Génesis 44:18 - CHUYA QELLQA La Biblia en Quechua de Ayacucho 2012

¹⁸ Chaymi Judaqa Joseyman asuykuspan nirqa: ¡Señorlláy! Ama hina kaspaykiyá kay serviqllaykipa rimariyninta uyariykullaway. Amayá piñakuykuychu, qamqa kanki rey Faraón hinam.

Quechua Ayacucho Bible 1987

¹⁸ Chaymi Joseyman asuykuspan Judá nirqa: —¡Ay! señorlláy, ruegakuykim kay runallaykipa rimarisqayta uyariykuwanaykipaq. Qamqa kanki Rey Faraon hinam, amayá piñakuychu ñoqawanqa.

Chuya Qellqa 1992

¹⁸ Chaymi Judaqa Joseyman asuykuspan nirqa: ¡Señorlláy! Ama hina kaspaykiyá kay serviqllaykipa rimariyninta uyariykullaway. Amayá piñakuykuychu, qamqa kanki rey Faraón hinam.

Génesis 44:18 Iomraidhean Croise

Génesis 18:30

Huktawanmi Abraham nirqa: Señornilláy, ama piñakuychu huktawanyá rimapayaykusqayki. Ichapas kimsa chunkalla kachkanku, nispa. Tayta Diosñataqmi nirqa: Kimsa chunkallataña tarispaypas manam puchukachisaqchu, nispa.

Génesis 18:32

Kasqallanmi ruegakuspan Abraham nirqa: Señornilláy, amayá piñakuykuychu, kunanllañayá rimapayaykusqayki. Ichapas chaypiqa chunkalla kachkanku, nispa. Hinaptinmi Dios nirqa: Chunkallataña tarispaypas manam puchukachisaqchu, nispa.

Génesis 37:6

Joseymi paykunata nirqa: Kay mosqoyniyta uyariychik:

Génesis 37:7

Cha-krapim gavillakunata watachkas-qanchik, hinaptinmi ñoqapa gavillay sayariruspa derecholla karqa, qamkunapa gavillaykichikñataqmi muyuriqninpi kaspa ñoqapa gavillayman kumuykurqaku, nispa.

Génesis 37:8

Chaymi wawqenkuna nirqaku: ¿Qamqa reyniyku kaspachu ñoqaykupi munaychakunki? nispanku. Hinaspam mosqoyninrayku aswanraq cheqnikurqaku.

Génesis 41:40

Qanmi kay palacioypi kamachikunki, lliw runaykunam kamachisqaykita kasusunki. Ñoqallañam rey kasqayrayku qanmanta masqa kasaq, nispa.

Génesis 41:44

Faraonqa nirqataqmi: Ñoqa rey kachkaptiypas Egipto nacionpi runakunaqa qam kamachiptillaykim tukuy imatapas ruwanqaku, nispa.

Génesis 44:17

Hinaptinmi José nirqa: Manam chaynatachu ruwasaq, copa apaqllam criadoyqa kanqa, qamkunañataqmi taytaykichikpa wasinman hawkalla kutikunkichik, nispa.

2~Samuel 14:12

Ichaqa chay warmim yapamanta nirqa: Reynilláy kayllatañayá niykullasqayki, nispa. Chaymi rey David nirqa: Rimariyá, nispa.

Ester 1:12

Ichaqa reina Vastim reypa serviqninkunatakama kamachimusqanta mana kasukurqachu. Hinaptinmi reyqa hukmanyaruspan sinchita piñakururqa. Llumpayta rabiakuspanmi

Jobwan Sutichasqa Libro 33:31

Chaynaqa, Job, nisqaytayá allinta uyariy; upallallayá uyariykuway, ñoqam rimarisaq.

Éxodo 32:22

Chaymi Aarón nirqa: Señorlláy ama piñakuychu, qamqa yachankim kay runakunaqa mana allinman qokusqa kasqankuta.

Proverbios 19:12

Reypa piñakuyninqa malta leonpa qapariynin hinam, kuyapayakuyninñataqmi pastokunapi sulla hina.

Daniel 3:15

Chaynaqa, ¿listochu kachkankichik tocasqankuta uyariykuspa ruwachisqay idolopa ñawpaqninpi qonqorakunaykichikpaq hinaspa hatunchanaykichikpaq? Mana hatunchaspaykichikqa chaypunillam rupachkaq hornoman wischusqa kankichik. Hinaptinqa, ¿yaqachu mayqan diospas makiymanta librarusunkichikman? nispa.

Daniel 5:19

Chaynata hatuncharuptinmi lliw nacionkunapi runakunapas, huk rikchaq rimayniyuqkunapas, katkatataspa payta manchakurqaku, chaynapim runakunataqa munasqanman hina wañurachiqpas otaq kawsachiqpas, hatuncharuqpas otaq usuchiqpas.

Juan 5:22

Taytaqa manam pitapas juzganchu, aswanqa Churinmanmi juzgananpaq tukuy atiyta qoykurqa,

Hechos 2:29

Wawqellaykuna, cheqaptam niki-chik: Ñawpaq taytanchik Davidqa wa-ñukuspanmi pampasqa karqa, kunan-kamapas sepulturanqa hinallam kaypi kachkan.