Génesis 43:11 - CHUYA QELLQA La Biblia en Quechua de Ayacucho 2012

¹¹ Chaymi taytanku Israel nirqa: Chayna kaptinqa kaynatayá ruwaychik, chay runamanyá kay Canaán lawpi allinnin regalokunata apaychik: Aslla balsamota, mielta, miski asnaq perfumekunata, mirrata, nuezkunata hinaspa almendrasta.

Quechua Ayacucho Bible 1987

¹¹ Chaymi taytanku Israel nirqa: —Chayna kaptinqa kaynatayá ruraychik: kay Canaan lawpi allin kaqkunatayá apaychik regalota chay runaman: as balsamota, mielta, miski asnaqta, mirrata, nuezkunata hinaspa almendrasta.

Chuya Qellqa 1992

¹¹ Chaymi taytanku Israel nirqa: Chayna kaptinqa kaynatayá ruwaychik, chay runamanyá kay Canaán lawpi allinnin regalokunata apaychik: Aslla balsamota, mielta, miski asnaq perfumekunata, mirrata, nuezkunata hinaspa almendrasta.

Génesis 43:11 Iomraidhean Croise

Génesis 33:10

Hinaptinmi Jacob nirqa: Ama hina kaspaykiyá kuyakuyniyta chaskiykuway, Diospa uyantapas rikuykuchkaq hinam qampa uyaykita rikuykuni, qampas kusisqataqmi chaskiykuwanki.

Génesis 37:25

Hinaspam mikunankupaq tiyaykuspanku Ismael casta negociantekunata Galaad lawmanta hamuchkaqta rikururqaku. Paykunam camellonkupi Egiptoman apachkarqaku miski asnaq perfumekunata, balsamota hinaspa mirrata.

Génesis 43:10

Mana harkawaptikikuqa iskayta riruspapas ñam kutiramuymankuña karqa, nispa.

Génesis 43:14

Tukuy Atiyniyuq Diosyá chay runapa sonqonman qamkunapaq llakipayakuyta churaykuchun, chaynapi Simeontawan Benjaminta kacharimunanpaq. Churiykunata qechuruwaptinqa imanasaqtaq, mana churiyuqñachiki qepasaq, nispa.

Génesis 43:15

Chaymi Jacobpa churinkuna, regalokunata, qollqetapas ñawpaq apasqankumanta huk chaynatawanraq aparikuspa kutirqaku. Pusarqakutaqmi wawqenku Benjamintapas, chaymi Egipto nacionman rispanku Joseyman chayarurqaku,

Génesis 43:25

Paykunañataqmi Joseywan chawpi punchawpi mikunankuta yachaspanku regalokunata allicharqaku.

Génesis 43:26

Wasiman José chayaramuptinmi, regalokuna apamusqankuta qospanku qayllanpi qonqoranpa kumuykurqaku.

1~Reyes 10:15

Manam yupasqachu karqa negociantekunamanta, Arabia law reykunamanta chaynataq Israel nacionpi kamachikuqkunamanta impuesto chaskisqanqa.

1~Reyes 10:25

Llapallankum qorita, qollqeta serviciokunata, sumaq pachakunata, armakunata, miski asnaq perfumekunata, caballokunata hinaspa mulakunata regalanankupaq sapa wata apamuqku.

1~Reyes 15:19

Huk contratota ruwasunchik, imaynam taytanchikkunapas contrato ruwasqankuta hina. Chaypaqmi kay qorita qollqeta kuyakuyniyta apachimuchkayki. Israel nacionpa reynin Baasawan contrato ruwasqaykita pakiruy, chaynapi ñoqamanta anchunanpaq, nispa.

1~Reyes 4:21

Salomonmi munaychakurqa Eufrates mayumanta qallaykuspa Filistea nacionkama hinaspa Egipto nacionwan tupanakuqkama. Paykunam impuestota pagaspanku rey Salomonta wañukunankama servirqaku.

2~Reyes 16:8

Chaynapim Acazqa Tayta Diospa templonmanta hinaspa reypa wasinmanta qorita, qollqeta hurqoramuspan Asiria nacionpa reyninman regalota apachirqa.

2~Reyes 20:12

Chay punchawkunapim Babilonia nacionpa reynin Baladanpa churin Merodac-baladán, rey Ezequías onqorusqanta yacharuspan cartakunatawan regalota apachimurqa.

