Génesis 43:30 - CHUYA QELLQA La Biblia en Quechua de Ayacucho 2012

³⁰ Chaymi wawqenmanta waqanayay hapiruptin cuartonman yaykuruspan José waqakururqa.

Quechua Ayacucho Bible 1987

³⁰ Chaymi Josey wawqenmanta waqanayay hapiruptin cuartonman yaykuruspan waqakururqa.

Chuya Qellqa 1992

³⁰ Chaymi wawqenmanta waqanayay hapiruptin cuartonman yaykuruspan José waqakururqa.

Génesis 43:30 Iomraidhean Croise

Génesis 42:24

Chaymi paykunamanta rakikuykuspa José waqarqa. Sonqon tiyaruptinmi paykunaman kutispan huktawan rimapayaspa qawachkaptinku Simeonta chaqnachispa presocharurqa.

Génesis 45:2

hinaspam qaparispa waqakurqa, chaytam Egipto runakunapas uyarirurqaku, Faraonpa wasinpi kaqkunapas yacharurqakum.

Génesis 46:29

carretanta hapispa José kallparqa taytan Israelta chaskinanpaq. Joseymi taytanwan tupaykuspan abrazakuykurqa, hinaspam unaysu waqakurqa.

1~Reyes 3:26

Hinaptinmi kawsaq wawapa maman, wawanmanta sonqonpi llumpayta llakikusqanrayku nirqa: Reynilláy, amayá wawataqa wañurachiychu, kay warmimanyá qoykuy, nispa. Huknin warmiñataqmi nirqa: Ama qampaqpas nitaq ñoqapaqpas kananpaq, partechunku, nispa.

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Hechos 20:19

Llapa judiokuna imataña ruwawayta munaptinkupas humillakuspaymi waqastinpas hinaspa ñakaristinpas Señorninchikta servirqani.

Hechos 20:31

Chaynaqa cuidakuychikyá, amayá qonqaychikchu weqeywan tuta punchaw kimsa watantin sapakamaman yachachisqaytaqa.

Hechos 20:37

Chaymi llapallanku anchata waqakuspanku Pablota abrazaykuspa muchaykurqaku,

Filipenses 1:8

Jesucristopa kuyakuyninwan qamkunata imayna kuyasqaytapas Diosninchikmi yachan.

Filipenses 2:1

Sichum Cristopuni kallpanchasuptikichikqa, sichum kuyasuspaykichik sonqoykichikta tiyaykachiptinqa, sichum Espiritupas qamkunawan kachkaptinqa chaynataq qamkunapas llakipayarikuspa kuyakuqllaña kaspaykichikqa

Colosenses 3:12

Diosmi kuyasusqaykichikrayku akllasurqankichik payllapaqña kanaykichikpaq, chaynaqa musoq pachawan pachakuchkaq hinayá pachallikuychik: Allin kaqkuna ruwaywan, llakipayakuywan, sumaq sonqo kaywan, uchuychakuywan, llampu sonqo kaywan hinaspa pacienciakuywan.

2~Timoteo 1:4

Waqasqaykita yuyarispaymi qanwan tupaykuyta munani, chaynapi llumpay kusikuyta tarinaypaq.

1~Juan 3:17

Pipas kapuq-niyuq kachkaspan runamasinta imamantapas muchuqta qawakunman hinaspa imallantapas mana qoykuqqa, ¿yaqachum Diosta kuyanman?