Génesis 47:22 - CHUYA QELLQA La Biblia en Quechua de Ayacucho 2012

²² Sacerdotekunapa chakrallantañam Joseyqa mana rantirurqachu. Faraonmanta chaskispa mikusqankuraykum paykunaqa chakrankuta mana rantikurqakuchu.

Quechua Ayacucho Bible 1987

²² Sacerdotekunapa chakrallantañam Joseyqa mana rantirurqachu. Paykunaqa Faraonmanta chaskispa mikusqankuraykum mana *f**rantikurqakuchu chakrankutaqa.

Chuya Qellqa 1992

²² Sacerdotekunapa chakrallantañam Joseyqa mana rantirurqachu. Faraonmanta chaskispa mikusqankuraykum paykunaqa chakrankuta mana rantikurqakuchu.

Génesis 47:22 Iomraidhean Croise

Génesis 14:18

Salempa reynin Melquisedecpas vinotawan mikuytam apamurqa. Payqa Tukuy Atiyniyuq Diospa sacerdotenmi karqa.

Génesis 41:45

Joseytam Faraón suticharqa “Zafnat-panea” nispan. Casarachirqañataqmi On llaqtapi sacerdote Potiferapa warmi churin Asenatwan, chaynapim Joseyqa Egipto nacionpi allin reqsisqa karqa.

Génesis 41:50

Manaraq muchuy chayamuchkaptinmi, Joseypa churinkuna iskayña karqa, paykunatam warmin Asenat wachakurqa. Asenatqa On llaqtapi sacerdote Potiferapa churinmi karqa.

Génesis 47:21

Chaynapim lliw Egipto nacionpi runakunaqa Faraonpa serviqninkunaña karqaku.

Génesis 47:23

Chaymi runakunata José nirqa: Faraonpaqmi qamkunata chaynataq chakraykichiktapas rantiruni, kayqaya muhu, kunanyá tarpumuychik.

Génesis 47:26

Chaynapim Joseyqa huk kamachikuyta churarqa, Egipto nacionpi chakrakunamanta pichqa costalmanta huk costalta Faraonman qonankupaq. Chay kamachikuyqa hinallam kunankamapas kachkan. Sacerdotekunapa chakranmi ichaqa mana Faraonpachu karqa, chayraykum paykunaqa mana impuestotaqa pagarqakuchu.

2~Samuel 8:18

Joiadapa churin Benaiam Ceret ayllumantawan Pelet ayllumanta kaq soldadokunata kamachirqa. Davidpa churinkunañataqmi sacerdotekuna karqaku.

Esdras 7:24

Kamachikichiktaqmi kaytapas: Llapa sacerdotekunamanta, levitakunamanta, takiqkunamanta, punku waqaychaqkunamanta, templopi servikuqkunamanta, Diospa templonpi wakiq servikuqkunamantaqa amam ima impuestotapas cobrankichikchu.

Nehemías 13:10

Yacharurqanitaqmi llapa levitakunaman tupaqninta mana qosqankutapas, chayraykum Tayta Diospa templonpi servikuq levitakunawan takiqkunaqa allpankuman sapakama ripukusqaku.

Mateo 10:10

amataqmi qoqawtapas, mudakunaykichikpaq pachatapas, usutatapas nitaq tawnatapas apankichikchu. Llamkapakuqqa mikuchisqam kanan.

1~Corintios 9:13

Qamkunaqa yachan-kichikmi Diospa templonpi llamkaqkunaqa ofrendakunamanta mikusqankuta, altarpi llamkaqkunañataqmi altarman ofrenda apamusqankumanta mikunku.

Gálatas 6:6

Diospa palabran chaskiqkunaqa yachachiqnintam imallawanpas yana-pananku.

Deuteronomio 12:19

Chay allpapi yachaspaykichikqa amam levitakunataqa qonqarunkichikchu.

2~Tesalonicenses 3:10

Qamkunawan kachkaspaykuraqmi kaynata nirqaykiku: “Pipas mana llamkay munaqqa amayá mikuchunpaschu”, nispayku.

1~Timoteo 5:17

Haykam iñiqkuna ukupi llamkaq ancianokunaqa allin respetasqa hinaspa allin pagasqa kachunku, tukuymanta llalliqtaqa willakuqkunawan hinaspa yachachikuqkuna.