Génesis 48:10 - CHUYA QELLQA La Biblia en Quechua de Ayacucho 2012

¹⁰ Israelpa ñawinkunam tumpallataña qawakurqa yuyaqña kasqanrayku, chaymi Joseypa churinkuna asuykuptinku Israel abrazaykuspa muchaykarirqa.

Quechua Ayacucho Bible 1987

¹⁰ Israelpa ñawinkunam tumpallataña qawakurqa yuyaqña kasqanrayku chaymi churinkunata Josey asuykachiptin Israel abrazaykuspa muchaykarirqa.

Chuya Qellqa 1992

¹⁰ Israelpa ñawinkunam tumpallataña qawakurqa yuyaqña kasqanrayku, chaymi Joseypa churinkuna asuykuptinku Israel abrazaykuspa muchaykarirqa.

Génesis 48:10 Iomraidhean Croise

Génesis 27:1

Isaacmi yuyaqyaruspan rampa-rampallataña qawakurqa, chaymi huk punchaw piwi churinta qayaspan nirqa: Churilláy Esaú, nispa. Esauñataqmi nirqa: ¿Imata taytáy? nispa.

Génesis 27:27

Jacobmi taytanman asukuspan muchaykurqa, hinaptinmi taytanñataq churinpa pachanta muskiykurqa, chaymi bendecispan kaynata nirqa: Kayqa churiypa asnayninmi, Diospa bendecisqan campopa asnayninmanmi rikchakun.

Génesis 31:55

Labanmi paqarinnintin tutapayta hatarispan churinkunata willkankunata muchaykurqa, hinaspam paykunata bendeciykuspan wasinman kutikurqa.

Génesis 45:15

Llapallan wawqenkunata muchaykuspam abrazaykuspa waqarqa. Chayraqmi wawqenkunaqa Joseywan rimanakurqaku.

Génesis 48:11

Hinaspam Joseyta nirqa: Manañam piensarqanichu qam rikuykuytaqa, aswanqa Diosmi munan qamtapas chaynallataq churikikunatapas qawaykunayta, nispa.

Génesis 48:8

Israelmi Joseypa churinkunata riku-ruspa nirqa: ¿Pikunataq paykunaqa? nispa.

1~Reyes 19:20

Chaymi Eliseoqa yapusqan yundata saqeruspan Eliaspa qepanta kallparqa, hayparuspanmi nirqa: Ama hina kaspayá saqeykuway tayta-mamayta muchaykuspa despedikaykamunaypaq, chaymantañam qatisqayki, nispa. Eliasñataqmi nirqa: Kutiyá, manam harkakuykichu, nispa.

Eclesiastés 12:3

Chayamunqam punchaw palaciota waqaychaq runakunapas katkatatanankupaq, qari-qari runakunapas kumuykunankupaq, molinokunapas asllayaruspa wichqakurunankupaq, ventananta qawaqkunapas manaña rikunankupaq.

Isaías 59:1

Tayta Diospa atiyninqa manam pisirunchu mana salvawananchikpaq hinaqa, rinrinpas manam upayarunchu manaña uyarinanpaq hinaqa.

Isaías 6:10

Kay runakunapa yuyaymanayninta pantarachiy, mana uyarinankupaq rinrinkuta upayarachiy, mana qawakunankupaq ñawinkuta ñawsayarachiy, mana entiendespanku mana wanakunankupaq, chaynapi huchankuta mana pampachanaypaq, nispa.

Deuteronomio 34:7

Moisesqa pachak iskay chunka watanpim wañukurqa, wañukusqan punchawkamam ñawinkunapas allintaraq qawakurqa, kallpanpas manam pisirqachu.

1~Samuel 3:2

Huk tutam sacerdote Eliyqa cuartonpi puñuchkarqa, ñawsayayta qallaykuspanmi manaña allintaqa qawakurqañachu.

1~Samuel 4:15

Eliyqa isqon chunka pusaqniyuq watanpiñam karqa, ñawsayaruspanmi manaña rikukuytapas atirqachu.