Génesis 45:1 - CHUYA QELLQA La Biblia en Quechua de Ayacucho 2012

¹ Joseymi llapallan serviqninkunapa qayllanpi waqayta manaña aguantaspan nirqa: ¡Qayllaymanta llapallaykichik lloqsiychik! nispan. Chaymi serviqninkuna lloqsiruptinku wawqenkunawan José reqsichikurqa,

Quechua Ayacucho Bible 1987

¹ Joseymi llapallan chaypi sirvientenkunapa qayllanpi manaña waqayta aguantarqachu hinaspam kamachirqa: —Lloqsiychik llapallaykichik ladoymanta —nispa. Chaymi sirvientenkuna lloqsiruptinkuña Josey wawqenkunawan reqsichikurqa.

Chuya Qellqa 1992

¹ Joseymi llapallan serviqninkunapa qayllanpi waqayta manaña aguantaspan nirqa: ¡Qayllaymanta llapallaykichik lloqsiychik! nispan. Chaymi serviqninkuna lloqsiruptinku wawqenkunawan José reqsichikurqa,

Génesis 45:1 Iomraidhean Croise

Génesis 42:24

Chaymi paykunamanta rakikuykuspa José waqarqa. Sonqon tiyaruptinmi paykunaman kutispan huktawan rimapayaspa qawachkaptinku Simeonta chaqnachispa presocharurqa.

Génesis 44:34

¿Imaynataq mana warmantinqa taytayman kutiykuyman? Manam munaymanchu taytayta imapas pasarunantaqa, nispa.

2~Samuel 1:20

Gat llaqtapiqa amam willakunkichikchu, Ascalón llaqtapa callenkunapiqa amam willakunkichikchu Filistea warmikunam kusikunmanku, Diosta mana reqsiq warmikunam kusikuymanta pawaykachanmanku.

2~Samuel 13:9

Tortilla ruwasqanta haywaykuptinmi Amnonqa mikuyta mana munaspan criadonkunata kaynata nirqa: Kaymanta lloqsiychik, nispa. Llapa runakuna chaymanta lloqsiruptinkum

Isaías 42:14

Tayta Diosmi nin: Unayñam upallalla karqani, mana imata rimarispaymi aguantakuykurqani, kunanmi ichaqa wachakuq warmi hina onqosaq, nanaywan ñakariq warmi hinam qaparisaq.

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 18:15

Sichum runamasiki contraykipi huchallikuruptinqa, rispayki sapallanpi rimapayaykamuy. Pantasqanta reqsikuptinqa paywanmi allinyanakurunki.

Hechos 10:41

Manam llapallan runakunamanchu rikurirqaqa, aswanqa ñoqallaykumanmi, Jesusmanta willakunaykupaq ñawpaqmantaraq Diospa akllasqan kasqaykurayku. Kawsariramuptinmi Jesuswan kuska mikurqaniku hinaspa tomarqaniku.

Hechos 7:13

Iskay kaq kutiyninkupiñam Joseyqa wawqenkunaman reqsiykachikurqa, chaymi Egipto nacionpa reyninpas yacharurqa pipa castanmi Joseyqa kasqanta.

1~Corintios 13:5

manam penqaypaq ruwaqchu, manam kikillanpaq munaqchu, manam piñakuqchu, nitaqmi cheqnikuqchu,