Génesis 44:7 - CHUYA QELLQA La Biblia en Quechua de Ayacucho 2012

⁷ Hinaptinmi paykunañataq nirqaku: Señorllayku ¿imatataq kaytaqa niwankiku? Manam haykapipas ñoqaykuqa chaytaqa ruwaymankuchu.

Quechua Ayacucho Bible 1987

⁷ Hinaptinmi paykunañataq nirqaku: —¿Señorllayku imanasqataq kay palabrakunataqa, niwankiku? Manam haykapipas kay runallaykikunaqa chaynataqa ruraymankuchu.

Chuya Qellqa 1992

⁷ Hinaptinmi paykunañataq nirqaku: Señorllayku ¿imatataq kaytaqa niwankiku? Manam haykapipas ñoqaykuqa chaytaqa ruwaymankuchu.

Génesis 44:7 Iomraidhean Croise

Génesis 35:22

Chay allpapi Israel yachachkaptinmi, taytanpa churiwachan Bilhawan Rubén puñururqa. Chayta yacharuspanmi Israel llumpayta piñakururqa. Jacobpa churinkunam karqa chunka iskayniyuq.

Génesis 44:6

Paykunata hayparuspanmi Joseypa imam yachachisqanta hina chay mayordomo nirqa.

Génesis 44:8

Qollqetaña costalniykupi tariruspapas Canaán lawmantaraqmi kutichimurqaniku. ¿Imaynataq patronnikipa wasinmantaqa qorintawan qollqentaqa suwakamuymanku karqa?

2~Samuel 20:20

Joabñataqmi nirqa: Chaytaqa manam piensayllapas-pien-sanichu, manam tuñichisaqchu nitaqmi purmachisaqchu.

2~Reyes 8:13

Hinaptinmi Hazael nirqa: ¿Kay serviqniki allqoqa imañataq kani chaykunata ruwanaypaqqa? nispa. Chaymi Eliseo nirqa: Tayta Diosmi qawaykachiwan Siria nacionpi rey kanaykita, nispa.

Proverbios 22:1

Qori-qollqemantapas aswan allinqa ancha reqsisqa kaymi, qori-qollqemantapas aswan allinqa kuyasqa respetasqa kaymi.

Eclesiastés 7:1

Miski asnaq perfumemantaqa ancha reqsisqa kaymi aswan allinqa. Nacesqanchik punchawmantaqa wañukusqanchik punchawmi aswan allinqa.

Hebreos 13:18

Ñoqaykupaqyá Diosta maña-kuychik, ñoqaykupa sonqoykuqa hawkallam kachkan, tukuy kawsayniykupipas hawkalla kaytataqmi munaniku.