Génesis 43:29 - CHUYA QELLQA La Biblia en Quechua de Ayacucho 2012

²⁹ Chaymantam taytanmantawan mamanmanta wawqen Benjaminta qawarispan José tapurqa: ¿Paychu chay willawasqaykichik sullka wawqekichik kachkan? nispa. Hinaspam Benjaminta nirqa: Diosyá bendecisunki churilláy, nispa.

Quechua Ayacucho Bible 1987

²⁹ Chaymi Tayta-mamanmanta wawqen Benjaminta Josey qawarispa tapurqa: —¿Paychu chay willawasqaykichik sullka? wawqekichik —nispa. Hinaspam Benjaminta nirqa: —Diosyá bendecisunki, churilláy —nispa.

Chuya Qellqa 1992

²⁹ Chaymantam taytanmantawan mamamanta wawqen Benjaminta qawarispan José tapurqa: ¿Paychu chay willawasqaykichik sullka wawqekichik kachkan? nispa. Hinaspam Benjaminta nirqa: Diosyá bendecisunki churilláy, nispa.

Génesis 43:29 Iomraidhean Croise

Génesis 35:24

Raquelpi churinkunañataqmi Joseywan Benjamín.

Génesis 42:11

Lliwchaykum huk taytapa churillan kaniku, kay runallaykikunaqa cheqap rimaq runakunam kaniku manam wateqaqkunachu, nispanku.

Génesis 42:13

Paykunañataqmi nirqaku: Kay runallaykikunaqa chunka iskayniyuq wawqekunam kaniku, Canaán lawpi huk taytapa churillan. Sullkaykum taytaykuwan qeparamun, hukninñataqmi chinkarun, nispanku.

Génesis 44:21

Qamñataqmi kay serviqllaykikunata niwarqankiku: “Chay warmata pusamuwaychik reqsinaypaq” nispayki.

Génesis 45:8

Chaynaqa, manam qamkunachu kaymanqa kachamuwarqankichik, aswanqa Diosmi; paytaqmi Faraonpa umachaqninta churaruwan, chaynapi lliw wasinpipas, Egipto nacionpipas kamachikuq kanaypaq.

2~Crónicas 29:11

Chaynaqa, churillaykuna amayá mana yuyayniyuqqa kaychikchu, Tayta Diosmi akllasurqankichik servinaykichikpaq hinaspa serviqninkuna kaspa inciensota kañapunaykichikpaq, nispa.

Isaías 30:19

Sión moqopi runakuna, Jerusalén llaqtapi yachaqkuna, manañam haykapipas waqankichikñachu. Payqa llakipayakuspa kuyapayakuqmi. Qaparispa mañakuptikichikmi uyarisunkichik.

Isaías 33:2

Dios Taytallayku, qamllapi suyasqaykuraykuyá llakipayariykullawayku, qamyá sapa tutapayta kallpanchaykuwayku, sasachakuyniyku punchawpiyá salvaykuwayku.

Malaquías 1:9

Chaynaqa, llakipayariwananchik-paq Tayta Diosta kunan mañakuychik. Ichaqa, chayna mana valeq ofrendakunata qochkaspaykichikqa, amayá piensaychikchu Diospas kusikuywanraq chaskiykusunaykichiktaqa. Tukuy Atiyniyuq Tayta Diosmi kaynata nin:

Números 6:25

Tayta Diosyá allin ñawinwan qawarisuspayki llakipayasunki.

Mateo 9:2

Hinaptinmi suchu runata chakanapi wantumurqaku, chaymi Jesusñataq paykunapa iñiyninta qawaykuspan chay suchuta nirqa: Churilláy kallpanchakuy, huchaykikunaqa pampachasqañam, nispan.

Mateo 9:22

Jesusñataqmi muyuriykuspan payta rikururqa, hinaspam nirqa: Churilláy kallpanchakuy, iñiynikiman hinam allinyarunki, nispan. Hinaptinmi chaylla allinyarurqa.

Marcos 10:24

Chaymi discipulonkuna kayta uyariruspanku admirakurqaku. Jesusmi ichaqa paykunata nirqa: Churillaykuna, ¡mayna sasam Diospa munaychakuyninman yaykuyqa!

1~Timoteo 1:2

Kuyasqay Timoteo rimaykamuykim, qamqa iñiypi cheqap churiymi kanki. Dios Taytanchikwan Señorninchik Jesucristoyá kuyakuynintawan hawkayayninta qampa hawaykiman chaqchurimuchun.

Hebreos 13:1

Wawqe-panintin kuyanakuytaqa amayá saqeruychikchu.

Josué 7:19

Hinaptinmi Josué nirqa: Churilláy Acán, Tayta Diostayá, Israelpa Diosnintayá hatunchaspayki yupaychay, hinaspayá ama imatapas pakaykuspa imam ruwasqaykita willaykuway, nispa.