Génesis 47:24 - CHUYA QELLQA La Biblia en Quechua de Ayacucho 2012

²⁴ Cosechaspam ichaqa pichqa costalmanta huknin costalta Faraonman qonkichik, wakin tawa costalñataqmi chakrapi tarpunaykichikpaq hinaspa aylluykichikkunapiwan mikunaykichikpaq kanqa, nispa.

Quechua Ayacucho Bible 1987

²⁴ Cosechaspam ichaqa pichqa costalmanta huknin costalta Faraonman qonkichik, wakin tawa costalñataqmi kanqa chakrapi tarpunaykichikpaq hinaspa qamkunapiwan familiaykichik mantienekunaykichipaq —nispa.

Chuya Qellqa 1992

²⁴ Cosechaspam ichaqa pichqa costalmanta huknin costalta Faraonman qonkichik, wakin tawa costalñataqmi chakrapi tarpunaykichikpaq hinaspa aylluykichikkunapiwan mikunaykichikpaq kanqa, nispa.

Génesis 47:24 Iomraidhean Croise

Génesis 14:20

Tukuy Atiyniyuq Dios yupaychasqa kachun, paymi enemigoykikunata vencechisurqanki, nispa. Chaymi Abramqa lliw kutichimusqanmanta diezmonkunata qoykurqa.

Génesis 14:21

Abramtam Sodomapa reynin nirqa: Runakunallata qoykuwaspayki wakin qechumusqayki kaqkunataqa apakuy, nispa.

Génesis 28:22

Kay sayachisqay suytu rumim Diospa Wasin kanqa. Lliw qowasqaykimantapas diezmoytam qosqayki, nispa.

Génesis 41:34

Kaytawan ruway: Sapa llaqtapi kamachikuqkunata churay, chaynapi Egipto nacionpi qanchisnintin wata sumaqllaña cosechakunamanta, pichqa costalmanta hukninta huñuspa waqaychanankupaq.

Génesis 47:23

Chaymi runakunata José nirqa: Faraonpaqmi qamkunata chaynataq chakraykichiktapas rantiruni, kayqaya muhu, kunanyá tarpumuychik.

Génesis 47:25

Paykunañataqmi nirqaku: Qanmi kawsanaykupaq yanapaykuwankiku, ama hina kaspayá Faraonpa serviqnintaña ruwaykullawayku, nispanku.

Levítico 27:30

Kawsay cosechamanta diezmoqa chaynataq frutakunamanta diezmopas ñoqa Tayta Diospaqmi kanqa. Chaykunaqa ñoqallapaqña sapaqchasqam.

Levítico 27:32

Vacamanta kaptin otaq ovejamanta kaptinpas sapa chunka animal yupas-qamantam hukninta diezmopaq sapaq-chanqaku ñoqa Tayta Diospaq. Chay animalkunaqa diezmo kasqanraykum ñoqallapaqña sapaqchasqa kanqa.

Números 18:21

Leví ayllukunaman herencia qosqayqa kanqa Israel runakunapa cosechasqankumanta llapallan diezmo qosqankum. Chaytam asuykuwanaykichik carpapi serviwasqaykichikrayku qoykichik.

Deuteronomio 14:22

Cosechaykichikmantam watan-watan mana tipiyta diezmota hurqonkichik:

Deuteronomio 26:12

Sapa kimsa watamantam lliw cosechasqaykimanta diezmoykita rakispa, Leví castakunaman, qamkunawan yachaq huklaw llaqtayuqkunaman, mana tayta-mamayuqkunaman chaynataq viudakunaman qonki; chaynapim llaqtaykipi saksanankukama mikunqaku.