Génesis 47:6 - CHUYA QELLQA La Biblia en Quechua de Ayacucho 2012

⁶ kayqaya Egipto allpaqa makikipi kachkan, chaynaqa taytaykitawan wawqekikunata Gosén allpapi churamuy. Sichum paykuna ukupi kachkan uywaykuna nanachikunanpaq hina, hinaptinqa animalniykunata michinankupaq churamuy, nispa.

Quechua Ayacucho Bible 1987

⁶ Egipto allpaqa makikipim kachkan chaynaqa taytaykitawan wawqekikunataqa churamuy Gosen allinnin allpapiyá. Paykunapi yachayniyoq runakuna kasqanta yachaspaykiqa animalniykunamanta cuentallikunanpaqyá churamuy —nispa.

Chuya Qellqa 1992

⁶ kayqaya Egipto allpaqa makikipi kachkan, chaynaqa taytaykitawan wawqekikunata Gosén allpapi churamuy. Sichum paykuna ukupi kachkan uywaykuna nanachikunanpaq hina, hinaptinqa animalniykunata michinankupaq churamuy, nispa.

Génesis 47:6 Iomraidhean Croise

Génesis 13:10

Hinaptinmi Lot qawarirqa Jordán mayupa qechwankunata Zoar llaqtakama yakuyuq kasqanta, Tayta Diospa huertan hinaraq kasqanta, Egipto allpamanraqmi rikchakurqa. Chaynaqa karqa Sodomatawan Gomorrata Tayta Dios manaraq purmarachichkaptinmi.

Génesis 13:9

Kayqaya allpaqa ñawpaqnikipi. Mañakuykim ñoqamanta rakikunaykipaq. Ichoq lawman riptikiqa alleq lawmanmi risaq, alleq lawman riptikiñataqmi ichoq lawman risaq, nispa.

Génesis 20:15

Chay-mantam Abrahamta Abimelec nirqa: Kayqaya allpayqa makikipi, munasqaykipiyá yachakuy, nispa.

Génesis 34:10

Ñoqaykuwanña yachakuychik, allpaqa kanqam chaypi yachanaykichikpaq chaynataq negocio ruwanaykichikpaqpas. Kay allpatayá hapikuychik qamkunapaqña kananpaq, nispa.

Génesis 45:10

Gosén llaqtapim yachanki churikikunawan, willkaykikunawan, ovejaykikunawan, vacaykikunawan hinaspa lliw kapuqnikikunawanpas.

Génesis 46:34

Kaynatam ninkichik: “Serviqnikikunaqa warma kasqaykumanta chaynataq ñawpaq taytaykumantapacham animalkuna michiqkunalla kaniku”, nispaykichik. Chaynapim Gosén lawpi yachankichik, Egipto runakunapaqqa millakuypaqmi kasqa oveja michiqkunawan kuskanchakuyqa.

Génesis 47:11

Faraonpa kamachisqanman hinam taytanmanwan wawqenkunaman Egipto nacionpi allinnin allpata José qoykurqa, chaynapim Ramesés lawpi allpayuq karqaku.

Génesis 47:16

Joseyñataqmi nirqa: Qollqekichik tukuruptinqa uywaykichiktaña apamuychik, chaynapi mikuywan truecananchikpaq, nispa.

Génesis 47:4

Canaán lawpi llumpay muchuy kasqanraykum, chaynallataq animalniykupaqpas mana pasto kasqanraykum kay allpaman hampukuniku kaypiña yachanaykupaq, chaynaqa ama hina kaspayá chaskiykuwayku Gosén lawpi yachanaykupaq, nispanku.

Génesis 47:5

Chaymi Joseyta Faraón nirqa: Taytaykiwan wawqekikuna chayara-musuptikiqa,

1~Reyes 11:28

Jeroboamqa kallpasapa allin llamkakuq runam karqa. Salomonmi allin llamkaq kasqanta qawaykuspan José ayllumanta kaq llamkaqkunapa kamachiqninpaq churarurqa.

2~Crónicas 26:10

Chunniqpipas torrekunatam ruwachirqa, pozokunatapas achkatam uchkuchirqa; chaykunataqa ruwachirqa achka animalniyuq kasqanraykum, chay animalninkunam tarikurqa orqokunapi hinaspa pampakunapi. Kapurqataqmi uvas chakrankunapi, huertankunapi hinaspa wakin chakrankunapi llamkaq runankunapas, paytaqa chakrapi llamkaymi gustarqa.

Éxodo 18:21

Runakunamanta akllay chaypaq hina qarikunata, Dios respetaqkunata, cheqap rimaq qarikunata, qollqe kuyayta cheqniqkunata. Paykunatam churanki waranqa runakunapi, pachak runakunapi, pichqa chunka runakunapi chaynataq chunka runakunapi, kamachikuqkuna kanankupaq.

Éxodo 18:25

Israel castakunamantam Moisés akllarqa chaypaq hina allin yachayniyuq qarikunata, hinaspam churarqa waranqa runakunapi, pachak runakunapi, pichqa chunka runakunapi hinaspa chunka runakunapi kamachikuqkuna kanankupaq.

Éxodo 9:10

Moiseswan Aaronmi hornomanta uchpata hoqarispanku Faraonpa ñawpaqninpi sayaykurqaku, hinaptinmi cieloman Moisés machqeruptin runakunapipas chaynataq animalkunapipas chupu rikurirurqa.

Éxodo 9:21

Wakiqninmi ichaqa Tayta Diospa nisqanta mana kasukuspanku serviqninkutawan animalninkuta hina campopi saqeramurqaku.

Proverbios 21:1

Tayta Diospa makinpiqa reypa ima ruway munasqanpas mayu hinam, Diosmi maymi munasqanman pusan.

Proverbios 22:29

Pipas ruwananta allinta llamkakuqqa reykunatam servinqa, manam huk runataqa servinqachu. -6-

Jeremías 40:4

Kunanmi kay cadenakunata makikimanta kachaykuni, munaptikiqa Babiloniaman hakuchik, wakpiqa ñoqam nanachikusqayki. Mana riyta munaspaykiqa hinapiyá qepakuy, kay nacionpi allpaqa makikipim kachkan, maylawmanpas rispa chaypi yachakunaykipaq.

Juan 17:2

Qanmi atiyta qowarqanki llapallan runapi munaychakunaypaq, chaynapi qowasqayki llapallan runakunaman wiñay kawsayta qonaypaq.

1~Samuel 21:7

Chay punchawmi Saulpa serviqnin Doeg kachkarqa Tayta Diospa templonpi, payqa karqa Edom castam hinaspa Saulpa michiqninkunapa kamachiqninmi.