Génesis 43:8 - CHUYA QELLQA La Biblia en Quechua de Ayacucho 2012

⁸ Chaymi taytan Israelta Judá nirqa: Qampas, ñoqaykupas chaynallataq churiykupas mana wañunanta munaspaqa, Benjaminta kachariy ñoqaykuwan rinanpaq.

Quechua Ayacucho Bible 1987

⁸ Chaymi Juda nirqa taytan Israelta: —Kachariyyá warmata ñoqaykuwan rinanpaq chaynapi qampas, ñoqaykupas chaynataq warmaykupas mana wañurunanpaq.

Chuya Qellqa 1992

⁸ Chaymi taytan Israelta Judá nirqa: Qampas, ñoqaykupas chaynallataq churiykupas mana wañunanta munaspaqa, Benjaminta kachariy ñoqaykuwan rinanpaq.

Génesis 43:8 Iomraidhean Croise

Génesis 42:2

Uyarinim Egipto nacionpi kawsay kasqanta, rispayá rantimuychik, chaynapi yarqaymanta mana wañurunanchikpaq, nispa.

Génesis 42:38

Jacobñataqmi nirqa: Qamkunawanqa manañam churiyqa rinmanchu, wawqen wañuruptinmi sapallanña qeparqa, chay risqaykichikpi imapas pasaruptinqa, qamkunapa hawaykichikpim llakimanta kay yuyaq taytaykichik wañurusaq, nispa.

Génesis 44:20

Hinaptinmi nirqaykiku: Arí taytaykuqa kawsakunraqmi, ichaqa yuyaqñam. Kantaqmi sullka wawqeykupas; paytam taytayku yuyaqyayninpiña churyakurqa. Nirqaykikutaqmi chay churintaqa taytaykupa ancha kuyasqantapas, anchataqa kuyan warmin Raquelpi iskaylla churinkuna kasqanraykum, chay iskaymantam mayor kaq wañukurqa, nispayku.

Génesis 44:26

Ñoqaykuñataqmi nirqaniku: “Manam riymankuchu sullka wawqeyku mana ñoqaykuwan riptinqa, paywanmi ichaqa risaqku, mana riptinqa chay señormanqa manam rikuriymankuchu” nispayku.

Génesis 45:19

Wawqekikunata kamachiy kay Egiptopi carretakunata apaspa churinkuta, warminkuta chaynataq taytaykichiktapas apamuspa hampukamunankupaq.

Génesis 50:21

Chaynaqa, ama manchakuychikchu. Ñoqam qamkunatapas churikichikkunatapas uywasqaykichik, nispa. Chaynatam Joseyqa paykunata consuelarqa, hinaspam kuyakuywan rimapayarqa.

Génesis 50:8

Rirqakutaqmi Joseypa ayllunkunapas, llapallan wawqenkunapas. Gosén allpapiqa qeparurqaku warmakunawan, ovejakunawan hinaspa vacakunallañam.

2~Reyes 7:13

Chaymi huknin serviqnin nirqa: Kay llaqtapi puchuq pichqa caballokunapi silladakunata kacharusun imaynam kasqanta yacharamunankupaq. Paykunapas Israel nacionpi runakuna hinallam kawsanqaku otaq wañunqakupas, nispa.

2~Reyes 7:4

Llaqta ukuman yaykuspaqa wañurusunmi, llaqta ukupiqa yarqaymi kakuchkan, kaypi qepaspapas wañurusuntaqmi; kaypi kananchiktaqa Siria nacionpa campamentonman hakuchik. Paykuna llakipayariwaptinchikqa kawsasunmi, wañurachiwaptinchikqa wañusuntaqchiki, nispanku.

Esdras 8:21

Chaymantam Ahava mayupa patanpi ayunanaykupaq kamachikurqani, Tayta Diospa qayllanpi uchuychakuspa payta mañakunaykupaq, chaynapi ñoqaykupas, warmaykupas chaynataq llapa kapuqniykupas ñanta allinlla rinaykupaq.

Éxodo 20:12

Tayta-mamaykitam respetanki, chaynapi ñoqa Tayta Diospa qonay allpapi unay wata kawsanaykipaq.

Números 14:31

Qamkunam nirqankichik: Churin-chikkunataqa enemigonchikkunachá qechuruwasun, nispaykichik. Aswanqa paykunatam wischupakusqaykichik allpaman yaykuchisaq, paykunam chay allpapi yachanqaku.

Deuteronomio 33:6

Rubén ayllumantam nirqa: ¡Rubén ayllu kawsachun! Ama wañuchunchu, mirayninkunapas mana yupay atina kachun.