wañuypa atiyninpas manam vencenqachu.

Mateo 19:13

Jesusmanmi wawakunata pusamurqaku, chaynapi paykunaman makinta churaykuspa Diosta mañapunanpaq. Discipulokunañataqmi wawa pusamuqkunata qaqcharqaku.

Mateo 19:15

Chaynata niruspanmi wawakunapa hawanman makinta churaykurqa, hinaspam chaymanta pasakurqa.

Mateo 6:5

Mañakuspaykichikqa amayá iskay uyakuna hinachu kaychik, paykunaqa sinagogakunapi hinaspa callepa esquinankunapi sayaykuspa mañakuytam kuyanku, chaynataqa ruwanku runakuna qawananpaqmi. Cheqaptapunim nikichik: Paykunapaqqa ñam premionku kachkanña.

Lucas 13:13

Warmipa hawanman makinta chu-raykuptillanmi chay warmiqa dere-chakuruspan Diosta hatuncharqa.

Lucas 4:40

Inti seqaykuchkaptinmi, tukuy rikchaq onqoyniyuqkunata Jesusman pusamurqaku, hinaptinmi sapakamaman makinta churaykuspan sanoyachirqa.

Hechos 13:3

Ayunaruspankum Diosta mañakurqaku, hinaspam makinkuta paykunapa hawanman churaykuspanku aviarurqaku.

Hechos 6:6

Paykunatam apostolkunaman pusamurqaku, apostolkunañataqmi paykunapa hawanman makinkuta churaykuspanku Diosta mañakurqaku.

Deuteronomio 34:9

Nunpa churin Josueymi yachayniyuq kananpaq Diosmanta atiyta chaskirqa, chaypaqmi paypa hawanman kawsachkaspallaraq makinta Moisés churaykurqa. Chaymi Israelpa mirayninkuna Josueyta kasukurqaku, hinaspam Moisesman Tayta Diospa kamachisqanman hina ruwarqaku.

1~Timoteo 4:14

Qampi kaq Diospa atiynintaqa amayá qonqaruychu, chaytaqa profeciaman hina iglesiapi ancianokuna makinkuta hawaykiman churaykuspanku mañakuptinkum chaskirqanki.

1~Timoteo 5:22

Manaraq sumaqta reqsiykuchkaspaykiqa amayá chayllaqa pimanpas makikitaqa churaychu kamachikuq kananpaqqa, chaynapi paykunapa huchanwan ama qachachakunaykipaq. Qamqa chuya sonqollayá kawsay.