Génesis 45:26 - CHUYA QELLQA La Biblia en Quechua de Ayacucho 2012

²⁶ Hinaspam willakurqaku: ¡Joseyqa kawsachkasqam! ¡Lliw Egipto nacionpi kamachikuqmi kasqa! nispanku. Hinaptinmi Jacobpa sonqon yaqa wañunankama tukukurqa, willasqankuta llullapaq hapisqanrayku.

Quechua Ayacucho Bible 1987

²⁶ Hinaspam willakurqaku: —¡Joseyqa kawsachkasqam! ¡Lliw Egipto nacionpi kamachikuqmi kasqa! —nispa. Hinaptinmi Jacob yaqalla desmayarurqa, manataqmi creerqachu.

Chuya Qellqa 1992

²⁶ Hinaspam willakurqaku: ¡Joseyqa kawsachkasqam! ¡Lliw Egipto nacionpi kamachikuqmi kasqa! nispanku. Hinaptinmi Jacobpa sonqon yaqa wañunankama tukukurqa, willasqankuta llullapaq hapisqanrayku.

Génesis 45:26 Iomraidhean Croise

Génesis 37:31

Chaymi paykuna Joseypa sumaq pachanta hapispanku, huk chivatochata wañurachispa yawarninwan chapuparurqaku.

Génesis 37:35

Chaymi llapallan churinkuna consuelanankupaq asuykurqaku, ichaqa paymi consuelanankuta mana munaspan nirqa: Churiymantaqa wañukunaykamam llakikusaq, nispa. Chaynata nispanmi waqallarqa.

Génesis 42:29

Canaanman chayaruspankum taytanku Jacobman imaynam kamusqankuta willakuspa nirqaku:

Génesis 42:36

Hinaptinmi taytanku Jacob paykunata nirqa: ¿Manaña churiyuqtachu saqeruwankichik? Joseyqa manañam ñoqanchikwanñachu, nitaqmi Simeonpas kaypiñachu, Benjamintapas pusaruptikichikqa, tukuy kaykunawanqa llakimantachá wañurusaq, nispa.

Génesis 42:38

Jacobñataqmi nirqa: Qamkunawanqa manañam churiyqa rinmanchu, wawqen wañuruptinmi sapallanña qeparqa, chay risqaykichikpi imapas pasaruptinqa, qamkunapa hawaykichikpim llakimanta kay yuyaq taytaykichik wañurusaq, nispa.

Génesis 44:28

Hukninmi ladoymanta lloqsirqa hinaspam kunankama mana kutiykamunchu, ima purun animalchá llikiparurqa.

Génesis 45:25

Chaymi Egipto nacionmanta lloqsispanku Canaán lawpi taytanku Jacobpa kasqanman chayarurqaku.

Génesis 48:11

Hinaspam Joseyta nirqa: Manañam piensarqanichu qam rikuykuytaqa, aswanqa Diosmi munan qamtapas chaynallataq churikikunatapas qawaykunayta, nispa.

Jobwan Sutichasqa Libro 29:24

Ñoqam paykunapaq asiriq kani, ichaqa manam creewaqkuchu; kusisqa uyaymi ichaqa paykunata kallpanchaq.

Jobwan Sutichasqa Libro 9:16

Sichum mañakusqayta qoykuwaptinpas manam creeymanchu pay uyariwanantaqa.

Jonás 2:7

Dios Taytalláy, wañuypa patanpiña kachkaspam yuyarirqayki, mañakuyniymi temploykipi qayllaykiman chayaykamurqa.

Lucas 24:11

Chay willakusqankutam llapa apostolkuna cuentopaq hapispanku mana creerqakuchu.

Lucas 24:34

Paykunam ninakuchkasqaku: Cheqaptapunim Señorqa kawsarirusqa. Pedromanpas rikuriykunñam, nispanku.

Lucas 24:41

Paykunam ichaqa, admirasqa chaynataq kusikuypa huntasqan kaspanku imam rikusqankupi mana creerqakuchu, chaymi Jesusñataq paykunata tapurqa: ¿Kachkanchu imallaykichikpas mikuykunaypaq? nispa.