Génesis 45:16 - CHUYA QELLQA La Biblia en Quechua de Ayacucho 2012

¹⁶ Joseypa wawqenkuna hamurusqanku noticia rey Faraonpa palacionman chayaruptinmi Faraonpas chaynataq kamachikuyninpi yanapaqninkunapas kusikurqaku.

Quechua Ayacucho Bible 1987

¹⁶ Rey Faraonpa wasinmanmi Joseypa wawqenkuna hamusqan noticia chayarurqa chaywanmi kusikurqa Faraon chaynataq gobiernonpi yanapaqninkunapas.

Chuya Qellqa 1992

¹⁶ Joseypa wawqenkuna hamurusqanku noticiata rey Faraonpa palacionman chayaruptinmi Faraonpas chaynataq kamachikuyninpi yanapaqninkunapas kusikurqaku.

Génesis 45:16 Iomraidhean Croise

Génesis 16:6

Abramñataqmi nirqa: Kayqaya esclavaykiqa makikipi, munasqaykitayá paywan ruway, nispa. Chaymi Saraiqa Agarta ñakarichiyta qallaykurqa hinaptinmi qayllanmanta lluptikurqa.

Génesis 20:15

Chay-mantam Abrahamta Abimelec nirqa: Kayqaya allpayqa makikipi, munasqaykipiyá yachakuy, nispa.

Génesis 34:18

Chay nisqankum Hamorpaqwan churin Siquempaq allinpaq rikchakarapurqa.

Génesis 41:33

Chaynaqa, kunanpuni maskay allin yuyayniyuq chaynataq yachayniyuq runata hinaspa churay Egipto nacionpi kamachikunanpaq.

Génesis 41:37

Faraonpaqwan yanapaqninkunapaqmi Joseypa nisqankuna allinpaq rikchakapurqa.

Génesis 45:15

Llapallan wawqenkunata muchaykuspam abrazaykuspa waqarqa. Chayraqmi wawqenkunaqa Joseywan rimanakurqaku.

Génesis 45:17

Chaymi Joseyta Faraón nirqa: Wawqekikunata nimuy: “Uywayki-chikman kawsayta cargakuspa Canaán lawman kutiychik,

2~Samuel 3:36

Llapallan runakunam yachaykurqaku reypa tukuy imakuna ruwasqanta. Chay ruwasqankunatam llaqtaqa allinpaq hapirqa.

2~Crónicas 30:4

Chay tanteanakusqankum reypaq chaynataq runakunapaqpas allinpaq rikchakapurqa.

Ester 1:21

Memucanpa rimarisqan reypaq chaynataq yanapaqninkunapaqpas allinpaq rikchakapuptinmi, reyqa chayman hina ruwaspan,

Ester 2:4

Chaynapi sonqoykipa munasqan sipas, reina Vastipa rantinpi akllasqa kananpaq, nispa. Chay nisqanku allinpaq rikchakapuptinmi, chaynata rey ruwarqa.

Ester 5:14

Chaymi warmin Zereswan llapa amistadninkuna kaynata nirqaku: Iskay chunka iskayniyuq metro kaspita sayarachiy hinaspa paqarinlla reyta niy Mardoqueo chaypi warkusqa kananpaq, chaynapim qamqa kusisqaña convidoman yaykunki, nispa. Chay nisqankum Amanpaq allinpaq rikchakarapurqa, chaymi payqa huk warkunata sayachirqa.

Hechos 6:5

Chaymi llapa huñunasqakuna “allinmi” nispanku Estebanta akllarqaku. Payqa Chuya Espiritupa huntasqan hinaspa llumpay iñiyniyuq runam karqa. Akllarqakutaqmi Felipeta, Procorota, Nicanorta, Timonta, Parmenasta hinaspa Nicolastapas. Nicolasqa karqa judiokunapa religionninman tikrakuq Antioquía llaqtayuqmi.

Hechos 7:13

Iskay kaq kutiyninkupiñam Joseyqa wawqenkunaman reqsiykachikurqa, chaymi Egipto nacionpa reyninpas yacharurqa pipa castanmi Joseyqa kasqanta.

Deuteronomio 1:33

Payqa ñawpaqnikichiktam rirqa maypim samanaykichikta maskastin. Tutanmi mayninta rinaykichikpaq ninawan achkirqa, punchawñataqmi puyuwan.