2~Reyes 8:8

Chaymi Hazaelta rey kamachirqa: Regalota aparikuspayki Diospa profetanta watukaramuy hinaspa paynintakama Tayta Diosta tapukaramuy kay onqoyniymanta sanoyanayta otaq mana sano-yanaytapas, nispa.

Ester 4:16

Susa llaqtapi judío runakunatayá ñoqapaq ayunanankupaq huñuramuy, kimsa punchaw kimsa tutam ama mikunkichikchu nitaq tomankichikchu. Ñoqapas serviqniy sipaskunapiwanmi ayunasaq, chaymantañam reypa qayllanman yaykusaq, leyman hina mana yaykuna kachkaptinpas, wañunay otaq kawsanay kaptinpas, nispa.

Éxodo 3:8

Chaymi uraykamuni Egipto runakunamanta libranaypaq. Egipto nacionmanta hurqospam lliw kawsaykunapa qespinan hinaspa tukuy imapa kanan hatun sumaq allpaman paykunata pusasaq. Chay allpapim cananeokuna, heteokuna, amorreokuna, ferezeokuna, heveokuna hinaspa jebuseokuna yachachkanku.

Proverbios 17:18

Mana yachayniyuq runaqa runamasinpa rantinpim sayaykun, hinaspam hukpa debekusqanta qepikurun.

Proverbios 18:16

Regalowanqa ima punkupas kichakuykunmi, munayniyuq runakunapa qayllanmanpas chayachikunmi.

Proverbios 19:6

Sumaq sonqo runamanqa achkam llunkukunku, imallanpas qokuykuq runapaqqa lliwmi amigollan.

Proverbios 21:14

Pakasqallapi qosqa regaloqa piñakuytapas tanichinmi, pakasqallapi qosqa regaloqa llumpay rabiakuytapas tanichinmi.

Cantares 4:10

¡Mayna sumaqmi kuyakuynikiqa, kuyakusqalláy! Kuyakuynikiqa vinomantapas aswan miskillañam, perfumekipas miski olorkunamanta aswan miskillañam.

Cantares 4:14

nardo waytapa, azafrán waytapa, miski asnaq cañapa, canelapa, incienso sachakunapa, mirra sachakunapa, áloe sachakunapa, miski asnaq sachakunapa tarikunan huertam.

Cantares 8:14

Kuyasqalláy, utqaymanyá kallpamuy, miski asnaq sachakunapa chawpinta kallpaq luwichu hinayá kallpamuy, uña taruka hinayá pawamuy.

Jeremías 8:22

¿Manachu Galaad lawpi hampi kan? ¿Manachu chaypi pipas hampiq kan? ¿Imanasqataq onqoyninmanta llaqtay mana sanoyanchu?

Ezequiel 27:15

Rodas lawpi runakunapas qanwanmi negociota ruwaqku; lamar qocha patanpi nacionkunam rantisuspayki, marfilwan ébano qerukunawan pagasuq kanki.

Ezequiel 27:17

Judá nacionpi hinaspa Israel nacionpi runakunapas rantisuspaykim, Minit lawpi chaynataq Panag lawpi trigokunawan, mielwan, aceitewan hinaspa balsamowan pagasuq kanki.

Ezequiel 27:22

Sabá lawmanta chaynataq Raama lawmanta negociantekunapas rantisuspaykim, miski asnaq perfumekunawan, qoriwan, kuyayllapaq alhaja rumikunawan pagasuq kanki.

Levítico 20:24

Chayraykum nikichik: Qamkunam paykunapa allpanpi munaychakunkichik, kikiypunim qosqaykichik tukuy imakunapapas kasqan allpata. Ñoqam wakin nacionkunamanta rakiqnikichik Tayta Dios kani, nispa.

Hechos 21:14

Mana imayna harkayta atispaykum, “Señorpa munasqanyá ruwasqa kachun” nispayku upallakurqanikuña.

Deuteronomio 33:14

Intipa rupayninwan poqoq rurukunawan bendeciykuy, killapa qespichisqan rurukunawan bendeciykuy.

1~Samuel 25:27

Ama hina kaspayá kay regalokuna apamusqayta runaykikunaman rakiykariy.

1~Samuel 9:7

Chaymi Saúl nirqa: Hakuchikyá, ichaqa, ¿imatataq payman apasun? Qepinchikpiqa manam ima mikuyllanchikpas kanñachu, ¿imatataq chay Diospa runanman qoykusun? nispa.